Ester 1:6 - Библия - Пэ Балтитко Романи чиб (Романэс) 2019

⁶ Парнэ́ папирья́тыр и яхонтовонэ-цвятэ́нгиро вылна́тыр сыс тхана́ (ткани), савэ́ сыс прикэрдэ висонытконэ́ и пурпуровонэ́ шнурэнца (дорьенца), ёнэ сыс убладэ пэ рупувэ́ брэ́ньчы пир мраморытка сты́лбы.

Biblija - Pe Baltitko Romani čib (Romanes) 2019

⁶ Parné papirjátyr i jahontovone-cviaténgiro vylnátyr sys thaná (tkani), savé sys prikerde visonytkoné i purpurovoné šnurenca (dor'jenca), jone sys ublade pe rupuvé brén'čy pir mramorytka stýlby.

Ester 1:6 Referans Kwoze

Amoso 6:4

Тумэ́, савэ́ сан паштэ́ пэ чхуибэна, со исын ґожакирдэ слонытконэ кокалоса, и тумэ́ потырдэнапэ пэ тумарэ́ дро́га пасиндля (ложы). Тумэ́ ха́на выкэдынэ́ бакрэ́н тумарэ́ стадатыр, и тхулэ гуруворэ́н ґуртостыр.

Езэкилё 23:41

Бэшэсас ту пэ рангиро чхуибэ́н (пасиндлы), анги́л саво́ сыс скэдыно́ сками́нд, пэ савэ́ ту дэсас лэ́нгэ Миро куч тхувипэн дрогонэ́ смолэндыр, Мири́ зан бутэ́-манушэ́нгири и оливи́тко дзэт.

Amoso 2:8

Ёнэ пасёна пашы́л кажно алта́рё дрэ и́ди, со лынэ́ дрэ сымады́ (залого), и пьена мол (вино) бангякирдэ-манушэ́нца дро кхэр, кай исын лэ́нгиро дэвлоро.

Ester 7:8

Ке́ли кра́ли рисия́ фэлатинякирэ унтатыр пэ штэ́то дро кхэр, кай сыс свэ́нко, Ама́но сыс пыи кэ чхуибэ́н, пэ саво́ сыс Эстэ́ра. И пхэндя́ кра́ли: “Аж камэ́ла и тэ лэл пэ зор кра́лица дрэ кхэр ма́ндэ, ке́ли мэ сом!” Лав выгия́ крали́скирэ уштэндыр, и зачхакирдэ муй Аманоскэ!

Ester 8:15

И, акэ, Мардохе́ё выгия́ крали́стыр дрэ крали́скиро урибэ́н яхонтовонэ и парнэ́ цвятоса, и барэ́ сувнакунэ́ коронаса, и дрэ мантия, висонытко и пурпурытко. И фо́ро Сузы отджидыя́ и зоралэ́с обрадындяпэ.

Vygiiben 26:1

Ша́тра (ски́ния) кэр дэшэ цэргэндыр (покрывалэндыр) крэнцэнонэ висоно́стыр, и голубовонатыр, пурпуровонатыр и чэрвлёнонэ вылна́тыр, и кэр херувимы пэ лэ́ндэ высудэ бутяса;

1 Kralip 28:23

Нэ ёв отпхэндяпэ и пхэндя́: “Мэ на ява́ва тэ хав.” И лынэ́ тэ уракирэн лэс лэ́скирэ дына́рья, и адя́кэ-паць и джувлы́; и ёв шундя́ лэ́нгири зан, и уштыя́ пхувья́тыр и бэстя́ пэ чхуибэ́н.

Amoso 3:12

Адя́кэ ракирэ́ла Рай Дэвэ́л: “Сыр о чхупна́ри (пастырё) вытырдэла яви́р мо́ло и зракхэ́ла шчэроскирэ (левоскирэ) мо́стыр дуй кокалы́ ґэрэнгирэ и котэ́р канэскиро, адя́кэ-паць на́бут чхаворэ́н Израилёскирэн вытырдэна хасибнастыр, савэ́ дживэ́на кэ Сама́рия пэ яго́ро (пэ краё) чхуибнаскиро, и савэ́ исын бэштэ́ пэ яго́ро дрогонэ́ пасиндлякиро (пэ кушэтка).