Ester 3:15 - Библия - Пэ Балтитко Романи чиб (Романэс) 2019

¹⁵ Мануша́, савэ́н бичхадэ́, сы́гэс гинэ́ крали́скирэ припхэныбнаса, и упхэныбэ́н сыс пхэндло́ и дрэ крали́скири фэлатин Сузы. И кра́ли и Ама́но сыс бэштэ́ и пинэ́, а фо́ро Сузы сыс дрэ баро́ пиридживипэн.

Biblija - Pe Baltitko Romani čib (Romanes) 2019

¹⁵ Manušá, savén bičhadé, sýges giné kralískire priphenybnasa, i uphenybén sys phendló i dre kralískiri felatin Suzy. I králi i Amáno sys bešté i piné, a fóro Suzy sys dre baró piridživipen.

Ester 3:15 Referans Kwoze

Ester 8:15

И, акэ, Мардохе́ё выгия́ крали́стыр дрэ крали́скиро урибэ́н яхонтовонэ и парнэ́ цвятоса, и барэ́ сувнакунэ́ коронаса, и дрэ мантия, висонытко и пурпурытко. И фо́ро Сузы отджидыя́ и зоралэ́с обрадындяпэ.

Joannostir 16:20

Чачэс, чачэс ракира́ва Мэ тумэ́нгэ: тумэ́ явэ́на тэ ровэ́н и тэ пиридживэн, нэ свэ́то явэ́ла тэ радынэ́лпэ; тумэ́ явэ́на тэ смэнтнинэн (тэ тугинэн), нэ тумари́ смэнтныма ячэ́ла радыма́са.

Sykadyipén 11:10

И одолэ́, савэ́ явэ́на тэ дживэ́н пэ пхув, явэ́на тэ радынэ́нпэ лэ́нгирэ мэрибна́стыр. Ёнэ явэ́на тэ радынэппэ зоралэ́с и тэ бичхавэн да́ры екх екхэ́скэ, пал-дова́ со кодолэ́ дуй проро́ки древа́н мэнчындлэ манушэ́н.

Amoso 6:6

Тумэ́ пьена мол (вино) тахтаендыр, и макхэнапэ най фэдыршонэ макхлуненца (мазенца), нэ тумэ́ на пиридживэна пал дова́, со Ёза (Иосифо) исын притасадо.

Osija 7:5

Пэ свэнкитко дывэ́с амарэ́ крали́стэ, э тхага́рья (кня́зи) насвалякирдэ лэс, матякирдэ моляса (виноса); и ёв лыя́ тэ тырдэл пэ́скиро васт кэ одолэ́, савэ́ холямэс санапэ лэ́стыр.

Pritčy 29:2

Ке́ли чачунэ́ мануша́ рикирэ́на зор дро кралипэ́н, то мануша́ зоралэ́с радынэ́напэ; нэ ке́ли фуй ману́ш кралинэла, то тэды мануша́ ровэна.

Pritčy 4:16

Пал-дова́ со соибэн на лэ́ла фуе́ манушэ́н, анги́л, сыр ёнэ тэ кэрэ́н чорипэ́н, и лэ́нгиро суно́ джа́ла криг лэ́ндыр анги́л, сыр ёнэ тэ кэрэ́н адя́кэ, соб (кай) вари-кон тэ пэрэ́л (тэ хасёл).

Pritčy 1:16

пал-дова́ со лэ́нгирэ ґэра́ праста́на тэ кэрэ́н чорипэ́н, и ёнэ праста́на сы́гэс тэ прочхувэн манушэ́нгиро рат.

Ester 4:16

“Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

3 Kralip 14:27

И кэрдя́ кра́ли Ровоа́мо заме́ст лэ́ндэ харкунэ́ (ме́дна) шчы́ты, и отдыя́ лэн пэ васта́ барыдырэ́нгэ пэ ракхибнарьендэ, савэ́ ракхнэ загиибэ́н дро крали́скиро кхэр.

Džiibén 37:25

И ёнэ бэшнэ́ тэ хан маро́, и, дыкхнэ́, ґа́да, джа́лас Галаадостыр каравано Измаильтянэнгиро, лэ́нгирэ верблюды лыджа́нас стиракса (ароматы), бальзамо и ладано: джа́нас ёнэ тэ лыджа́н дава́ дро Еги́пто.

Ester 1:10

Пэ эфта́то (битринэ́нгиро дэ́што) дывэ́с, ке́ли пхэрдия моля́тыр (лолэ́ бравинтатыр) крали́скиро ило́ радыма́са, ёв пхэндя́ Мегуманоскэ, Бизфаскэ, Харбонаскэ, Бигфаскэ и Авагфаскэ, Зефароскэ и Каркасоскэ эфта́ (эфтэ) – евнухэнгэ, савэ́ дынариндлэ́ анги́л Артаксерксоскирэ-крали́скиро муй.

Psalmy 37:7

Яв штыл (споко́йно) анги́л Растэ-Дэвлэ́стэ, ужакир, пака Рай Дэвэ́л затэрдёла, на холясов зоралэ́с пэ одолэ́стэ, савэ́скэ исын мишто́ тэ дживэ́л, и пэ одолэ́стэ, кон думинэ́ла тэ кэрэ́л фуипэ́н.

Pritčy 31:4

Дава́ исын на ваш кральенгэ, о Лемуило, дава́ исын на ваш кральенгэ тэ пьен мол, ци тхэмэ́скирэ барыдырэ́нгэ тэ пхучэ́н: “Кай исын зорало́ пибэ́н?”: