Ереме́ё 9:16 - Библия - Пэ Балтитко Романи чиб (Романэс) 2019

¹⁶ И Мэ росчхувава лэн тэ дживэ́н машки́р Наюдэ́ндэ, конэ́с на джиндлэ́ ни ёнэ, ни лэ́нгирэ дада́. И Мэ бичхава́ва курта́ла пал лэ́ндэ, анги́л дова́, сыр Мэ сарэ́са хасякира́ва лэн.’

Biblija - Pe Baltitko Romani čib (Romanes) 2019

¹⁶ I Me rosčhuvava len te dživén maškír Najudénde, konés na džindlé ni jone, ni léngire dadá. I Me bičhaváva kurtála pal lénde, angíl dová, syr Me sarésa xasiakiráva len.’

Ереме́ё 9:16 Referans Kwoze

Езэкилё 5:12

Три́то паш ту́тэ мэрэ́ла фуендыр (язвэндыр) и хасёла бокха́тыр машки́р ту́тэ; три́то паш явэ́ла за-марды куртала́са пашы́л тыро́ фо́ро, а три́то паш Мэ роспхурдава пир сарэ́ балваля и Мэ вытырдава (дорэсава) пал лэ́ндэ курта́ла тэ традавпэ.

Езэкилё 5:2

Три́то часть (частыр) хачкир яга́са машки́р фо́ро, сыр пхэрдякирэнапэ дывэса́, сыр вэ́рги облынэ трусця́л (ротаса) фо́ро, три́то частыр лэ и почингир куртала́са пашы́л фо́ро, и росчхурдэ три́то частыр пир балва́л. А Мэ вытырдава курта́ла пал лэ́ндэ.

Яви́р Зако́но 28:64

И росчхурдэла тэ дживэ́л тут Рай Дэвэ́л пир сарэ́ манушэ́ндэ, ягоро́стыр (краёстыр) пхувьякирэстыр кэ яви́р яго́ро пхувья́киро, и ту явэ́са одо́й тэ дынаринэс явирэ дэвлорэ́нгэ, савэ́н на джиндян ни ту, ни дада́ тырэ́, каштэскэ и барэнгэ.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Ереме́ё 44:27

Акэ, Мэ ява́ва тэ дыкха́в пэ тумэ́ндэ кэ биба́хт, а на ваш лачхипэ́н: сарэ́ мануша́ Юдэя́тыр, савэ́ исын пэ пхув Юдэякири явэ́на тэ хасён куртала́тыр, и барэ́ бокха́тыр анги́л дова́, сыр явэ́ла ко́нцо (яго́ро) лэ́нгэ.

Ереме́ё 13:24

‘Палдава́ Мэ росчхурдава лэн сы́рбы пхусакирэ тетивы [пра́хо-р.с.], савэ́ розлыджала балва́л чхучэ́ прахэндыр’, – ракирэ́ла Рай Дэвэ́л.

Jakov 1:1

Яково, саво́ исын Дэвлэ́скиро и Ра́скирэ-Дэвлэ́скиро, Исусо́скирэ Христосо́скиро писха́ри (рабо), бичхавэ́ла миро (рама́нё) Юдэ́нгирэ дэшудуе́ родэ́нгэ, савэ́ исын росчхурдынэ пир свэ́то машкира́л Наюдэ́ндэ.

Заха́рия 7:14

И Мэ росчхурдыём лэн рискирибна́скирэ балваляса пир сарэ́ манушэ́ндэ, савэ́н ёнэ на джиндлэ́. И дая́ пхув чхучия би лэ́нгиро, со нико́н на псирдя́ пирда́л ла́тэ ни англэ, ни палэ, и ёнэ кэрдэ́ далэ́ бахталэ́ рига́тыр чхучи́ пхув.”

Езэкилё 20:23

Адя́кэ-паць Мэ ґаздыём Миро васт пэ чхучи́ пхув совлахаса анги́л лэ́ндэ, со Мэ росчхувава тэ дживэ́н лэн машки́р Наюды́тка на́цыи, и рострадава лэн пир пхувья́.

Езэкилё 14:17

Ци, ко́ли Мэ тэ янав курта́ла пэ дая́ пхув и тэ пхэна́в: “Курта́ла, проджа пир пхув!” И лыём тэ хасякира́в манушэ́н и мурдалэ́н,

Езэкилё 12:15

И ёнэ ґалёна, со Мэ сом Рай Дэвэ́л, Дэвэ́л, ко́ли Мэ росчхувава тэ дживэ́н лэн кэ яви́р народы и рострадава лэн пир пхувья́.

Езэкилё 11:17

Тэ́ньци пхэн адя́кэ: “Мэ скэда́ва тумэн явирэ нацые́ндыр, Мэ яна́ва кхэтанэ́ тумэн тхэмэндыр, кэ савэ́ Мэ росчхудём тэ дживэ́н тумэн, и Мэ да́ва ту́кэ пхув Израилёскири.’”

Ереме́ё 29:17

адя́кэ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ бичхава́ва пэ лэ́ндэ курта́ла, бокх и мэрибнытка фра́нсы, и Мэ кэра́ва лэн сы́рбы кирмалэ инжыритка му́ри, савэ́ нашты́ тэ хас, ёнэ исын древа́н фуй.

