Ester 8:14 - Библия - Пэ Балтитко Романи чиб (Романэс) 2019

¹⁴ Тэ́ньци мануша́, савэ́ традынэ уклистэ́ пэ крали́скирэ прастыбнытконэ грэ́ндэ, традынэ сыг и сыгэды́р крали́скирэ упхэныбнаса. Дава́ упхэныбэ́н сыс объявиндло (пхэндло́) и дрэ крали́скири фэлатин [шэрутно фо́ро-р.с.] тва́рдыма Сузы.

Biblija - Pe Baltitko Romani čib (Romanes) 2019

¹⁴ Tén'ci manušá, savé tradyne uklisté pe kralískire prastybnytkone grénde, tradyne syg i sygedýr kralískire uphenybnasa. Davá uphenybén sys ob'iavindlo (phendló) i dre kralískiri felatin [šerutno fóro-r.s.] tvárdyma Suzy.

Ester 8:14 Referans Kwoze

Дание́лё 8:2

И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.

Ester 3:15

Мануша́, савэ́н бичхадэ́, сы́гэс гинэ́ крали́скирэ припхэныбнаса, и упхэныбэ́н сыс пхэндло́ и дрэ крали́скири фэлатин Сузы. И кра́ли и Ама́но сыс бэштэ́ и пинэ́, а фо́ро Сузы сыс дрэ баро́ пиридживипэн.

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Ester 2:3

И мэк кра́ли тэ чхувэ́л дыкхибнаскирэн дрэ сарэ́ пэ́скирэ кралипнаскирэ-провинцыякирэ штэ́ты, савэ́ скэдэ́на сарэ́н тэрнэ́ патывалэ́ джувле́н, савэ́ сыс гожа мо́са, кэ крали́скири фэлатин [шэрутно-р.с.] Сузы, дрэ джувле́нгиро кхэр тэл Гегаёскирэ – крали́скирэ-евнухоскиро ракхибэн, саво́ сыс джувле́нгиро ракхибнари, и мэк лэ́нгэ тэ выдэн макхлуня ваш шукарипэ́н.

Ester 1:2

Дрэ долэ́ дывэса́, сыр кра́ли Артаксе́рксо бэстя́ пэ пэ́скиро крали́тко троно, со сыс дрэ Сузы [Шушан-ю.о.], дрэ лэ́скири крали́скири фэлатин [шэрутно фо́ро-р.с.].

Ниеми́я 1:1

Лава́ Ниемияскирэ, Ахалииноскирэ чхавэ́скирэ. Дро чхон Кислев, дро бишто бэрш, со́мас мэ кэ Сузы, дро шэрутно фо́ро [крали́скири фэлатин-ю.о.].

1 Kralip 21:8

И пхэндя́ Дави́до Ахимелехоскэ: “Ци нанэ ада́й ту́тэ тэл васт чхурдыпнытко буст ци курта́ла? Пал-дова́ со мэ на лыём пэ́са ни курта́ла, ни яви́р марды́тко, адя́кэ сыр крали́скиро припхэныбэ́н сыс сы́гно.”

3 Kralip 4:28

И ґэрсто (ячменё), и пхус ваш грэнгэ и ваш мулэнгэ янэ́нас кажно (сва́ко) дрэ пэ́скири стэчка (рядо) пэ штэ́то, кай сыс кра́ли.

2 Паралипоменоно 30:6

И гинэ́ [праста́ндынэ-ю.о.] мануша́ лылэнца крали́стыр и лэ́скирэ тхагарье́ндыр пэ сари́ Израилёскири пхув и Юдэякири, и дро крали́скиро упхэныбэ́н ракирдэ́: “Чхавэ́ Израилёскирэ! Рисён кэ Рай Дэвэ́л, Дэвэ́л Авраамо́скиро, Исаакоскиро и Израилёскиро, и Ёв рисёла кэ мануша́, савэ́ ячнэ́пэ, и савэ́ зракхнэпэ тумэ́ндэ вастэ́стыр Асирия́кирэ кралье́ндыр.

Ester 3:13

И бичхадэ́ сыс лыла́ пир манушэ́ндэ дрэ сарэ́ крали́скирэ провинцыи, соб (кай) тэ замарэ́н, (тэ хасякирэ́н) и тэ мулякирэ́н сарэ́н Юдэ́н, тыкнэн и пхуранэн, биятэ́н и джувле́н, дро е́кх дывэ́с, пэ дэшутрито дывэ́с дэшуявир-чхонэ́скиро, дро Адароскири чхон, и барвалыпэ́н лэ́нгиро тэ залэн.

Ester 3:14

Пиричхиныбэн далэ́ упхэныбнастыр сыс тэ отдэ́н дрэ кажно провинцыя сыр зако́но, саво́ сыс пхэндло́ (объявиндло) ваш сарэ́ манушэ́нгэ, соб (кай) ёнэ тэ явэ́н скэдынэ́ кэ дова́ дывэ́с.

Ester 8:13

Пиричхиныбэн далэ́ упхэныбнаскиро тэ отдэ́н дрэ каажно провинцыя сыр зако́но, дыно тэ джинэн (объявиндло) ваш сарэ́ манушэ́нгэ, соб (кай) Юды тэ явэ́н скэдынэ́ кэ дова́ дывэ́с тэ отхан палэ пэ́скирэ вэргэ́нгэ.

Ester 8:15

И, акэ, Мардохе́ё выгия́ крали́стыр дрэ крали́скиро урибэ́н яхонтовонэ и парнэ́ цвятоса, и барэ́ сувнакунэ́ коронаса, и дрэ мантия, висонытко и пурпурытко. И фо́ро Сузы отджидыя́ и зоралэ́с обрадындяпэ.