Ереме́ё 9:5 - Библия - Пэ Балтитко Романи чиб (Романэс) 2019

⁵ Кажно лэ́ндыр хохавэла пэ́скирэ пашатунэс, и на ракирэ́ла патяибэ́н: ёнэ высыклякирдэ пэ́скирэ чиба́ тэ ракирэ́н хохаибэ́н, и ёнэ кхинякирэна пэс, кэри чорипэ́н.

Biblija - Pe Baltitko Romani čib (Romanes) 2019

⁵ Kažno léndyr xohavela péskire pašatunes, i na rakiréla patiaibén: jone vysykliakirde péskire čibá te rakirén xohaibén, i jone khiniakirena pes, keri čoripén.

Ереме́ё 9:5 Referans Kwoze

Avakumo 2:13

Акэ, дава́ нанэ янголэ́нгирэ-болыбна́скирэ Ра́стыр-Дэвлэ́стыр, со манушы́тка на́цыи кэрэ́на буты́ пхарэ́с ваш яг, со кхэри́тка ро́ды (пле́ми) кхинякирэна пэс ивья́ (напра́снэс)?

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

Isajos 57:10

Ту кхиныян барэ́ дромэ́стыр, нэ ту на пхэндя́н: “Хасякирдём наде́я!” – тыро́ васт ишчо (инкэ́) сыс джидо́, и зор ту́тэ ишчо (инкэ́) сыс.

Ióvo 15:5

Пал-дова́ со тыро́ чорипэ́н сыклякирэ́ла тут адя́кэ тэ ракирэ́с, и ту выкэдыян пэ́скэ тэ ракирэ́с хоханэ́ чиба́са.

1 Ximaske 4:2

кадава́ сыклякирибэ́н роспхэнэна дуемуитка хохаибнарья, савэ́ хасякирдэ́ сари́ ладж, сы́рбы вари-кон схачкирдя́ ла,

Эфесянэнгэ 4:25

Палдава́ мэкэ́н хохаибэ́н, кажно тумэ́ндыр тэ ракирэ́л чачипэ́н пэ́скирэ пашатунэ́скэ, пал-дова́ со амэ сам екхэ́ масэ́нгирэ паша́ екх екхэ́скэ.

Mihiejo 6:3

О Рай Дэвэ́л ракирэ́ла: “О Мирэ́ мануша́лэ! Со Мэ кэрдём тумэ́нгэ? И сыр дава́ сыс, со сы́рбы Мэ мэнчындём тумэн? Досыкавэн [отпхэнэн-р.с.] Ма́нгэ.

Езэкилё 24:12

Ѓа́да, явэ́ла пхари́ буты́ ваш ла́кэ; нэ пирьякиро нажужыпэн на зджа́ла ла́тыр, и дрэ яг усае́кх ёв ячэ́лапэ.

Ереме́ё 9:8

Лэ́нгири чиб исын мулякирибнаскири буст (стре́ла), ёй ракирэ́ла хохаибэ́н. О ману́ш ракирэ́ла кучэс (раманёса) кэ пэ́скиро пашатуно пэ́скирэ чиба́са, нэ ёв андра́л пэ́стэ сы́рбы подракхэла тэ замарэ́л лэс.

Ереме́ё 9:3

И ёнэ бандякирэна пэ́скирэ чиба́ тэ хохавэн сы́рбы лу́ко, нэ ёнэ на бидарипнаскирэ ваш патяибэ́н пэ пхув: пал-дова́ со ёнэ пириджана екхэ бибахтятыр (холя́тыр) кэ яви́р, нэ ёнэ на джинэ́на Ман, – ракирэ́ла Рай Дэвэ́л.

Isajos 5:18

Бида одолэ́нгэ, савэ́ тырдэна кэ пэ грэ́хо би ракхибнаскирэ шэлэнца, тырдэна кэ пэ грэ́хо сы́рбы симиренца пэ рота.

Pritčy 4:16

Пал-дова́ со соибэн на лэ́ла фуе́ манушэ́н, анги́л, сыр ёнэ тэ кэрэ́н чорипэ́н, и лэ́нгиро суно́ джа́ла криг лэ́ндыр анги́л, сыр ёнэ тэ кэрэ́н адя́кэ, соб (кай) вари-кон тэ пэрэ́л (тэ хасёл).

Psalmy 140:3

савэ́ придуминэна чорипэ́н дро лэ́нгиро ило́, ёнэ саро́ дывэ́с скэдэ́напэ ваш марибэ́н.

Psalmy 64:3

гарав ман чораханэ зракирибнастыр, саво́ лыджа́ла кэ би́да, бунтостыр, со кэрэ́на чорэ́ мануша́,

Psalmy 50:19

Ту дэ́са во́ля пэ́скирэ москэ тэ ракирэ́л чорипэ́н и пэ́скирэ чибакэ (чибьякэ) тэ счхувэл хохаибэ́н.

