Ester 2:10 - Библия - Пэ Балтитко Романи чиб (Романэс) 2019

¹⁰ На ракирдя́ Эстэ́ра ни пал пэ́скирэ манушэ́ндэ, ни пал пэ́скиро ро́до; пал-дова́ со Мардохе́ё дыя́ ла́кэ упхэныбэ́н, соб (кай) ёй тэ на ракирэ́л дава́.

Biblija - Pe Baltitko Romani čib (Romanes) 2019

¹⁰ Na rakirdiá Estéra ni pal péskire manušénde, ni pal péskiro ródo; pal-dová so Mardohiéjo dyjá láke uphenybén, sob (kaj) joj te na rakirél davá.

Ester 2:10 Referans Kwoze

Матфеё 10:16

Акэ, Мэ бичхава́ва тумэн сыр бакрэ́н машки́р рувэндэ; явэ́н годьварэ́ сыр сапа, и бибангипнаскирэ сыр голумбы.

Ester 2:20

Эстэ́ра уса́ на ракирдя́ пал пэ́скиро ро́до и пал пэ́скирэ манушэ́ндэ, сыр припхэндя́ ла́кэ Мардохе́ё; а лав Мардохеёскиро Эстэ́ра кэрэ́лас кэ ко́нцо (кэ яго́ро) и акана́ адя́кэ-паць, сыр и тэды, ке́ли ёй бария кэ как.

Эфесянэнгэ 6:1

Чхавора́лэ, кандэ́н пэскирэн дадэн, савэ́ исын Ра́стыр-Дэвлэ́стыр, пал-дова́ со дро дава́ исын чачипэ́н.

Ester 3:8

И пхэндя́ Ама́но Артаксерксоскэ, крали́скэ: ‘Исын екх мануша́, савэ́ росчхурдынэ и выбичхадэ машки́р манушэ́ндэ пир сарэ́ тырэ́-крали́скирэ провинцыи; и лэ́нгирэ зако́ны на зджанапэ сарэ́ манушытконэ́ законэнца, и крали́скирэ зако́ны ёнэ на сполнинэна; и крали́скэ нашты́ адя́кэ тэ ячкирэс лэн.

Ester 7:4

Палдава́ со бикиндлэ амэн, ман и мирэ́ манушэ́н, пэ традыпэн криг, умарибэн и хасибэ́н. Ко́ли амэ тэ явас бикиндлэ сыр писха́рья и писхарицы, то мэ ява́ва штыл, усае́кх вэ́рго на рискирэ́ла уре́жа крали́скири.”

Ester 2:7

И барьякирдя ёв Гадасса, – ёй исын адя́кэ-паць Эстэ́ра, – лэ́скирэ-какэскири чхай, адя́кэ сыр ла́тэ на сыс ни да, ни дадэ́с. Тэрны́ дая́ Юдыца сыс шука́р стэма́са (стано́са) и шука́р мо́са. И ке́ли мынэ́ ла́кирэ дай и дад, Мардохе́ё лыя́ ла кэ пэ заме́ст чхатэ.

Ester 2:11

И кажно дывэ́с Мардохе́ё явэ́лас кэ джувле́нгирэ-кхэрэ́скири грэ́да (дво́ро), соб (кай) тэ уджинэл пал Эстэракиро састыпэн, и пал-дова́, со кэрэ́лапэ ла́са.

Ruta 3:6

И гия́ пэ шу́рна (гумно), и кэрдя́ саро́ адя́кэ, сыр припхэндя́ ла́кэ сасуй ла́кири.