Ester 9:1 - Библия - Пэ Балтитко Романи чиб (Романэс) 2019

¹ Акэ, дро дэшуявир чхон, дро чхон Адаро, пэ лэ́скиро дэшутрито дывэ́с, дрэ саво́ явдя́ часо тэ сполнинэ́лпэ крали́скиро припхэныбэ́н и лэ́скирэ упхэныбэ́н, дро дова́ дывэ́с, ке́ли мыслиндлэ дро ило́ Юдэ́нгирэ вэ́рги тэ пиризорьякирэн лэн, а выгия́ пэ яви́р, со кокорэ́ Юды лынэ́ зор пэ лэ́нгирэ вэргэ́ндэ.

Biblija - Pe Baltitko Romani čib (Romanes) 2019

¹ Ake, dro dešuiavir čhon, dro čhon Adaro, pe léskiro dešutrito dyvés, dre savó javdiá časo te spolninélpe kralískiro priphenybén i léskire uphenybén, dro dová dyvés, kiéli myslindle dro iló Judéngire vérgi te pirizorjakiren len, a vygijá pe javír, so kokoré Judy lyné zor pe léngire vergénde.

Ester 9:1 Referans Kwoze

Ester 8:12

Дро екх дывэ́с пир сарэ́ крали́скирэ Артаксерксоскирэ провинцыи пэ дэшутрито дывэ́с дэшудуенгирэ чхонэ́скиро, Адароскиро чхон.

Ester 3:13

И бичхадэ́ сыс лыла́ пир манушэ́ндэ дрэ сарэ́ крали́скирэ провинцыи, соб (кай) тэ замарэ́н, (тэ хасякирэ́н) и тэ мулякирэ́н сарэ́н Юдэ́н, тыкнэн и пхуранэн, биятэ́н и джувле́н, дро е́кх дывэ́с, пэ дэшутрито дывэ́с дэшуявир-чхонэ́скиро, дро Адароскири чхон, и барвалыпэ́н лэ́нгиро тэ залэн.

Sykadyipén 11:18

На́юды холясынэ долэ́скэ, со явдя́ Тыри́ холы́ дро часо тэ сэндякирэс мулэн, и тэ отдэс палэ Пэ́скирэ писхарье́нгэ, пророкэнгэ, и свэнтонэнгэ и одолэ́нгэ, савэ́ дарэ́на Тырэ́ лавэ́стыр, барэнгэ и тыкнэнгэ. Тэ мулякирэс одолэ́н, савэ́ хасякирэна пхув.”

Psalmy 30:11

Шун, о Раё Дэ́вла, сыка́в Пэ́скири ла́ска. О, Раё Дэ́вла, подэ Пэ́скиро васт тэ зракхэс ман.

Apostolengiri Butý 12:11

Ке́ли Пэ́три явдя́ дрэ пэ́стэ, ёв пхэндя́: “Мэ какана́, чачэс, дыкха́ва, со Дэвэ́л бичхадя́ Пэ́скирэ Янголо́с и ракхця́ ман Иродоскирэ вастэ́ндыр и сарэ́стыр, со камлэ́ Юдэя́кирэ мануша́ тэ кэрэ́н.”

Ester 9:17

Дава́ сыс пэ дэшутрито дывэ́с чхон Адароскиро; а пэ дэшуштарто дывэ́с дова́-паць чхон ёнэ штылынэ и кэрдэ́ лэс свэнкитконэ дывэсэса и радыма́са.

Ester 3:7

Дро пэ́рво чхон, саво́ исын чхон Нисано, дрэ дэшуявир бэрш крали́скиро Артаксерксоскиро чхурдынэ́ жре́биё, анги́л Аманоскиро муй дывэ́с дро дывэ́с и чхонэстыр дро чхон, и пыя́ жре́биё пэ дэшуявир чхон, пэ чхон Адаро.

2 Kralip 22:41

Ту рискирэса мэняса кэ мэ вэргэ́н мирэн, и мэ вымарава одолэ́н, кон бидыкхэла ман.

Яви́р Зако́но 32:36

Нэ ке́ли Рай Дэвэ́л явэ́ла тэ сэндякирэ́л Лэ́скирэ манушэ́н, то Ёв потангинэла Пэ́скирэ писхарье́н, пал-дова́, со Ёв дыкхэ́ла, со лэ́нгиро васт яця́ бизорья́киро, и на яця́ ни писхари́с, ни вольнонэ манушэ́с.

Ester 8:6

Пал-дова́ со, сыр мэ могина́ва тэ дыкха́в би́да, сави́ явэ́ла пэ мирэ́ манушэ́ндэ, и сыр мэ могина́ва тэ дыкха́в мэрибэ́н мирэ́ манушэ́нгиро?”

Psalmy 18:40

И Ту дыя́н ма́нгэ зор ваш марибэ́н. Ту бандякирдян мирэ́ вэргэ́н анги́л ма́ндэ.