Psalmy 7:14

Ёв адя́кэ-паць скэдэ́ла пэ кодолэстэ мэрибнаскирэ струме́нты, Ёв кэрэ́ла Пэ́скирэ бустендыр (стрелэндыр) дэстэ́, савэ́ хачона яга́са.

Ióvo 11:3

Ци со тыро́ хохано́ ракирибэ́н зачхувэла манушэ́н тэ явэ́н дро рама́нё (миро)? Ци сыр ту сасапэ холямэс, тэды со ж нашты́ тэ ладжакирэн тут?

Džiibén 19:11

а манушэ́н, савэ́ исыс анги́л загиибэ́н дро кхэр, корьякирдэ, барэстыр кэ тыкно́, адя́кэ, со ёнэ замэнчиндлэпэ, родыи загиибэ́н.

Psalmy 52:3

Со́скэ ту шарэсапэ фуипнаса, ту, муршари? Дэвлэ́скири лачхэ́-илы́ткима исын усады (сак) ма́нца пэ сарэ́ ве́ки.

Ереме́ё 7:28

И ту пхэнэ́са лэ́нгэ: “Дая́ исын манушы́тко нацыя, сави́ на кандэ́ла пэ́скири Ра́скирэ-Дэвлэ́скири зан, и сави́ на сыклёла пхарэ́ сыклякирибнастыр: нанэ патяибэ́н лэ́ндэ, ёв сы́рбы лыно́ криг лэ́нгирэ мо́стыр.

Ереме́ё 12:6

Пал-дова́ со ровно (адя́кэ-паць) и тырэ́ пша́ла, и тырэ́-дадэ́скиро кхэр, адя́кэ-паць и ёнэ обгинэпэ ту́са сыр бикиибнаскирья (бикиныбнарья), мэк ёнэ и дэ́на го́дла яври́ пал ту́тэ. На патя лэ́нгэ, мэк и ракирэ́на ёнэ лачхинька лава́ ту́кэ.

Ереме́ё 12:13

Ёнэ чхудэ́ дрэ пхув гив, нэ ёнэ счхиндлэ пхусадытка хру́сты, ёнэ кхинякирдэ пэс кэ дукха́, и лэ́нгэ на удэлапэ кэ миштыпэ́н. Ладжан дасавэ́ тумарэ́ чорорэ́ умалотостыр, пал-дова́ со явэ́ла бари холы́ Ра́стыр-Дэвлэ́стыр.

Ереме́ё 13:23

Ци могинэ́ла (сашты́) Эфиопо тэ парувэл пэ́скири цы́па, ци сашты́ леопардо тэ парувэл пэ́скирэ петьмы (пятны)? Тэды, ци могинэ́на тумэ́ адя́кэ-паць тэ кэрэ́н лачхипэ́н, савэ́ присыклынэ тэ кэрэ́н биба́хт?

Ереме́ё 51:58

Адя́кэ ракирэ́ла болыбна́скирэ-янголэ́нгиро Рай Дэвэ́л: “Буґлэ (груба) ва́нты Вавилоно́скирэ явэ́на сарэ́са пхагирдэ́, и лэ́скирэ вучэ́ по́рты явэ́на хачкирдэ́ яга́са; а лэ́скирэ мануша́ явэ́на тэ кэрэ́н буты́ ивья́ (напра́снэс), и адя́кэ-паць и сари́ нацыя фэ́ни (то́ка) ваш яг кхинякирдя (мэнчындя) пэс.”

Ереме́ё 51:64

И пхэн лэ́нгэ: ‘Адя́кэ и Вавило́но тасадёла и на ґаздэ́лапэ бибахтятыр (бидатыр), сави́ Мэ яна́ва пэ лэ́стэ. И ёнэ явэ́на сарэ́са кхинякирдэ (бизорья́кирэ).’” И, акэ, савэ́ акана́ исын лава́ Еремеёскирэ.

Малахия 2:10

Ци нанэ Екх Дад тумэ́ндэ? Ци на Екх Дэвэ́л создыя́ амэн? Со́скэ да амэ кэра́са нахратыма (ячаса сыр напатяибнытка екх проти екхэ́стэ), ке́ли амэ магираса завето дадэ́нгиро?

Сэндарьенгири Лылвари́ 2:10

и ке́ли сарэ́ адалэ́ мануша́ отгинэ́ кэ пэ́скирэ дада́, и ґаздыя́пэ коригэды́р (позже) лэ́ндэ яви́р ро́до, саво́ на джиндя́ Рас-Дэвлэ́с и Лэ́скирэ рэ́нды, савэ́ Ёв кэрдя́ Израилёскэ,

Pritčy 12:5

Чачунэ́ мануша́ думинэ́на пал чачипэ́н, нэ фуй мануша́ кхэтанэ́ дэ́на хохано́ годыпэ́н.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”