Ester 4:16 - Библия - Пэ Балтитко Романи чиб (Романэс) 2019

¹⁶ “Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

Biblija - Pe Baltitko Romani čib (Romanes) 2019

¹⁶ “Džá, skéde saré Judén, savé isyn dre Suzy, i postinen vaš mánge, i na xan i na p'jen trin dyvesá, ni dyvesé, ni ratý, i me péskire butiarnenca adiáke-pac' javáva te postinav, i korigedýr (pozže) me džáva ke králi, xoc' davá isyn proti zakóno, i kóli trej javéla te xasjovav, to xasjovava.”

Ester 4:16 Referans Kwoze

Apostolengiri Butý 20:24

Нэ мэ ни пэ со дава́ на дыкха́ва, и мэ на дарава пал пэ́скиро джиибэ́н, екх ма́нгэ трэй тэ проджав миро дром и тэ кэра́в рэ́ндо (де́ло), саво́ дыя́ ма́нгэ Рай Дэвэ́л, Ису́со Христо́со, тэ лыджав бахталы́ зан (звесь) манушэ́нгэ пал Дэвлэ́скиро бахталыпэ́н.

2 Паралипоменоно 20:3

И страхадыя Иосафа́то, и рискирдя́ пэ́скиро муй тэ родэ́л Рас-Дэвлэ́с, и дыя́ тэ джинэ́л пир сари́ Юдэ́я, пал посто.

Luka 9:24

пал-дова́ со, кон камэ́ла пэ́скиро джиибэ́н тэ зракхэ́л, одова́ хасякирэ́ла лэс, и кон отдэ́ла пэ́скиро джиибэ́н пал Ма́ндэ, одова́ зракхэ́ла лэс,

Džiibén 18:19

пал-дова́ со Мэ лэс выкэдыём ваш дава́, соб (кай) ёв тэ припхэнэл пэ́скирэ чхавэ́нгэ и пэ́скирэ кхэрэ́скэ, со явэ́ла пало́ лэ́стэ, тэ псирэ́н Ра́скирэ-Дэвлэ́скирэ дромэ́са, тэ кэрэ́н чачипэ́н и сэ́ндо; и кэрэ́ла пэ Авраамостэ Рай Дэвэ́л дова́, со пхэндя́ пал лэ́стэ.”

Isúso 24:15

Ко́ли тумэ́нгэ нанэ пир ило́ тэ дынаринэ́н Ра́скэ-Дэвлэ́скэ, то тэды выкэдэн пэ́скэ акана́, конэ́скэ тэ дынаринэс, ци дэвлорэ́нгэ, савэ́нгэ дынариндлэ́ тумарэ́ дада́, савэ́ сыс пал рэка (лэнь), ци Аморее́нгирэ дэвлорэ́нгэ, пэ пхув савэнгири тумэ́ дживэ́на; а мэ и миро кхэр ява́са тэ дынарина́с Ра́скэ-Дэвлэ́скэ”.

2 Kralip 10:12

яв муршкано́, и ява́са тэ тэрдёвас твардэс пал амарэ́ манушэ́ндэ и пал фо́рья амарэ́ Дэвлэ́скирэ, а Рай Дэвэ́л кэрэ́ла, со Лэ́скэ явэ́ла трэй.”

Džiibén 43:14

О Дэвэ́л, Сарэзорья́киро, мэк тэ дэл тумэ́нгэ тэ латхэ́н ла́ска одолэ́ манушэ́стэ, соб (кай) ёв тэ отмэкэ́л тумэн и явирэ́с тумарэ́ пшалэ́с и Вениаминос, а ма́нгэ, ко́ли трэй тэ явав би чхаворэнгиро, тэды мэк мэ ячавапэ би чхаворэнгиро.”

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Ester 5:1

Пэ три́то дывэ́с Эстэ́ра уридяпэ дрэ крали́тко и́дя, и тэрдия́ ёй пэ андратунэ́ крали́скирэ-кхэрэ́скири грэ́да, анги́л крали́скиро кхэр; кра́ли тэды сыс бэшто́ пэ пэ́скирэ-крали́скиро троно, дро крали́скиро кхэр, маму́й (проти) дро загиибэ́н дро кхэр. Ке́ли кра́ли дыкхця́ кра́лица Эстэ́ра, сави́ сыс тэрды пэ грэ́да; ёй латхя́ тангипэ́н (жалима) дрэ лэ́скирэ якха́.

Filipiicenge 2:30

пал-дова́ со ёв на тангиндя пэ́скиро джиибэ́н кэ мэрибэ́н и кэрдя́ буты́ би дара́киро ваш Христосо́скэ, соб (кай) тэ дэл васт ма́нгэ, сыр тумэ́ на могиндлэ́ дава́ тэ кэрэ́н.

Римлянэнгэ 16:4

савэ́ пал миро джиибэ́н отдэнас кокорэ́ пэ́скиро шэро́; мэ парикирава лэ́нгэ наекхджино нэ и сарэ́ Наюдэнгирэ кхангирья,

Apostolengiri Butý 27:33

Анги́л са́мо дывэ́с, Па́вли лыя́ тэ кхарэл сарэ́н манушэ́н тэ хан и пхэндя́: “Ададывэ́с дэшуштарто дывэ́с, сыр тумэ́ ужакирэ́на, тумэ́ сарэ́са нисо́ на ха́на.

