Ester 9:14 - Библия - Пэ Балтитко Романи чиб (Романэс) 2019

¹⁴ И припхэндя́ кра́ли тэ кэрэ́н адя́кэ; и дыно́ пэ дава́ упхэныбэ́н дрэ Сузы, и дэшэн Аманоскирэ чхавэ́н убладэ.

Biblija - Pe Baltitko Romani čib (Romanes) 2019

¹⁴ I priphendiá králi te kerén adiáke; i dynó pe davá uphenybén dre Suzy, i dešen Amanoskire čhavén ublade.

Ester 9:14 Referans Kwoze

Ester 9:13

И пхэндя́ Эстэ́ра: “Ко́ли крали́скэ явэ́ла пир ило́, тэды мэк тэ явэ́л дэны во́ля Юдэ́нгэ, савэ́ исын дрэ Сузы, тэ кэрэ́н дова́-паць и атася́, со ададывэ́с, и соб (кай) тэ ублавэн дэшэн Аманоскирэ чхавэ́н пэ кашт.”

Ester 9:15

И скэдынэ́пэ Юды, савэ́ сыс дрэ Сузы, адя́кэ и пэ дэшуштарто дывэ́с чхонэ́скиро Адароскиро, и замардэ́ дрэ Сузы триншэла́ манушэ́н, а пэ чорибэн на чхудэ́ пэ́скиро васт.

Čysly 24:20

И дыкхця́ ёв Амаликос, и проракирдя пэ́скири притча и пхэндя́: “Англатуно́ (пэ́рво) манушэ́ндыр исын Амалико, нэ ко́нцо (яго́ро) лэ́скиро авэла мэрибэ́н.”

Е́здра 7:13

Мэ припхэнава, соб (кай) сарэ́ одолэ́, савэ́ исын мануша́ Израилёскирэ, и рашая́, и Леви́ты дро миро крали́тко тхэм, кон камэ́ла пир пэ́скири во́ля тэ джал дро Ерусалимо, -мэк ёнэ тэ джа́н ту́са.

Ester 7:9

И пхэндя́ Харбона, екх евнухэндыр, саво́ сыс пашы́л крали́стэ: “Ѓа́да, и вэшына (кашт) исын”, саво́ кэрдя́ Ама́но ваш Мардохеёскэ, саво́ ракирдя́ лачхипэ́н ваш крали́скэ, исын тэрдо́ пашы́л кхэр Аманоскиро, вучипна́са дрэ пандждэша́ куня́. И пхэндя́ кра́ли: “Ублавэн лэс пэ лэ́стэ.”

Ester 7:10

Адя́кэ ёнэ убладэ Аманос пэ кашт, саво́ ёв кэрдя́ Мардохеёскэ. Тэ́ньци бари холын крали́скири штылыя.

Pritčy 12:7

Фуе манушэ́н равэна тэлэ́ и ёнэ нанэ буты́р, нэ кхэр чачунэ́-манушэ́нгиро явэ́ла тэ тэрдёл.

Ekliesiastos 6:3

Ко́ли манушэ́стэ латхэнапэ шэл чхаворэ́, и ёв продживэла барэ́ бэрша́, со явэ́на бут бут дывэса́ дро лэ́скиро джиибэ́н, нэ ко́ли лэ́скиро ди на явэ́ла чало лачхипнастыр, ци лэс гаравэна накучэс, тэды мэ пхэнавас, со муло́ тыкномас, саво́ исын дро да́киро пэр, исын фэды́р кадасавэ́ манушэ́стыр;

Galatenge 3:13

Христо́со выкиндя амэн Законо́скирэ прокошыбнастыр, ке́ли Ёв лыя́ Законоскиро прокошыбэ́н пэ Пэ́стэ, сыр исын чхиндло́ дро Зако́но: “Кажно ману́ш, кон исын убладо пэ кашт, тэ явэ́л тэл Дэвлэ́скиро прокошыбэ́н”,