Ереме́ё 8:10 - Библия - Пэ Балтитко Романи чиб (Романэс) 2019

¹⁰ Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

Biblija - Pe Baltitko Romani čib (Romanes) 2019

¹⁰ Paldavá Me dáva léngire romnién javirénge, i léngire féldy kodolé manušénge, savé javéna xulaja pe lénde. Pal-dová so kažno léndyr tyknestyr ke sámo baredýr isyn prisyklyno i ĥálko ke barvalypén: prorokostyr ke rašáj – kažno léndyr keréla načačunes.

Ереме́ё 8:10 Referans Kwoze

Езэкилё 33:31

Ёнэ явэ́на кэ ту сыр пэ манушэ́нгири скэдыны (сходка): бэшэна анги́л тыро́ муй, Миро народо, шунэ́на Тырэ́ дава́, нэ ёнэ на дживэ́на пир лэ́ндэ. Ёнэ сы́рбы кхэлэнапэ лэ́нца дрэ пэ́скирэ ушта́; лэ́нгиро ило́ тырдэлпэ пал барвалыпэ́н.

Titoske 1:11

трэй, соб (кай) тумэ́ тэ запхандэн муй лэ́нгэ, савэ́ змарэна чачунэ́ дромэ́стыр бут сэм΄и (ирья́), а ваш пэ́скиро биладжаипнытко тырдыпэ́н кэ ловэ́ ёнэ сыклякирэ́на одова́, со на трэй.

Софония 1:13

Палдава́ росчорэна лэ́нгиро барвалыпэ́н, и лэ́нгирэ кхэрэндыр ячэ́лапэ голоты́ня; ёнэ явэ́на тэ чхувэ́н кхэра́, нэ ёнэ на явэ́на тэ дживэ́н дрэ лэ́ндэ: ёнэ явэ́на тэ почхувэн винаграды́тка хру́сты дрэ пхув, нэ ёнэ на явэ́на тэ пьен мол (вино).

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.

Isajos 28:7

Нэ кадалэ́ пэрэ́на моля́тыр (виностыр), змарэнапэ дромэ́стыр, пал-дова́ со пинэ́ сикера (бравинта); раша́й и проро́ко матинэ, згинэ годятыр; на дыкхэ́на дыкхибэ́н, ёнэ на сэндякирэна, сыр трэй.

Titoske 1:7

Пал-дова́ со пхурыдырэ́ пшалэ́скэ трэй тэ явэ́л бидошакирэскэ, сыр Дэвлэ́скирэ-кхэритконэ́ барыдырэ́скэ, соб (кай) ёв тэ на гинэл пэс древа́н годьварэса, тэ на явэ́л холынакиро, матымари, пхутькирдо, розмарибнари, тэ на явэ́л ёв ґа́лко кэ барвалыпэ́н;

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Mihiejo 3:5

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ кэрдэ́ адя́кэ: “Со мирэ́ мануша́ дынэпэ дукха́; савэ́ дандырэнапэ и дэ́на го́дла: ‘Рама́нё.’ Нэ кон на дэ́ла ничы́ лэ́нгэ дро муй, тэды ёнэ джа́на марибна́са проти лэ́стэ:

Roiben 4:13

саро́ дава́ пал форо́скирэ пророкэ́ндэ и пал лэ́нгиро – раша́нгиро чорипэ́н, кон прочхудэ чачунэ́ – манушэ́нгиро рат машки́р дава́ фо́ро.

Ереме́ё 32:32

пал саро́ чорипэ́н, со кэрдэ́ чхавэ́ Израилёстыр, и чхавэ́ Юдэя́тыр, со ёнэ дынэ́ яг Мирэ́ холякэ пэ лэ́ндэ: ёнэ, лэ́нгирэ кра́лья, лэ́нгирэ тхага́рья, лэ́нгирэ рашая́ и лэ́нгирэ проро́ки, мурша́ Юдэя́кирэ и джиибна́скирэ (жытели) Ерусалимо́скирэ.

