Ester 5:9 - Библия - Пэ Балтитко Романи чиб (Романэс) 2019

⁹ И выгия́ Ама́но дрэ дова́ дывэ́с лошало (весёло) и лачх-дескиро. Нэ ке́ли дыкхця́ Ама́но Мардохеёс пашы́л крали́скирэ вудара́, и одова́ на уштыя́, и штэто́стыр на ґаздыя́пэ анги́л лэ́стэ, тэды пхэрдия Ама́но барэ́ холя́са пэ Мардохеёстэ.

Biblija - Pe Baltitko Romani čib (Romanes) 2019

⁹ I vygijá Amáno dre dová dyvés lošalo (viesjolo) i lačh-dieskiro. Ne kiéli dykhciá Amáno Mardohiejos pašýl kralískire vudará, i odová na uštyjá, i štetóstyr na ĥazdyjápe angíl léste, tedy pherdija Amáno baré xoliása pe Mardohiejoste.

Ester 5:9 Referans Kwoze

Ester 3:5

И ке́ли дыкхця́ Ама́но, со Мардохе́ё на клонинэласпэ, и на пэрэлас мо́са пэ пхув анги́л лэ́стэ, тэды пхэрдия холя́са Ама́но.

Матфеё 2:16

Тэ́ньци Иродо, ке́ли дыкхця́, со тануки (маги) хохадэ лэс, древа́н холя́сыя и бичхадя́ тэ мулякирэ́н сарэ́н биятэ́н-муршорэн дро Вифлее́мо и дрэ сарэ́ пашатунэ́ штэ́ты, дуендыр бэршэ́ндыр и тыкнэды́р пир часо, саво́ ёв выґалыя танукэндыр.

Jakov 4:9

Пиридживэн кэ хасибэ́н, тугинэн зоралэ́с и ровэ́н, мэк тумаро́ сабэн тэ рисёл кэ тумэ́ дрэ ясва, тумари́ ра́дыма дрэ туча.

Joannostir 16:20

Чачэс, чачэс ракира́ва Мэ тумэ́нгэ: тумэ́ явэ́на тэ ровэ́н и тэ пиридживэн, нэ свэ́то явэ́ла тэ радынэ́лпэ; тумэ́ явэ́на тэ смэнтнинэн (тэ тугинэн), нэ тумари́ смэнтныма ячэ́ла радыма́са.

Luka 6:25

Бида тумэ́нгэ, конэ́стэ исын саро́, со тумэ́ камэ́на; тумэ́ явэ́на бокхалэ́. Бида тумэ́нгэ, кон салапэ какана́; пал-дова́ со тумэ́нгэ явэ́ла бари ту́га и тумэ́ явэ́на тэ ровэ́н.

Дание́лё 3:13

Тэ́ньци Навуходоносо́ро дрэ холы́ и дро мижэхипэн пхэндя́ тэ янэ́н Шэдрахос, Мешахос и Авед-Негос. И яндлэ́ одолэ́ муршэ́н кэ кра́ли.

Psalmy 27:3

Ко́ли халадэ́ обджана трусця́л проти ма́ндэ, миро ило́ на страхадёла; ко́ли марибэ́н ґаздэ́лапэ пэ ма́ндэ, мэ усае́кх ява́ва тэ ужакирав лачхипэ́н Ра́стыр-Дэвлэ́стыр.

Psalmy 15:4

Кон дыкхэ́ла вучипна́стыр пэ одолэ́стэ, конэ́с Дэвэ́л на прилэ́ла, и кон дэ́ла паты́в одолэ́скэ, кон дарэ́ла Ра́стыр-Дэвлэ́стыр.

Ióvo 31:31

ці, ко́ли тэ пхэнэ́н мануша́ мирэ́ шатратыр: “Ци исын вари-кон, саво́ на хая чалэ́с лэ́скиро мас?”

Ióvo 20:5

со фуй мануша́ свэнкинэна кэ вучипэ́н наґара (надлугэс), и со фуе́-манушэ́нгири ра́дыма урикирэлапэ фэ́ни (то́ка) минута (мэнта)?

Ester 3:2

И сарэ́, кон дынариндя́ пашы́л крали́стэ, савэ́ сыс пашы́л крали́скирэ вудара́, клониндэпэ и пынэ́ мо́са пэ пхув анги́л Аманостэ; пал-дова́ со адя́кэ припхэндя́ кра́ли. А Мардохе́ё на клониндяпэ и на пыя́ мо́са пэ пхув.

Ester 2:19

И, ке́ли яви́р мо́ло скэдынэ́ сыс тэрнэ́ патывалэ́ джувля́, и Мардохе́ё сыс бэшто́ пашы́л крали́скирэ вудара́.

3 Kralip 21:4

И явдя́ кхэрэ́ Аха́во холямэ́ и киркэ мо́са далэ́ лавэ́стыр, со пхэндя́ лэ́скэ Навуфеё, саво́ сыс Изреельтянино, ракири́: “На отда́ва мэ ту́кэ мэкно́ миштыпэ́н мирэ́ дадэндыр.” И пасия́ ёв пэ пэ́скиро чхуибэ́н, и отрискирдя муй пэ́скиро, и маро́ на хая.

Apostolengiri Butý 7:54

Ке́ли ёнэ шундлэ́ дава́, лэ́нгирэ илэ пхарадынэ холя́тыр и ёнэ скрежындлэ дандэнца пэ лэ́стэ.

Матфеё 10:28

На андыршан кодолэндыр, савэ́ мулякирна маса́, нэ савэ́ на могинэ́на тэ мулякирэ́н тумаро́ ду́хо (фа́но); нэ дарэ́н кодолэндыр, савэ́ могинэ́на тэ мулякирэ́н и ду́хо (фа́но) и маса́ дро лю́но (адо).

Ester 5:13

Нэ саро́ дава́ на ухты́лла ваш ма́нгэ, пака мэ дыкха́ва Мардохеёс, Юдос, бэшындой пашы́л крали́скирэ вудара́.”

3 Kralip 21:6

Ёв пхэндя́ ла́кэ: “Ке́ли мэ яцём тэ ракира́в Навуфеёскэ Израильтяниноскэ, и пхэндём лэ́скэ: ‘Отдэ́ ма́нгэ винагра́днико тыро́ пал руп, ци, ко́ли камэ́са, мэ да́ва ту́кэ яви́р винограднико пал лэ́стэ,’ то тэды ёв пхэндя́: ‘На отда́ва ту́кэ миро винагра́днико.’”