Ester 9:10 - Библия - Пэ Балтитко Романи чиб (Романэс) 2019

¹⁰ Дэшэн Аманоскирэ чхавэ́н Амадафоскирэ [Гамедатоскирэ-ю.о.] чхавэ́с, Юдэ́нгирэ вэргос, замардэ́ ёнэ, а пэ чорибэн ёнэ на чхудэ́ пэ́скиро васт.

Biblija - Pe Baltitko Romani čib (Romanes) 2019

¹⁰ Dešen Amanoskire čhavén Amadafoskire [Gamiedatoskire-ju.o.] čhavés, Judéngire vergos, zamardé jone, a pe čoriben jone na čhudé péskiro vast.

Ester 9:10 Referans Kwoze

Ester 8:11

Пал-дова́, со далэ́ лыла́ дынэ́ во́ля Юдэ́нгэ, савэ́ дживдэ́ дро кажно фо́ро, тэ скэдэ́нпэ и тэ затэрдён пал пэ́скиро джиибэ́н – тэ традэ́н криг, тэ замарэ́н и тэ хасякирэ́н сарэ́н зоралэн дрэ манушэ́ндэ и дрэ провинцыя, савэ́ исын дрэ холы́ лэ́нца: биятэ́н и джувле́н и барвалыпэ́н лэ́нгиро тэ залэн.

Ester 5:11

И роспхэндя́ лэ́нгэ Ама́но пал древа́н баро́ пэ́скиро барвалыпэ́н, и пал древа́н бут пэ́скирэ чхавэ́ндэ, и пал саро́ дова́, сыр лэс кра́ли ґаздыя́ вучэ́с и сыр чхудя́ лэс пэ тхэмэ́скирэ рандэ и бутярнэндэ кралискирэндэ.

Džiibén 14:23

Со мэ на лава́ ни тхав, ни ґэритконэндыр симироро сарэ́ тырэстыр, соб (кай) ту тэ на пхэнэ́с: ‘Мэ барвалякирдём Аврамос’,

Filipiicenge 4:8

И акэ, пшала́лэ мирэ́, саро́, со исын чачуно́, со нанэ хохано́, со исын патяибны́тко, со исын жужо́, со исын мол тэ сыкавэ́л паты́в, со исын патывало, ко́ли исын вари-саво́ лачхипэ́н и вари-саво́ шарибэ́н, екх пал дава́ тумэ́ думинэн.

Римлянэнгэ 12:17

на кэрэ́н чорипэ́н палэ пал холы́ никонэ́скэ, кэрэ́н лачхипэ́н сарэ́ манушэ́нгэ;

Psalmy 21:10

Ту кэрэ́са лэ́ндыр хачкирдо бов яга́са, сыр Ту явэ́са; Раё Дэ́вла накхавэла лэн дрэ Лэ́скири холы́ и яг ха́ла кэ хась лэн.

Ester 7:6

И отпхэндя́ Эстэ́ра: “Вэ́рго и на́лачхо ману́ш – кадава́ исын захало Ама́но!” И Ама́но страхадыя анги́л крали́стэ и кралицатэ.

Ester 7:4

Палдава́ со бикиндлэ амэн, ман и мирэ́ манушэ́н, пэ традыпэн криг, умарибэн и хасибэ́н. Ко́ли амэ тэ явас бикиндлэ сыр писха́рья и писхарицы, то мэ ява́ва штыл, усае́кх вэ́рго на рискирэ́ла уре́жа крали́скири.”

Ester 3:1

Пало́ (после) дава́ Артаксе́рксо кра́ли дыя́ баро́ право Аманоскэ, Амадафоскирэ чхавэ́скэ, Вугеяниноскэ, и ґаздыя́ лэс, и чхудя́ лэ́скиро штэ́то, кай ёв сыс бэшто́, вучэды́р сарэ́ндыр тхагарье́ндыр, савэ́ сыс лэ́стэ.

Vygiiben 20:5

на кэр шэрэ́са (на кло́нинпэ) лэ́нгэ и на дынарин (на служын) лэ́нгэ; пал-дова́ со Мэ Рай Дэвэ́л, Дэвэ́л тыро́, Дэвэ́л, Саво́ зэвлынэла (ревнинэла), чхувэ́ла ка́ра пэ чхавэ́ндэ пал дадэнгири банг кэ три́то и шта́рто ро́до, конэ́скэ на сом дро́го Мэ,

Vygiiben 17:16

“Пал-дова́ со, пхэндя́ ёв, васт Ра́скирэ-Дэвлэ́скиро исын пэ троно: марибэ́н Растэ-Дэвлэ́стэ проти Амаликостэ сыс родо́стыр дрэ ро́ды.

Ester 3:13

И бичхадэ́ сыс лыла́ пир манушэ́ндэ дрэ сарэ́ крали́скирэ провинцыи, соб (кай) тэ замарэ́н, (тэ хасякирэ́н) и тэ мулякирэ́н сарэ́н Юдэ́н, тыкнэн и пхуранэн, биятэ́н и джувле́н, дро е́кх дывэ́с, пэ дэшутрито дывэ́с дэшуявир-чхонэ́скиро, дро Адароскири чхон, и барвалыпэ́н лэ́нгиро тэ залэн.

Ester 9:9

И Пармашфас, и Арисаёс, и Аридаёс, и Ваиезафос, –

Ester 9:11

Дрэ дова́-паць дывэ́с роспхэндлэ́ крали́скэ, кицы́ манушэ́н замардэ́ дрэ крали́скири фэлатин Сузы.

Дание́лё 6:24

И дыя́ о кра́ли, и сыс лыджинэ́ кэ ёв одолэ́ мануша́, савэ́ бангякирдэ Даниелёс, и ёнэ сыс чхурдынэ́ дро шчэрэнгиро рово (хохо́й), сыр кокорэ́, адя́кэ-паць лэ́нгирэ чхаворэ́ и лэ́нгирэ джувля́; на догинэ́ ёнэ кэ ровоскиро дно (дугно), сыр ханэ́ лэн шчэра́ (левы) и пхагирдэ́ лэ́нгирэ кокалы́.

Džiibén 34:27

Яково́скирэ чхавэ́ явнэ́ кэ замардэ́ мануша́, и обкэдынэ фо́ро, пал-дова́, со ёнэ кэрдэ́ напатывалыпэн лэ́нгирэ пхэнякэ.