Ереме́ё 8:9 - Библия - Пэ Балтитко Романи чиб (Романэс) 2019

⁹ Кадалэ́ барэ́-годякирэ мануша́ исын ладжакирдэ́, лэ́нгиро ду́хо (фа́но) исын пхагирдо́ и ёнэ дынэпэ дукха́. Акэ, ёнэ отпхэндэпэ Ра́скирэ-Дэвлэ́скирэ лавэ́стыр; и саво́ ж годыпэ́н исын лэ́ндэ?

Biblija - Pe Baltitko Romani čib (Romanes) 2019

⁹ Kadalé baré-godiakire manušá isyn ladžakirdé, léngiro dúho (fáno) isyn phagirdó i jone dynepe dukhá. Ake, jone otphendepe Ráskire-Devléskire lavéstyr; i savó ž godypén isyn lénde?

Ереме́ё 8:9 Referans Kwoze

Ереме́ё 6:15

“И ци ладжандынэ ёнэ, сыр ёнэ кэрдэ́ джунгалэ́ рэ́нды (де́лы)? Над, ёнэ на ладжандынэ, и ёнэ на джинэ́на, со исын дасаво тэ лолён. Палдава́ ёнэ пэрэ́на машки́р одолэ́ндэ, савэ́ пэрэ́на пэ мэрибэ́н”, – пхэндя́ Рай Дэвэ́л.

Ióvo 5:12

Ёв розмарэла дова́, со фрэнта мануша́ придуминэна адя́кэ, со лэ́нгирэ васта́ тэ на докэрэн лэ́нгирэ рэ́нды.

Ереме́ё 6:19

Шун, пхув! Акэ Мэ яна́ва биба́хт (хасибэ́н) пэ адалэ́ манушэ́ндэ, и пэ дова́, со ёнэ придуминэна; пал-дова́ со ёнэ на шундлэ́ Мирэ́ лава́, и со ёнэ отпхэндэпэ Мирэ́ Законо́стыр.

Isajos 19:11

Адя́кэ! Згинэ годятыр тхага́рья (кня́зи) Цоаноскирэ; годыпэ́н (совето) годьварэ́ манушэ́нгиро, савэ́ подпхэнэнас Фараоно́скэ, яця́ дылыно́. Сыр тумэ́ пхэнэ́на Фараоно́скэ: “Мэ сом чхаво́ годьварэ́-манушэ́нгиро, ґаратунэ́-кральенгиро чхаво́.”

Psalmy 19:7

Ёв (кхам) лэ́ла тэ джал болыбна́скирэ ягоро́стыр и лэ́скиро круго доджа́ла кэ яви́р Болыбна́скиро яго́ро (краё) и нисо́ нашты́ тэ гарадёл Лэ́скирэ хачкирибнастыр.

Яви́р Зако́но 4:6

и, соб (кай) тумэ́ тэ ракхэ́н и тэ кэрэ́н пир лэ́ндэ: пал-дова́ со дрэ дава́ исын годыпэ́н тумаро́ и годы́ тумари́ анги́л якха́ манушэ́нгирэ, савэ́ шунэ́на пал сарэ́ далэ́ упхэныбэна́, и пхэнэ́на: ‘Екх адалэ́ барэ́ мануша́ исын мануша́ годэ́ и барэ́-годякирэ.’

2 Ximaske 3:15

Ту тыкнорал (детствостыр) джинэ́са Свэ́нто Чхиныбэ́н, саво́ дэ́ла ту́кэ годы́ и лыджа́ла тут кэ зракхибэ́н пир патяибэ́н дрэ Исусо́стэ Христосо́стэ.

Езэкилё 7:26

Бари би́да явэ́ла пал бари би́да, шуныбэ́н пало́ шуныбэ́н. Явэ́на тэ мангэ́н дыкхибэ́н пророкостыр, на явэ́ла сыкляибэн рашастэ и лачхо́ лав годэ́ – пхурэндэ/пхурыдырэндэ.

Ереме́ё 49:7

Пал Эдо́мо адя́кэ ракирэ́ла болыбна́скирэ-янголэ́нгиро Рай Дэвэ́л: “Со нанэ буты́р годыпэ́н дро Фемано? Ци со барэ́-годякирэ мануша́ пириячнэ тэ дэн годы́ явирэ́нгэ? Ци со годыпэ́н нашадыя?

