Ester 9:18 - Библия - Пэ Балтитко Романи чиб (Романэс) 2019

¹⁸ Юды, савэ́ сыс дрэ Сузы, скэдынэ́пэ пэ лэ́скиро дэшутрито дывэ́с и пэ лэ́скиро дэшуштарто дывэ́с; а пэ лэ́скиро дэшупанджто дывэ́с штылынэ, и кэрдэ́ лэс свэнкитконэ дывэсэса и радыма́са.

Biblija - Pe Baltitko Romani čib (Romanes) 2019

¹⁸ Judy, savé sys dre Suzy, skedynépe pe léskiro dešutrito dyvés i pe léskiro dešuštarto dyvés; a pe léskiro dešupandžto dyvés štylyne, i kerdé les svenkitkone dyvesesa i radymása.

Ester 9:18 Referans Kwoze

Ester 9:21

ваш дова́, соб (кай) ёнэ тэ кэрэ́н кажно бэрш свэ́нко пэ́стэ пэ дэшуштарто дывэ́с чхонэ́скиро Адаро и пэ лэ́скиро дэшупанджто дывэ́с.

Ester 9:15

И скэдынэ́пэ Юды, савэ́ сыс дрэ Сузы, адя́кэ и пэ дэшуштарто дывэ́с чхонэ́скиро Адароскиро, и замардэ́ дрэ Сузы триншэла́ манушэ́н, а пэ чорибэн на чхудэ́ пэ́скиро васт.

Ester 9:13

И пхэндя́ Эстэ́ра: “Ко́ли крали́скэ явэ́ла пир ило́, тэды мэк тэ явэ́л дэны во́ля Юдэ́нгэ, савэ́ исын дрэ Сузы, тэ кэрэ́н дова́-паць и атася́, со ададывэ́с, и соб (кай) тэ ублавэн дэшэн Аманоскирэ чхавэ́н пэ кашт.”

Ester 9:1

Акэ, дро дэшуявир чхон, дро чхон Адаро, пэ лэ́скиро дэшутрито дывэ́с, дрэ саво́ явдя́ часо тэ сполнинэ́лпэ крали́скиро припхэныбэ́н и лэ́скирэ упхэныбэ́н, дро дова́ дывэ́с, ке́ли мыслиндлэ дро ило́ Юдэ́нгирэ вэ́рги тэ пиризорьякирэн лэн, а выгия́ пэ яви́р, со кокорэ́ Юды лынэ́ зор пэ лэ́нгирэ вэргэ́ндэ.

Ester 9:11

Дрэ дова́-паць дывэ́с роспхэндлэ́ крали́скэ, кицы́ манушэ́н замардэ́ дрэ крали́скири фэлатин Сузы.

Ester 8:11

Пал-дова́, со далэ́ лыла́ дынэ́ во́ля Юдэ́нгэ, савэ́ дживдэ́ дро кажно фо́ро, тэ скэдэ́нпэ и тэ затэрдён пал пэ́скиро джиибэ́н – тэ традэ́н криг, тэ замарэ́н и тэ хасякирэ́н сарэ́н зоралэн дрэ манушэ́ндэ и дрэ провинцыя, савэ́ исын дрэ холы́ лэ́нца: биятэ́н и джувле́н и барвалыпэ́н лэ́нгиро тэ залэн.

Ester 9:2

Скэдынэ́пэ Юды дрэ пэ́скирэ фо́рья, пир сарэ́ провинцыи Артаксерксоскирэ крали́скирэ, соб (кай) тэ чхувэ́н васт пэ пэскирэндэ вэргэ́ндэ; и нико́н на могиндя́ тэ вытэрдёл анги́л лэ́нгиро муй, пал-дова́ со дар анги́л лэ́ндэ пыя́ пэ сарэ́ манушэ́ндэ.