Ester 3:1 - Библия - Пэ Балтитко Романи чиб (Романэс) 2019

¹ Пало́ (после) дава́ Артаксе́рксо кра́ли дыя́ баро́ право Аманоскэ, Амадафоскирэ чхавэ́скэ, Вугеяниноскэ, и ґаздыя́ лэс, и чхудя́ лэ́скиро штэ́то, кай ёв сыс бэшто́, вучэды́р сарэ́ндыр тхагарье́ндыр, савэ́ сыс лэ́стэ.

Biblija - Pe Baltitko Romani čib (Romanes) 2019

¹ Paló (poslie) davá Artaksiérkso králi dyjá baró pravo Amanoske, Amadafoskire čhavéske, Vugejaninoske, i ĥazdyjá les, i čhudiá léskiro štéto, kaj jov sys beštó, vučedýr saréndyr thagar'jéndyr, savé sys léste.

Ester 3:1 Referans Kwoze

Čysly 24:7

чхувэ́лапэ пани́ лэ́скирэ вэдрэндыр, и семё лэ́скири явэ́ла сыр барэ́ паня́, лэ́скиро кра́ли явэ́ла вучэды́р Агагостыр, и явэ́ла славу́тно лэ́скиро кралипэ́н.

Дание́лё 6:2

и упра́л лэ́ндэ тринэн тхэмэ́скирэ барыдырэ́н – савэ́ндыр екх сыс о Дание́лё, соб (кай) ёнэ сатрапы дэ́нас лэ́нгэ отпхэныбэ́н, и, соб (кай) крали́скэ тэ на явэ́л ни саво́ пхарипэ́н.

Ester 5:11

И роспхэндя́ лэ́нгэ Ама́но пал древа́н баро́ пэ́скиро барвалыпэ́н, и пал древа́н бут пэ́скирэ чхавэ́ндэ, и пал саро́ дова́, сыр лэс кра́ли ґаздыя́ вучэ́с и сыр чхудя́ лэс пэ тхэмэ́скирэ рандэ и бутярнэндэ кралискирэндэ.

Ester 3:10

Тэды кра́ли злыя́ пэ́скири ангрусты чэргэнорьяса пэ́скирэ вастэ́стыр и отдыя́ ла Аманоскэ, Амадафоскирэ чхавэ́скэ, Вугеяниноскэ, саво́ сыс вэ́рго Юдэ́нгэ.

1 Kralip 15:33

Нэ Самуи́ло пхэндя́: “Сыр тыри́ курта́ла отлэлас чхаворэ́н датыр, адя́кэ дай тыри́ машки́р джувлендэ мэк тэ ячэ́лпэ ёй би пэ́скирэ чхавэ́скиро.” И росчингирдя Самуи́ло Агагос анги́л Растэ-Дэвлэ́стэ дро Галга́ло.

Džiibén 41:40

то ту явэ́са пэ миро кхэр, и тырэ́ лавэ́скэ явэ́на тэ рикирэнпэ сарэ́ мирэ́ мануша́; екхэ престолоса (троноса) мэ ява́ва барэды́р ту́тыр.”

Pritčy 29:2

Ке́ли чачунэ́ мануша́ рикирэ́на зор дро кралипэ́н, то мануша́ зоралэ́с радынэ́напэ; нэ ке́ли фуй ману́ш кралинэла, то тэды мануша́ ровэна.

Psalmy 12:8

Ту, Раё Дэ́вла, явэ́са тэ ракхэ́с лэн, Ту приракхэса амэн дасавэ́ манушэ́ндыр пэ сарэ́ ве́ки,

Ester 8:3

И дурэды́р Эстэ́ра ракирдя́ анги́л крали́стэ, и пыя́ кэ лэ́скирэ ґэра́, и рондя́, и мангдя́ лэс тэ рискирэ́л холы́ Аманоскири Вугеяниноскири и плано лэ́скиро, саво́ ёв задуминдя пэ Юдэ́ндэ.

Ester 7:6

И отпхэндя́ Эстэ́ра: “Вэ́рго и на́лачхо ману́ш – кадава́ исын захало Ама́но!” И Ама́но страхадыя анги́л крали́стэ и кралицатэ.

Ester 1:14

Пашатунэ́ (приближонна) мануша́ кэ ёв тэды сыс: Каршэна, Шэфаро [Шэтаро-ю.о.], Адмафа, Фарсисо [Паршышо-ю.о.], Мере́со, Марсе́на, Мемухано-эфта́ Персиякирэ и Мидиякирэ тхага́рья, савэ́ могиндлэ́ тэ дыкхэ́н крали́скиро муй и сыс англатунэ́ мануша́ дро кралипэ́н:

Е́здра 7:14

И пал-дова́, со тут бичхавэ́ла кра́ли и лэ́скирэ эфта́ сове́тники (юнкары), соб (кай) тэ роспхучэн пал рэ́нды дрэ Юдэ́я и дро Ерусалимо пир тырэ́ Дэвлэ́скиро Зако́но, сави́ копия исын дро тыро́ васт;

1 Kralip 15:8

и Агагас, Амаликоскирэ крали́с, заухтылдя джидэс, а сарэ́ манушэ́н домардя́ куртала́са.

Džiibén 41:55

Нэ ке́ли и сари́ Египто́скири пхув лыя́ тэ бокхалёл, тэды мануша́ лынэ́ тэ ракирэ́н пал маро́ фараоно́скэ. И пхэндя́ фарао́но сарэ́нгэ Египтянэнгэ: “Джа́н кэ Ёза (Иосифо), и кэрэ́н, со ёв тумэ́нгэ пхэнэ́ла.”

Ekliesiastos 10:6

Дылныпэ́н чхувэ́лапэ анги́л барэ́ патыва́са; барвалэ́ мануша́ исын бэштэ́ пэ тэлатунэ́ штэ́ты.