Apostolengiri Butý 21:13

Нэ Па́вли отпхэндя́: “Со тумэ́ кэрэ́на? Со́скэ тумэ́ ровэна и кушэна миро ило́? Мэ кама́м тэ явав на со пхандло, нэ и тэ мэрав дро Ерусалимо пал Дэвлэ́скирэ-Исусо́скиро лав.

Apostolengiri Butý 10:7

Ке́ли Янго́ло, саво́ ракирдя́ Корнилиёса, отгия́, тэды ёв кхардя́ кэ пэ дуе пэ́скирэ дынарье́ндыр (слугэ́ндыр) и екхэ халадэс, саво́ сыс дэвлы́тко и ўса́ды (сак) кхэтанэ́ лэ́са;

Apostolengiri Butý 9:9

И ёв сыс одо́й трин дывэса́ на дыкхи́; и нисо́ на хая, и на пия

Матфеё 12:40

Адя́кэ, сыр Иона сыс дро китоскиро пэр трин дывэса́, адя́кэ-паць явэ́ла Чхаво́ Манушэ́скиро дро пхувья́киро хорипэ́н трин дывэса́ и трин ратя.

1 Kralip 19:5

ёв отдыя́ пэ риско пэ́скиро ди, соб (кай) тэ домарэл Филистимлянинос, и Рай Дэвэ́л кэрдя́ баро́ зракхибэ́н сарэ́ Израилёскэ; ту дыкхця́н дава́ и радындянпэ; ваш со ту камэ́са тэ кэрэ́с грэ́хо проти бибангипнаскиро рат и тэ мулякирэс Давидо́с би причынакиро?”

Joannostir 19:22

Нэ Пила́то отпхэндя́ лэ́нгэ: “Со мэ чхиндём, мэк дова́ тэ явэ́л чхиндло́.”

Ester 4:3

Адя́кэ-паць и дро кажно провинцыя и штэ́то, карик догия́ крали́скиро припхэныбэ́н и лэ́скиро упхэныбэ́н, сыс баро́ пиридживипэн Юдэ́нгэ, и посто, и ровибэн, и го́дла; балытко гоно́ и пра́ска сыс чхуибнаса ваш бутэнгэ манушэ́нгэ.

Ester 4:15

И пхэндя́ Эстэ́ра адя́кэ дро отпхэныбэ́н Мардохеёскэ:

Ester 4:17

И гия́ Мардохе́ё, и кэрдя́, сыр припхэндя́ лэ́скэ Эстэ́ра.

Ереме́ё 36:9

И сыс адя́кэ, со дро па́нджто бэрш Иоакимоскиро (чхаво́ Иосия́скиро), кон сыс кра́ли пэ Юдэ́я, дро еня́то (биекхэ́скиро дэ́што) чхон, со посто исын пхэндло́ тэ рикирэ́н сарэ́нгэ манушэ́нгэ Ерусалимо́стыр и сарэ́ манушэ́нгэ, савэ́ явнэ́ форье́ндыр дрэ Юдэ́я кэ Ерусалимо,

Дание́лё 2:18

соб (кай) ёнэ мангнэ́ ла́ска болыбна́скирэ Дэвлэ́стыр пал дасаво гарадо́ чачипэ́н, соб (кай) о Дание́лё лэ́скирэ малэнца тэ на хасён сарэ́нца явирэнца годыпнаскирэнца дро Вавило́но.

4 Kralip 7:4

Ко́ли тэ скэдэспэ амэ́нгэ тэ джас дрэ фо́ро, тэды дрэ фо́ро исын бокх, и амэ одо́й мэраса; ко́ли тэ бэшас ада́й, тэды амэ адя́кэ-паць мэраса. Джа́са фэды́р дро Сирия́киро ста́но (лод). Ко́ли ячкирэна ёнэ амэн джидэн, ява́са тэ джива́с; а ко́ли мулякирэна, то мэраса.”

Е́здра 8:21

И пхэндём мэ зоралэ́с анги́л манушэ́ндэ, соб (кай) тэ постинас пашы́л рэка (лэнь) Агава, соб (кай) тэ тыкнякирас пэс дрэ амарэ́ илэ анги́л амарэ́ Дэвлэ́стэ, тэ вымангас Лэ́стыр бахтало́ дром амэ́нгэ и амарэ́ тыкнэнгэ, и ваш саро́ амаро́ миштыпэ́н.

Ester 9:31

соб (кай) ёнэ зоралэ́с тэ ракхэ́н далэ́ дывэса́ ваш Пуримо дрэ пэ́скиро часо, саво́ чхудя́ пал лэ́ндэ Мардохе́ё Юдо и кра́лица Эстэ́ра, и сыр ёнэ кокорэ́ упхэндлэ ваш пэ́скэ и ваш пэ́скирэ чхавэ́нгэ дрэ пхарэ́ дывэса́, ке́ли ёнэ постинэнас и ровэнас годлэнца.