Ереме́ё 25:27

И ту пхэн лэ́нгэ: ‘Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: ‘Пье́н и матён, и чхадэн, и пэрэ́н, и на уштэ́н буты́р анги́л курта́ла, сави́ Мэ бичхадём пэ тумэ́ндэ.

Ереме́ё 24:10

И Мэ бичхава́ва курта́ла пэ лэ́ндэ, бокх и фра́нсы адя́кэ ґара́ (длу́гэс), анги́л, сыр Мэ хасякира́ва лэн пхувья́тыр, сави́ Мэ дыём лэ́нгэ и лэ́нгирэ дадэ́нгэ.’”

Psalmy 106:27

и со Ёв росчхувэла лэ́нгиро ро́до машки́р Наюды́тка на́цыи, и со Ёв росчхурдэла лэн машки́р тхэма (страны).

Ниеми́я 1:8

Нэ ри́пир лав, саво́ Ту дыя́н дро припхэныбэ́н Мойза́скэ, Тырэ́ писхари́скэ, ракири́: “Ко́ли тумэ́ тэ кэрэнпэ прахарьенца, то Мэ росчхурдава тэ дживэ́н тумэн пир манушэ́ндэ;

Яви́р Зако́но 32:26

Мэ пхэнавас: “Мэ росчхурдава тэ дживэ́н лэн, и лава́ криг (скхосава) машки́р манушэ́ндэ рипирибэ́н пал лэ́ндэ”;

Яви́р Зако́но 28:36

Лыджа́ла криг Рай Дэвэ́л тут и крали́с тырэ́с, савэ́с ту чхувэ́са пэ пэ́стэ, кэ мануша́, савэ́н на джиндян ни ту, ни дада́ тырэ́, и одо́й ту явэ́са тэ дынаринэс явирэ дэвлорэ́нгэ, каштунэнгэ и барунэнгэ;

Яви́р Зако́но 28:25

Отдэ́ла тут Рай Дэвэ́л пэ мэрибэ́н (пэ хасибэ́н) тырэ́ вэргэ́нгэ (врогэнгэ); екхэ дромэ́са ту выджаса проти лэ́ндэ, а эфта́ дромэ́нца нашэса лэ́ндыр; и явэ́са ту росчхурдыно тэ дживэ́с пир сарэ́ кралипэна́ пэ пхув.

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Ереме́ё 8:19

Шунэ́н! Акэ, шундлы исын мирэ́ манушэ́нгирэ-чхакири зан, сыр ёй дэ́ла го́дла древа́н дуратунэ́ тхэмэстыр?: ‘Ци исын дава́ Рай Дэвэ́л пэ Сио́но? Ци исын дава́ Сионоскиро кра́ли одо́й?’ Рай Дэвэ́л, лэ́нгиро Кра́ли, отпхэнэ́ла: ‘Со́скэ ёнэ дукхавэнас Ман, соб (кай) Мэ тэ холясовав пэ лэ́ндэ пал лэ́нгирэ вычхиндлэ́ и́долы, савэ́ исын чу́жа и (ничы́ намол) хартытка?’

Ekliesiastos 12:5

И адалэ́ мануша́ адя́кэ-паць явэ́на тэ дарэ́н вучипна́стыр, и ёнэ явэ́на тэ страхандён тэ джа́н пир дром, и лэ́нгирэ бала́ явэ́на парнэ́ адя́кэ, сыр миндалитко кашт лулудёла (цвэцинэла), и сыр скочко (грасторо) на явэ́ла дрэ ра́дыма, и сыр паты́в хасёла сы́рбы каперсытко кашт шутёла; пал-дова́ со мануша́ явэ́на тэ джа́н кэ лэ́нгиро ве́чно кхэр, и тэ́ньчи лэ́нгирэ ровибнаскирэ явэ́на тэ псирэ́н пир га́сы (пир вули́цы).

Ереме́ё 7:29

Обчхин тырэ́ бала́, шукарни Ерусалимо́стыр, и чхурдэ криг лэн, и ров пэ вучэ́ штэ́ты, пал-дова́ со Рай Дэвэ́л на прилыя́ и мэкця́ ро́до, саво́ зоралэ́с холякирдя Лэс.

Езэкилё 27:2

“И ту акана́, Манушэ́скиро чхаво́, ров пал Ти́ро,

Amoso 5:16

Палдава́ адя́кэ ракирэ́ла Рай Дэвэ́л, янголэ́нгирэ-болыбна́скиро Дэвэ́л Сарэзорья́киро: “Зорало́ ровибэн явэ́ла пэ сарэ́ вули́цы (га́сы), и мануша́ явэ́на тэ припхэнэн пэ сарэ́ дрома́: ‘Дэ́вла! О Дэвлалэ!’ И ёнэ явэ́на тэ кхарэ́н пхувья́кирэ бутярьен тэ тугинэн зоралэ́с, и кадасавэн, кон исын спецы тэ тугинэн ровибнаса.

Mihiejo 2:4

Дро дова́ дывэ́с мануша́ явэ́на тэ ракирэ́н притча пал тумэ́ндэ, и ёнэ явэ́на тэ ракирэ́н зоралэ́с киркэ ясвэ́нца, и тэ пхэнэ́н: ‘Амэ хасиям сарэ́са, о Дэвэ́л парудя амари́ до́ля [отдыя́ явирэ́нгэ-р.с.]: сыр тэ рисёл амари́ до́ля? Ёв роскэрдя́ амарэ́ фэ́лды машки́р амарэ́ вэргэ́ндэ.’”