Ester 2:23 - Библия - Пэ Балтитко Романи чиб (Романэс) 2019

²³ Рэ́ндо сыс розґалыно и латхно чачунэса, и лэн дуе́н, убладэ пэ кашт. И сыс зачхиндло́ пал Мардохеёскиро лачхо́ рэ́ндо дрэ лылвари́ крали́стэ анги́л лэ́стэ.

Biblija - Pe Baltitko Romani čib (Romanes) 2019

²³ Réndo sys rozĥalyno i lathno čačunesa, i len dujén, ublade pe kašt. I sys začhindló pal Mardohiejoskiro lačhó réndo dre lylvarí kralíste angíl léste.

Ester 2:23 Referans Kwoze

Ester 10:2

Акэ, сарэ́ лэ́скирэ барэ́ рэ́нды, и укратуно (точно) сыкаибэ́н пал Мардохеёскиро барипэ́н, савэ́са ґаздыя́ лэс кра́ли, чхиндло́ дрэ лылвари́ ваш дывэсэнгирэ чхиныбэ́н Мидиякирэ и Персиякирэ кралье́нгирэ.

Džiibén 40:22

а барыдыршонэ пэкаибнарис убладя, сыр пирипхэндя о Ёза лэ́нгэ.

Džiibén 40:19

пир трин дывэса́ фарао́но лэ́ла криг тыро́ шэро́ ту́тыр, и ублавэла тут пэ кашт (дрэ́во), и чирикля́ явэ́на тэ клюинэн тыро́ мас ту́тыр.”

Малахия 3:16

Тэ́ньци одолэ́н, савэ́ дара́ндынэ Ра́стыр-Дэвлэ́стыр и ракирдэ́ екх екхэ́скэ: “Лэн о Рай Дэвэ́л лэ́ла тэ шунэ́л и пошунэла; и адя́кэ чхиндяпэ лылвари́ рипирибнытко анги́л Лэ́стэ пал кодолэндэ, кон дарэ́ла Ра́стыр-Дэвлэ́стыр и розлэла годя́са [рикирэ́ла дро ило́-р.с.] Лэ́скиро лав.”

Ester 7:10

Адя́кэ ёнэ убладэ Аманос пэ кашт, саво́ ёв кэрдя́ Мардохеёскэ. Тэ́ньци бари холын крали́скири штылыя.

Ester 5:14

И пхэндя́ лэ́скэ Зэрэш, лэ́скири ромны́, и сарэ́ лэ́скирэ мала́: “Мэк тэ кэрэ́н вэшына (кашт) вучипна́са дрэ пандждэша́ куня́ (локти), и пэ зло́ко (ра́нко) пхэн крали́скэ, соб (кай) тэ ублавэн Мардохеёс пэ лэ́стэ: и тэды лошалэс джа́ пэ свэ́нко крали́са.” И сыс пир ило́ дава́ лав Аманоскэ, и ёв кэрдя́ вэшына.

Isúso 8:29

А крали́с Гаёскирэс убладя пэ вэш, кэ бэльвэ́ль: ке́ли загия́ кхам, то припхэндя́ Ису́со, и злынэ лэс мулэс вэшэ́стыр, и чхурдынэ́ лэс пашы́л форо́скирэ вудара́, и чхурдынэ́ пэ лэ́стэ бари куча бара́, сави́ исын кэ дава́ дывэ́с.

Ester 6:1

Дрэ доя́ рат крали́скэ на совэласпэ, и ёв пхэндя́ тэ янэ́н дывэсэнгирэ-зачхиныбнаскири лылвари́ ваш рипирибэ́н; и гиндлэ́ ла анги́л крали́стэ.

Е́здра 4:15

соб (кай) тэ розродэн дрэ трэ-дадэнги́рэ зачхиныбнытко лылвари́: соб (кай) тэ латхэ́н дрэ зачхиныбнытко лылвари́ и тэ уджинэс, со дава́ фо́ро исын бунтуи́тко, саво́ кэрдя́ дош кралье́нгэ и провинцые́нгэ, и со ёнэ тэрдёнас проти кралье́ндэ ишчо (инкэ́) дрэ ґаратунэ́ бэрша́, пир дова́ дава́ фо́ро сыс пхагирдо́ кэ руи́ны.