Ester 7:4 - Библия - Пэ Балтитко Романи чиб (Романэс) 2019

⁴ Палдава́ со бикиндлэ амэн, ман и мирэ́ манушэ́н, пэ традыпэн криг, умарибэн и хасибэ́н. Ко́ли амэ тэ явас бикиндлэ сыр писха́рья и писхарицы, то мэ ява́ва штыл, усае́кх вэ́рго на рискирэ́ла уре́жа крали́скири.”

Biblija - Pe Baltitko Romani čib (Romanes) 2019

⁴ Paldavá so bikindle amen, man i miré manušén, pe tradypen krig, umariben i xasibén. Kóli ame te javas bikindle syr pishárja i pisharicy, to me javáva štyl, usajékh vérgo na riskiréla uriéža kralískiri.”

Ester 7:4 Referans Kwoze

Ester 3:9

Ко́ли крали́скэ явэ́ла пир ило́, тэды мэк тэ явэ́л зачхиндло́ сыр припхэныбэ́н тэ мулякирэ́н лэн; и дэш бара́ тала́нты руп мэ плэскирава дрэ манушэ́нгирэ васта́, кон кэрдя́ дая́ буты́, соб (кай) тэ лыджа́н дрэ крали́скири пиралы́ (казна).’

Яви́р Зако́но 28:68

И рискирэ́ла тут Рай Дэвэ́л дро Еги́пто пэ па́рма (пэ кораблё) долэ́ дромэ́са, пал саво́ мэ пхэндём ту́кэ: “Ту буты́р на дыкхэ́са лэс”; и одо́й явэ́на тумэ́ тэ бикнэнпэ тумарэ́ вэргэ́нгэ дрэ писхарьендэ и дрэ писхарицэндэ, и на явэ́ла киныбнарис.”

Ester 3:13

И бичхадэ́ сыс лыла́ пир манушэ́ндэ дрэ сарэ́ крали́скирэ провинцыи, соб (кай) тэ замарэ́н, (тэ хасякирэ́н) и тэ мулякирэ́н сарэ́н Юдэ́н, тыкнэн и пхуранэн, биятэ́н и джувле́н, дро е́кх дывэ́с, пэ дэшутрито дывэ́с дэшуявир-чхонэ́скиро, дро Адароскири чхон, и барвалыпэ́н лэ́нгиро тэ залэн.

Ester 8:11

Пал-дова́, со далэ́ лыла́ дынэ́ во́ля Юдэ́нгэ, савэ́ дживдэ́ дро кажно фо́ро, тэ скэдэ́нпэ и тэ затэрдён пал пэ́скиро джиибэ́н – тэ традэ́н криг, тэ замарэ́н и тэ хасякирэ́н сарэ́н зоралэн дрэ манушэ́ндэ и дрэ провинцыя, савэ́ исын дрэ холы́ лэ́нца: биятэ́н и джувле́н и барвалыпэ́н лэ́нгиро тэ залэн.

Amoso 2:6

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Израилёскирэ и пал штар чорипэна, Мэ на отмэка́ва пхаро́ сэ́ндо, пал-дова́ со ёнэ бикиндлэ чачипнаскирэн манушэ́н пал руп, и чорорэн пал пара цурули (цандали).

Ioil 3:6

и манушэ́н Юдэя́тыр и манушэ́н Ерусалимо́стыр бикнэнас тумэ́ Грекэ́нгэ (Баламэ́нгэ), соб (кай) тэ дурьякирэн лэн межэндыр пэ лэ́нгири жэ пхув.

Ester 7:6

И отпхэндя́ Эстэ́ра: “Вэ́рго и на́лачхо ману́ш – кадава́ исын захало Ама́но!” И Ама́но страхадыя анги́л крали́стэ и кралицатэ.

Ниеми́я 5:5

амэ́ндэ исын дасавэ́-паць маса́, савэ́ маса́ исын амарэ́ пшалэ́ндэ, и о чхавэ́ амарэ́ исын кадасавэ́-паць, сыр лэ́нгирэ чхавэ́ исын; акэ, амэ сам бангэ́ тэ отдас амарэн чхавэ́н и амарэн чхае́н дрэ писхарьендэ, и ада́кицы амарэ́ чхаендыр ужэ исын дрэ писхарима. Нанэ нисавэ ловэ́ тэ выкинэн лэн дрэ амарэ́ васта́; и фэ́лды амарэ́ и винаградники амарэ́ исын явирэндэ.”

1 Kralip 22:23

ячпэ ма́ндэ, на дар; пал-дова́ со кон явэ́ла тэ родэ́л и тыро́ ди, явэ́ла тэ родэ́л и тыро́ ди; ту явэ́са ма́ндэ тэл ракхибэн.”

Isúso 9:23

Палдава́ прокошнэ сан тумэ́! Саро́ джиибэ́н тумэ́ явэ́на дынарье́нца; явэ́на тэ чингирэн кашта́ и тэ пхэрэн пани́ ваш кхэр мирэ́ Ра́скиро-Дэвлэ́скиро!”

Luka 12:45

Нэ ко́ли дава́ писха́ри пхэнэ́ла пэ́скэ: ‘Миро рай зарикирэлапэ;’ и ёв лэ́ла тэ марэл дынарье́н и дынарицэн, тэ хал и тэ пьел, и тэ матёл,

Ester 7:5

И отпхэндя́ кра́ли Артаксе́рксо, и пхэндя́ кралицакэ Эстэракэ: “Кон исын адасаво́, и кай исын кодова́, саво́ сыс тромало (муршкано́) дрэ пэ́скиро ило́ тэ кэрэ́л адя́кэ?”

Ester 8:6

Пал-дова́ со, сыр мэ могина́ва тэ дыкха́в би́да, сави́ явэ́ла пэ мирэ́ манушэ́ндэ, и сыр мэ могина́ва тэ дыкха́в мэрибэ́н мирэ́ манушэ́нгиро?”

Ester 9:25

Нэ сыр Эстэ́ра догия́ кэ кра́ли, и сыр кра́ли припхэндя́ нэвонэ́ лылэса, соб (кай) калэ́ задумки Аманоскирэ, савэ́ ёв придуминдя пэ Юдэ́ндэ, обрисинэ пэ лэ́скиро шэро́, и соб (кай) лэс и чхавэ́н лэскирэн тэ ублавэн пэ вэшына (кашт).

Дание́лё 6:2

и упра́л лэ́ндэ тринэн тхэмэ́скирэ барыдырэ́н – савэ́ндыр екх сыс о Дание́лё, соб (кай) ёнэ сатрапы дэ́нас лэ́нгэ отпхэныбэ́н, и, соб (кай) крали́скэ тэ на явэ́л ни саво́ пхарипэ́н.