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Ióvo 31:10

тэды, мэк тэ дэл, соб (кай) мири́ ромны́ тэ мелинэл ваш явирэскэ, и, соб (кай) яви́р мурша́ тэ бандякирэн шэрэ́ анги́л ла́тэ.

Isajos 57:17

Палдова́, со ёв думинэ́ла пал миштыпэ́н ваш пэ́скэ кокорэскэ, Мэ холясовавас и дукхававас лэс, гарававас муй и Мэ со́мас холямо́, нэ ёв отрисия и гия́ пир дром, савэ́са лыджия́ лэ́скиро ило́.

Ереме́ё 14:18

Ко́ли Мэ джа́ва пэ фэ́лда, акэ, исын паштэ́ мануша́, савэ́н курта́ла мулякирдя́! И ко́ли Мэ джа́ва андрэ́ фо́ро, акэ, исын мануша́, савэ́ нашавэна зор кэ мэрибэ́н барэ́ бокха́тыр! Пал-дова́ со дуйджинэ́: и проро́ко, и раша́й псирэ́на пир пхув, со ёнэ кокорэ́ на джинэ́на палсо́.’”

Ереме́ё 17:11

Сыр куропатка, сави́ бэшэ́ла пэ парнорэ, со ёй на чхудя́, адя́кэ-паць исын ману́ш, кон дорэсэ́ла барвалыпэ́н на пир чачипэ́н: дро са́мо машкира́л лэ́скирэ дывэса́ барвалыпэ́н мэкэ́ла лэс и дро ко́нцо (дро яго́ро) ёв явэ́ла дылыно́.

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Ереме́ё 38:22

‘А́кэ, сарэ́ джувле́н, савэ́ ячнэ́пэ дро кхэр крали́скиро пэ Юдэ́я, янэ́на кэ Вавилоно́скирэ тхага́рья, и кодолэ́ джувля́ пхэнэ́на ту́кэ: ‘Тырэ́ мала́ подракирдэ тут, и ёнэ лынэ́ упралыпэ́н пэ ту́тэ, тырэ́ ґэра́ тасадынэ дрэ бла́та (артапель) И ёнэ рисинэ́ криг ту́тыр.’

Ереме́ё 42:1

И сарэ́ рая халадэ́нгирэ, и Иоханано, чхаво́ Кареяскиро, и Иезания (Езания), чхаво́ Гошаияскиро, и сарэ́ мануша́ тыкнэстыр кэ са́мо барэды́р гинэ́ пашы́л,

Mihiejo 2:4

Дро дова́ дывэ́с мануша́ явэ́на тэ ракирэ́н притча пал тумэ́ндэ, и ёнэ явэ́на тэ ракирэ́н зоралэ́с киркэ ясвэ́нца, и тэ пхэнэ́н: ‘Амэ хасиям сарэ́са, о Дэвэ́л парудя амари́ до́ля [отдыя́ явирэ́нгэ-р.с.]: сыр тэ рисёл амари́ до́ля? Ёв роскэрдя́ амарэ́ фэ́лды машки́р амарэ́ вэргэ́ндэ.’”

Avakumo 1:6

Пал-дова́ со Мэ, акэ, ґазда́ва Халдеен, кирки и сы́гно нацыя, сави́ кхарэ́лапэ (двигинэлапэ) пир пхувья́киро буґлыпэ́н, соб (кай) тэ заухтылэн джиибна́скирэ штэ́ты, савэ́ исын на лэ́нгирэ.

Ереме́ё 14:14

И пхэндя́ Рай Дэвэ́л ма́нгэ: “Проро́ки ангилпхэнэна хохаибэ́н Мирэ́ лавэ́стыр; Мэ на бичхадём лэн, и Мэ на припхэндём лэ́нгэ, и Мэ на пхэндём лэ́нгэ: ёнэ ангилпхэнэна тумэ́нгэ хохано́ дыкхибэ́н (суныбэн), и чхучэ́ чары; дова́, со на мол ничы́, и хохаибэ́н, со джа́ла лэ́нгирэ илэндыр.