Isajos 8:20

Пропатякирэн лэн пир сыкадыипэн дро Зако́но и откэрибэн. Ко́ли ёнэ (кон выкхарэла мулэн) на ракирэ́на адя́кэ, сыр дава́ лав, тэ́ньчи нанэ дрэ лэ́ндэ дуд (свэ́то).

4 Kralip 17:15

И лынэ́ тэ на прилэ́н Лэ́скирэ упхэныбэна́, и Заве́то Лэ́скиро, саво́ Ёв кэрдя́ лэ́нгирэ дадэ́нца, и приракхибэна Лэ́скирэ, савэ́нца Ёв приракхця лэн, и гинэ́ ёнэ пала́л пал харныпэ́н (пустота), и пала́л пал манушэ́ндэ, савэ́ дживдэ́ пашы́л, пал савэ́ндэ Рай Дэвэ́л ракирдя́ лэ́нгэ, соб (кай) тэ на кэрэ́н адя́кэ, сыр ёнэ.

Isajos 29:14

то, акэ, Мэ адя́кэ кэра́ва далэ́ народоса дивнэс, сыр николи на сыс; хасёла годы́ лэ́скирэ годьварэ́ манушэ́ндэ, залэлапэ (на явэ́ла) годы́ годэ́ манушэ́ндэ.”

Ереме́ё 15:6

Тырэ́ мануша́ мэкнэ́ Ман!’, – ракирэ́ла Рай Дэвэ́л, – тумэ́ дынэпэ палэ. Палдава́ Мэ протырдава (ґазда́ва) Пэ́скиро васт пэ тумэ́ндэ, и Мэ хасякира́ва тумэн: Мэ кхиныём тэ отмэкав (тэ простинав) тумэ́нгэ.

Ереме́ё 19:7

И Мэ кэра́ва адя́кэ, со ничы́ на явэ́ла мол зракирибэ́н пэ скэдыны кэ Юдэ́я и кэ Ерусалимо пэ дова́ штэ́то, и Мэ кэра́ва адя́кэ, со ёнэ пэрэ́на куртала́тыр анги́л пэ́скирэ вэргэ́ндэ, и кодолэнгирэ вастэ́стыр, савэ́ родэ́на лэ́нгиро джиибэ́н, и Мэ кэра́ва адя́кэ, со лэ́нгирэ тру́пы Мэ да́ва сыр хабэ́н болыбнытконэ чириклэнгэ и мурдалэ́нгэ пэ пхув.

Amoso 2:4

Адя́кэ ракирэ́ла Рай-Дэвэ́л: “Пал трин чорипэна, со кэрдя́ Юда и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ на прилынэ́ (дыкхнэ́ вучипна́стыр) пэ Зако́но Ра́скирэ-Дэвлэ́скиро, и ёнэ на ракхнэ Лэ́скирэ припхэныбэна́ и лэ́нгирэ хоханэ́ дэвлорэ́, пал савэ́ лэ́нгирэ дада́ гинэ́ тэ кэрэ́н паты́в, лыджинэ́ лэн дромэ́стыр.

Заха́рия 13:4

И явэ́ла дро дова́ дывэ́с, со заладжанапэ кадасавэ́ проро́ки, кажно пэ́скирэ дыкхибнастыр, сыр ёв лэ́ла тэ ангилпхэнэл, и ёнэ на лэ́на тэ урьен пэ лэ́стэ балытка гонэ́, соб (кай) тэ хохавэн.

Ióvo 5:13

Ёв ухтылэ́ла бут-годякирэ манушэ́н дрэ лэ́нгири фрэнтыма адя́кэ, со мэндронэ – манушэ́нгирэ кхэтанэ́ ду́мы обрисёна фуипнаса пэ лэ́ндэ:

Isajos 43:27

Тырэ́-дадэ́скиро дад кэрдя́ грэ́хо и одолэ́, кон мангдя́пэ пал ту́тэ, отгинэ́ Ма́ндыр.

Ереме́ё 2:8

Э рашая́ на пхэндлэ́: ‘Кай исын Рай Дэвэ́л?’, – кодолэ́, кон рикирэ́ла зор пэ Зако́но, ёнэ на джиндлэ́ Ман: пастыри адя́кэ-паць кэрдэ́ чорипэ́н Ма́нгэ, и проро́ки ангилпхэнэнас Валаалоскирэ лавэ́са, и ёнэ псирдэ́ пал и́долы, савэ́ндыр на сыс ни саво́ лачхипэ́н лэ́нгэ.