Ester 7:8 - Библия - Пэ Балтитко Романи чиб (Романэс) 2019

⁸ Ке́ли кра́ли рисия́ фэлатинякирэ унтатыр пэ штэ́то дро кхэр, кай сыс свэ́нко, Ама́но сыс пыи кэ чхуибэ́н, пэ саво́ сыс Эстэ́ра. И пхэндя́ кра́ли: “Аж камэ́ла и тэ лэл пэ зор кра́лица дрэ кхэр ма́ндэ, ке́ли мэ сом!” Лав выгия́ крали́скирэ уштэндыр, и зачхакирдэ муй Аманоскэ!

Biblija - Pe Baltitko Romani čib (Romanes) 2019

⁸ Kiéli králi risijá felatiniakire untatyr pe štéto dro kher, kaj sys svénko, Amáno sys pyi ke čhuibén, pe savó sys Estéra. I phendiá králi: “Až kaméla i te lel pe zor králica dre kher mánde, kiéli me som!” Lav vygijá kralískire uštendyr, i začhakirde muj Amanoske!

Ester 7:8 Referans Kwoze

Ester 1:6

Парнэ́ папирья́тыр и яхонтовонэ-цвятэ́нгиро вылна́тыр сыс тхана́ (ткани), савэ́ сыс прикэрдэ висонытконэ́ и пурпуровонэ́ шнурэнца (дорьенца), ёнэ сыс убладэ пэ рупувэ́ брэ́ньчы пир мраморытка сты́лбы.

Ester 6:12

И рисия́ Мардохе́ё кэ крали́скирэ вудара́. Ама́но сыгэды́р гия́ дрэ пэ́скиро кхэр, смэнтно и зачхакирдя шэро́.

Isajos 22:17

Акэ, Рай Дэвэ́л чхурдэ́ла тут, сыр зорало́ ману́ш чхурдэ́ла, притасавэла тут.

Ióvo 9:24

Пхув исын дыны́ дрэ бибахталэ́-манушэ́нгирэ васта́; Ёв учхакирдя́ сэндарье́нгирэ муя́. Ко́ли дава́ нанэ Ёв, то кон ишчо (инкэ́) дава́ сашты́ тэ кэрэ́л?

Isajos 49:23

И явэ́на кра́лья тэ чалякирэн тут; кралицы лэ́нгирэ тут чалякирэна. И явэ́на тэ пэрэ́н анги́л ту́тэ пэ чанга́ и тэ хан пра́хо тырэ́ ґэрэндыр. Тэ́ньци уджинэса ту, со Мэ сом Рай Дэвэ́л; со на ладжана мануша́, конэ́стэ исын пэ Ма́ндэ наде́я.”

Marko 14:65

Тэ́ньци вари-савэ́ лынэ́ тэ чунгардэн пэ Лэ́стэ; Исусо́скэ запхандлэ якха́, лынэ́ тэ марэ́н пир шэро́ бурныкэнца (ладошкэнца) и ракирдэ́: “Уґалёв!”; и слу́ги (дына́рья) мардэ́ Лэс пир муй.

Ester 1:5

Ке́ли прогинэ́ (накхлэ) далэ́ дывэса́, то кра́ли кэрдя́ свэ́нко ваш пэ́скирэ манушэ́нгэ, савэ́ сыс дрэ у́нта (садо) Сузы, барэстыр кэ тыкно́ эфта́ дывэсэнгиро пэ крали́скирэ, фэлатинякири пэ грэ́да (дво́ро).

Ester 7:10

Адя́кэ ёнэ убладэ Аманос пэ кашт, саво́ ёв кэрдя́ Мардохеёскэ. Тэ́ньци бари холын крали́скири штылыя.

Amoso 3:12

Адя́кэ ракирэ́ла Рай Дэвэ́л: “Сыр о чхупна́ри (пастырё) вытырдэла яви́р мо́ло и зракхэ́ла шчэроскирэ (левоскирэ) мо́стыр дуй кокалы́ ґэрэнгирэ и котэ́р канэскиро, адя́кэ-паць на́бут чхаворэ́н Израилёскирэн вытырдэна хасибнастыр, савэ́ дживэ́на кэ Сама́рия пэ яго́ро (пэ краё) чхуибнаскиро, и савэ́ исын бэштэ́ пэ яго́ро дрогонэ́ пасиндлякиро (пэ кушэтка).