Ester 6:6 - Библия - Пэ Балтитко Романи чиб (Романэс) 2019

⁶ И загия́ Ама́но. И пхэндя́ лэ́скэ кра́ли: “Со трэй тэ кэрэ́н одолэ́ манушэ́скэ, савэ́с кра́ли древа́н камэ́ла тэ патывакирэс слава́са?” Ама́но подуминдя дрэ пэ́скиро ило́: “Конэ́скэ ж явирэскэ закамэ́ла кра́ли тэ кэрэ́л сла́ва, апри́ч ма́ндэ?”

Biblija - Pe Baltitko Romani čib (Romanes) 2019

⁶ I zagijá Amáno. I phendiá léske králi: “So trej te kerén odolé manušéske, savés králi drieván kaméla te patyvakires slavása?” Amáno podumindia dre péskiro iló: “Konéske ž javireske zakaméla králi te kerél sláva, apríč mánde?”

Ester 6:6 Referans Kwoze

Авдиёс 1:3

Тыро́ пхутькирдо ило́ хохадя тут, кон дживэ́ла машки́р шчэ́ли пэ бэ́рги, конэ́скиро кхэр исын вучо́; ту, саво́ ракирэ́ла дро пэ́скиро ило́: ‘Кон счхурдэла тэлэ́ ман?’

Pritčy 16:18

Пхутькирибэ́н исын усады (сак) кэ хасибэ́н, ману́ш, саво́ задэлапэ, сыг пэрэ́ла.

Joannostir 5:23

соб (кай) сарэ́ тэ кутякирэн Чхавэ́с, сыр кутякирэна Дадэ́с. Кон на кутякирэла Чхавэ́с, одова́ на кутякирэла и Дадэ́с, Саво́ бичхадя́ Лэс.

Матфеё 3:17

И акэ, зан болыбна́стыр, сави́ ракирдя́: “Кадава́ исын Миро дро́го Чхаво́, дрэ Савэ́стэ исын Мири́ бари ра́дыма.”

Ереме́ё 32:41

И Мэ ява́ва зоралэ́с тэ радынавпэ пал лэ́ндэ тэ кэра́в лачхипэ́н лэ́нгэ, и Мэ почхувава лэн пэ дая́ пхув сарэ́ Мирэ́ илэ́стыр и сарэ́ Мирэ́ дестыр.

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Pritčy 18:12

Ману́ш задэлапэ анги́л хасякирибэн, и напхутькирибэн янэ́ла паты́в.

Pritčy 1:32

Пал-дова́ со ёнэ хасёна, ке́ли ёнэ рисёна криг годыпнастыр и дылынэ́-манушэ́нгири нахратыма кокори хасякирэ́ла лэн.

Psalmy 35:27

Мэк тэ радынэ́нпэ зоралэ́с и тэ явэ́н весе́ла (лошалэ́) одолэ́, савэ́ древа́н мангэна, соб (кай) мэ тэ явав бибангипнаскиро, мэк ёнэ тэ ракирэ́н ўса́ды (сак): “Мэк тэ явэ́л ґаздыно́ шарибэ́н Ра́скэ-Дэвлэ́скэ, Саво́ жычынэла кучипэ́н Пэ́скирэ писхари́скэ.”

Ester 6:11

И лыя́ Ама́но и́дя и грэс, и уридя Мардохеёс, и вылыджия́ лэс пэ форитко маркплацо (форуны́/пло́шча), и пхэндя́ анги́л лэ́стэ: “Адя́кэ кэрэ́на одолэ́ манушэ́скэ, савэ́с кра́ли камэ́ла тэ патывакирэл слава́са!”

Ester 6:9

и мэк тэ подэн и́дя и грэс дрэ васта́ екхэ англатунэ́-крали́скирэ тхагарье́ндыр, и урьена одолэ́с манушэ́с, савэ́с кра́ли камэ́ла тэ патывакирэл слава́са, и вылыджан лэс пэ грэстэ пэ форитко га́сы [пэфоруны́ (пло́шча)-р.с.], и пхэнэ́на анги́л лэ́стэ: адя́кэ кэрэ́на кодолэ́ манушэ́скэ, савэ́с кра́ли камэ́ла тэ патывакирэл слава́са!”

Ester 6:7

И пхэндя́ Ама́но крали́скэ: “Кодолэ́скэ манушэ́скэ, савэ́с кра́ли камэл тэ патывакирэл слава́са,

Ester 5:11

И роспхэндя́ лэ́нгэ Ама́но пал древа́н баро́ пэ́скиро барвалыпэ́н, и пал древа́н бут пэ́скирэ чхавэ́ндэ, и пал саро́ дова́, сыр лэс кра́ли ґаздыя́ вучэ́с и сыр чхудя́ лэс пэ тхэмэ́скирэ рандэ и бутярнэндэ кралискирэндэ.

Pritčy 30:13

Исын ро́до, кай ла́кирэ манушэ́ндэ, исын пхутькирдэ́ якха́. Сыр вучэ́с ґаздэ́напэ лэ́нгирэ цымблы (ресницы)?

Ester 6:5

И пхэндлэ́ тэрнэ́ мануша́ крали́скэ: “Ѓа́да, Ама́но исын тэрдо́ пэ грэ́да.” И пхэндя́ кра́ли: “Мэк ёв тэ заджа́л.”

Ester 1:15

“Со тэ кэрэ́н пир Зако́но кралицаса Астиняса пал дова́, со ёй на кандыя́ Артаксерксоскиро крали́скиро лав, саво́ сыс пхэндло́ пир евнухэндэ?”

Luka 14:9

и хула́й, кон кхардя́ тут и лэс, соб (кай) тэ на подджа́л и тэ на пхэнэ́л ту́кэ: ‘Дэ штэ́то лэ́скэ,’ а ту́кэ приявэлапэ ладжаса тэ бэшэ́л пала́л.