Ester 3:12 - Библия - Пэ Балтитко Романи чиб (Романэс) 2019

¹² И сыс кхардэ́ крали́скирэ лыла́-чхиныбнаскирэ дро пэ́рво чхон, пэ лэ́скиро дэшутрито дывэ́с, и сыс чхиндло́, сыр пхэндя́ Ама́но, крали́скирэ барыдырэ́нгэ дрэ провинцыи тхэмэ́скирэ и барыдырэ́нгэ пэ кажно провинцыя и тхагарье́нгэ кажнонэ́ манушэ́нгирэ; дрэ кажно провинцыя ла́кирэ чхиныбнаса и сарэ́ манушэ́нгэ пэ лэ́нгири чиб. Саро́ сыс чхиндло́ Артаксерксоскирэ крали́скирэ лавэ́стыр и спхандло крали́скирэ ангрустяса чэргэнорьяса.

Biblija - Pe Baltitko Romani čib (Romanes) 2019

¹² I sys khardé kralískire lylá-čhinybnaskire dro pérvo čhon, pe léskiro dešutrito dyvés, i sys čhindló, syr phendiá Amáno, kralískire barydyrénge dre provincyi theméskire i barydyrénge pe kažno provincyja i thagar'jénge kažnoné manušéngire; dre kažno provincyja lákire čhinybnasa i saré manušénge pe léngiri čib. Saró sys čhindló Artaksierksoskire kralískire lavéstyr i sphandlo kralískire angrustiasa čergenorjasa.

Ester 3:12 Referans Kwoze

3 Kralip 21:8

И чхиндя́ ёй лыла́ Ахавоскирэ лавэ́стыр, и ёй запечатындя лэн Ахавоскирэ барэ́ ангрустяса, и ей бичхадя́ далэ́ лыла́ пхурыдырэнгэ и лачхэ́-родоскирэ манушэ́нгэ дро лэ́скиро фо́ро, савэ́ дживдэ́ Навуфеёса.

Ester 1:22

И бичхадя́ ёв дрэ сарэ́ крали́скирэ провинцыи лыла́, чхиндлэ́ дрэ кажно провинцыякиро штэ́то ла́кирэ чхиныбнаса и кэ сарэ́ мануша́ пэ лэ́нгири чиб, соб (кай) кажно (сва́ко) мурш тэ явэ́л хула́й дрэ пэ́скиро кхэр, и соб (кай) дава́ тэ явэ́л пхэндло́ кажнонэ́скэ манушэ́скэ пэ лэ́скири родно чиб.

Дание́лё 6:15

Нэ одолэ́ мануша́ подгинэ́ кэ кра́ли и пхэндлэ́ лэ́скэ: “Джин, кра́лё, пир Зако́но Мидянытко и Персытко нисаво́ упхэныбэ́н ци стату́то, со зорьякирдя кра́ли, тэ на явэ́л парудо.”

Дание́лё 6:12

и ёнэ явнэ́ и допхэндлэ крали́скэ пал крали́тко упхэныбэ́н: “Ци на ту, хачи, подчхиндян о стату́то, соб (кай) кажнонэ́ манушэ́с, саво́ пал трия́нда дывэса́ лэ́ла тэ мангэ́лпэ вари-савэ́ явирэ дэвлэскэ ци манушэ́скэ, апри́ч ту́тэ, о кра́лё, тэ чхурдэ́н дро рово (хохо́й) шчэрэнгиро? О кра́ли отпхэнэ́ла и пхэнэ́ла: “Дава́ лав исын састо́, о Зако́но Мидянытко и Персытко, нашты́ тэ парувэн.”

Дание́лё 6:8

Адя́кэ, кра́лё, дэ зор пэ дасаво стату́то и подчхин запхэныбэн, соб (кай) тэ на парувэн лэс, сыр Зако́но Мидянытко и Персытко, соб (кай) ёв тэ на явэ́л пхагирдо́.”

Ester 9:27

зачхудэ Юды и прилынэ́ пэ пэ́стэ и пэ чхавэ́ндэ пэскирэндэ и пэ сарэ́ндэ, кон кхэтанякирэлапэ лэ́нца, на отпаруви, соб (кай) тэ свэнкинэн далэ́ дуй дывэса́, пир чхиныбнаскиро упхэныбэ́н пал лэ́ндэ и дрэ пэ́скиро ваш лэ́нгэ часо, кажно бэрш.

Ester 8:2

И злыя́ кра́ли пэ́скири ангрусты чэргэнорьяса, сави́ ёв отлыя Аманостыр, и отдыя́ Мардохеёскэ; Эстэ́ра чхудя́ Мардохеёс дыкхибнаскирэса пэ Аманоскиро кхэр.

Е́здра 8:36

И ёнэ подынэ крали́скирэ припхэныбэна́ крали́скирэ барэдырэнгэ дрэ округа, и шэралэ́ рангэ дрэ доя́ пхув, со исын пэ дая́ риг рэкакири (лэнякири). И ёнэ кэрдэ́ паты́в манушэ́нгэ и Кхэрэ́скэ (Кхангирьякэ) Дэвлэскирэскэ.

Ester 3:11

И пхэндя́ кра́ли Аманоскэ: “Мэ да́ва ту́кэ дава́ руп и манушэ́н; и кэр лэ́нца адя́кэ, сыр ту́кэ здэлапэ.”

Дание́лё 3:10

Ту, кра́лё, дыя́н припхэныбнытко стату́то, соб (кай) кажно ману́ш, кон шунэ́ла зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́л одова́ ману́ш тэлэ́, и тэ дэл паты́в сувнакунэ́ идолоскэ;

Дание́лё 6:25

Пало́ дова́ о кра́ли Дариё чхиндя́ сарэ́ манушытконэ́ нацые́нгэ, кхэритконэ́ родэ́нгэ и екхэ-чибакирэ ирьенгэ (чибэнгэ/ чибьенгэ) (языкэнгэ), савэ́ дживдэ́ пэ сари́ пхув: “Рама́нё (миро) тумэ́нгэ мэк тэ барьёл!”