Ереме́ё 8:12 - Библия - Пэ Балтитко Романи чиб (Романэс) 2019

¹² Ци ладжандынэ ёнэ, сыр ёнэ кэрдэ́ джунгалэ́ дэвлорэ́? Над! Ёнэ на ладжандынэ сарэ́са, и ёнэ на джиндлэ́ тэ лолён. Палдава́ ёнэ пэрэ́на машки́р одолэ́ндэ, савэ́ пынэ́, дро лэ́нгирэ-сэндоскиро часо (цы́ро) ёнэ обштавэна,’ – раки́рла Рай Дэвэ́л.

Biblija - Pe Baltitko Romani čib (Romanes) 2019

¹² Ci ladžandyne jone, syr jone kerdé džungalé devloré? Nad! Jone na ladžandyne sarésa, i jone na džindlé te loljon. Paldavá jone peréna maškír odolénde, savé pyné, dro léngire-sendoskiro časo (cýro) jone obštavena,’ – rakírla Raj Devél.

Ереме́ё 8:12 Referans Kwoze

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Ереме́ё 6:15

“И ци ладжандынэ ёнэ, сыр ёнэ кэрдэ́ джунгалэ́ рэ́нды (де́лы)? Над, ёнэ на ладжандынэ, и ёнэ на джинэ́на, со исын дасаво тэ лолён. Палдава́ ёнэ пэрэ́на машки́р одолэ́ндэ, савэ́ пэрэ́на пэ мэрибэ́н”, – пхэндя́ Рай Дэвэ́л.

Isajos 3:9

Мина лэ́нгирэ москири досыкавэла пал лэ́ндэ, пал пэ́скиро грэ́хо ёнэ роспхэнэна саро́ чачипэ́н, сыр Содомляни, ёнэ на гаравэнапэ: би́да лэ́нгэ! Кокорэ́ пэ́скэ ёнэ янэ́на бибибахт (фуипэ́н).

Psalmy 52:7

Дэвэ́л хасякирэ́ла тут адя́кэ пэ сарэ́ ве́ки и чхурдэ́ла тут криг и выкушэла тут шатратыр и вырискирэла тут корне́нца (рукхэ́нца) пхувья́тыр, кай дживэ́на мануша́. Сэ́ла.

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Psalmy 52:1

Хоро́скирэ Дирижоро́скэ. Сыклякирибэ́н. Давидо́скиро Пса́лмо,

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

Osija 5:9

Ефремостыр ячэ́лапэ голоты́ня (чхучипэн) дро дывэ́с, сыр Мэ бангякирава лэн; машки́р ро́дыцы Израилёскирэ Мэ пхэндём, со дава́ явэ́ла чачэс.

Isajos 24:2

И со явэ́ла народоса, дова́-паць (тожэ) явэ́ла раша́са; со явэ́ла дынариса, дова́-паць явэ́ла лэ́скирэ хула́са; со явэ́ла дынарицаса, дова́-паць явэ́ла ла́кирэ хуланяса; со явэ́ла одолэса, кон кинэла, дова́-паць явэ́ла одолэса, кон бикнэла; со явэ́ла манушэ́са, саво́ залэла ловэ́, дова́-паць явэ́ла одолэса, кон дэ́ла лэ́скэ ловэ́.

Ереме́ё 6:21

Палдава́ ракирэ́ла Рай Дэвэ́л адя́кэ: “Акэ, Мэ чхува́ва бар тэ обштавэнпэ анги́л кадалэ́ манушэ́ндэ: дада́ и чхавэ́ кхэтанэ́ пэрэ́на пир дава́ бар. Пашатуно ману́ш и лэ́скиро мал хасёна.”

Ереме́ё 10:15

Саро́ дава́ исын чхучипэн (пустота), буты́ пэ сабэн, ёнэ хасёна, ке́ли Рай Дэвэ́л явэ́ла тэ сэндякирэ́л.

Ереме́ё 44:10

Тумэ́ кэ ададывэ́с на тыкнякирдэ пэс, на лынэ́ тэ дарэ́н, тумэ́ на кэрдэ́ пир Миро Зако́но ци пир Мирэ́ стату́ты, савэ́ Мэ дыём тумэ́нгэ и тумарэ́ дадэ́нгэ.

Езэкилё 23:18

Ке́ли ж ёй откэрдэ́с (явнэс) лыя́ тэ кэрэ́л пэ́скиро биладжакиро рэ́ндо, и отчхакирдя́ пэ́скиро нангипэ́н, тэ́ньчи отгия́ ла́тыр Миро ило́, сыр отгия́ Миро ило́ ла́кирэ пхэнятыр.

Džiibén 19:34

Пэ яви́р дывэ́с пхурэдыршо пхэн пхэндя́ тыкнэдыршонакэ: “Ѓа́да, мэ тася́ со́мас суты мирэ́ дадэ́са: матькираса лэс и дрэ дая́ рат; и ту джа́ и сов лэ́са, и биянаса амарэ́ дадэ́стыр чхавэ́н.”

Ереме́ё 14:15

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ ангилпхэнэна Лэ́скирэ лавэ́стыр, савэ́н Ёв на бичхадя́, и савэ́ ракирна: ‘Курта́ла и бари бокх на явэ́на пэ кадая́ пхув’: Кадалэ́ проро́ки хасёна куртала́тыр и барэ́ бокха́тыр!

Ереме́ё 23:12

“Палдава́ лэ́нгиро дром явэ́ла ваш лэ́нгэ сыр слизко штэ́то дро калыпэ́н (цёмныма), лэн шпулэна (пихинэна) одо́й и ёнэ пэрэ́на одори́к. Мэ яна́ва биба́хт (бари би́да) – пэ лэ́ндэ дро бэрш, ке́ли Мэ ява́ва тэ сэндякирав лэн”, – ракирэ́ла Рай Дэвэ́л.