Ester 8:5 - Библия - Пэ Балтитко Романи чиб (Романэс) 2019

⁵ И пхэндя́: “Ко́ли крали́скэ явэ́ла пир ило́, и ко́ли мэ латхём тангипэ́н анги́л муй лэ́скиро, и чачуно́ дава́ рэ́ндо анги́л муй крали́скиро, и со мило сом мэ якхэнгэ лэскирэнгэ; тэды мэк тэ явэ́л чхиндло́, соб (кай) тэ явэ́н рискирдэ́ лыла́ пир задуминыбэн Аманоскиро, чхавэ́скирэ Гамедатоскирэ, Вугеяниноскирэ, савэ́ ёв чхиндя́ пал Юдэ́нгиро замарибэн дрэ сарэ́ провинцыи крали́скирэ.

Biblija - Pe Baltitko Romani čib (Romanes) 2019

⁵ I phendiá: “Kóli kralíske javéla pir iló, i kóli me lathjom tangipén angíl muj léskiro, i čačunó davá réndo angíl muj kralískiro, i so milo som me jakhenge leskirenge; tedy mek te javél čhindló, sob (kaj) te javén riskirdé lylá pir zaduminyben Amanoskiro, čhavéskire Gamiedatoskire, Vugejaninoskire, savé jov čhindiá pal Judéngiro zamariben dre saré provincyi kralískire.

Ester 8:5 Referans Kwoze

Ester 7:3

Тэ́ньци отпхэндя́ кра́лица Эстэ́ра, и пхэндя́: “Ко́ли мэ латхём тангипэ́н (жалима) дрэ тырэ́ якха́, о Кра́ли, и ко́ли крали́скэ явэ́ла пир ило́, тэды мэк тэ явэ́л дариндло миро джиибэ́н ма́нгэ, пир ило́ миро, и мирэ́ манушэ́нгэ, пир миро мангипэ́н!

Ester 5:8

ко́ли мэ латхём ла́ска дрэ крали́скирэ якха́, и ко́ли явэ́ла пир ило́ крали́скэ, соб (кай) тэ сполнинэс пир ило́ ма́нгэ и миро мангипэ́н, тэды мэк кра́ли Аманоса тэ явэ́н пэ свэ́нко, саво́ мэ кэра́ва ваш лэ́нгэ, и атася́ мэ сполнинава лав крали́скиро.”

Ester 2:17

И покамдя кра́ли Эстэ́ра буты́р пэ́скирэ сарэ́ джувле́ндыр, и ёй яця́ дро́го лэ́скэ и лачхо́ отлыджаибэн буты́р сарэ́ндыр тэрнэ́ патывалэ́ джувле́ндыр; и ёв чхудя́ крали́тко коро́на пэ ла́киро шэро́, и кэрдя́ ла кралицаса пэ Астинякиро штэ́то.

Ester 2:4

И тэрны́ патывалы́ джувлы́, сави́ явэ́ла лачхи́ крали́скирэ якхэнгэ, мэк тэ явэ́л кралицаса заме́ст Астинятэ. И лачхо́ сыс дава́ лав дрэ крали́скирэ якха́, и ёв адя́кэ и кэрдя́.

1 Kralip 20:29

ёв ракирдя́: ‘Отмэк ман, пал-дова́ со амэ́ндэ дро фо́ро исын сэмэнцакиро свэ́нто яныбэ́н Ра́скэ-Дэвлэ́скэ, и миро пшал кхардя́ ман; и адя́кэ, ко́ли мэ латхём ла́ска дро тырэ́ якха́, джа́ва мэ и дыкхавапэ пэ́скирэ пшалэ́нца;’ палдава́ ёв и на явдя́ кэ обядо крали́скиро.”

Vygiiben 33:16

палдава́ со пир со тэ уджинас, со мэ и Тырэ́ мануша́ латхям ла́ска дрэ Тырэ́ якха́? Ци на пир дава́, ке́ли Ту джа́са амэ́нца? Тэды мэ и Тырэ́ мануша́ ява́са тэ выдаспэ славутнэдыр кажнонэ́ явирэ манушэ́ндыр пэ пхув.”

Vygiiben 33:13

и адя́кэ, ко́ли мэ латхём (ластем) ла́ска дрэ Тырэ́ якха́, тэды мэ манга́ва; сыка́в ма́нгэ Тыро́ дром, соб (кай) мэ тэ джина́в Тут, соб (кай) тэ латхав ла́ска дрэ Тырэ́ якха́; и дэпэ мыслякэ, со адалэ́ мануша́ исын Тырэ́ мануша́.”

Ester 3:1

Пало́ (после) дава́ Артаксе́рксо кра́ли дыя́ баро́ право Аманоскэ, Амадафоскирэ чхавэ́скэ, Вугеяниноскэ, и ґаздыя́ лэс, и чхудя́ лэ́скиро штэ́то, кай ёв сыс бэшто́, вучэды́р сарэ́ндыр тхагарье́ндыр, савэ́ сыс лэ́стэ.