Ереме́ё 7:8 - Библия - Пэ Балтитко Романи чиб (Романэс) 2019

⁸ Акэ, тумэ́ зоралэ́с допатяна хоханэ́ лавэнгэ, савэ́ на дэ́на ко́фо.

Biblija - Pe Baltitko Romani čib (Romanes) 2019

⁸ Ake, tumé zoralés dopatiana xohané lavenge, savé na déna kófo.

Ереме́ё 7:8 Referans Kwoze

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Ереме́ё 23:32

“Акэ, Мэ сом проти лэ́ндэ, савэ́ ангилпхэнэна хоханэ́ сунэ́, – ракирэ́ла Рай Дэвэ́л, – савэ́ пирипхэнэна лэн манушэ́нгэ адя́кэ, со ёнэ дэнапэ дукха́ хохаибнастыр и лэ́нгирэ шарибнастыр. Нэ Мэ на бичхадём лэн, и Мэ на припхэндём лэ́нгэ тэ кэрэ́н, и ёнэ сарэ́са на янэ́на ни саво́ лачхипэ́н кадалэ́ манушэ́нгэ”, – ракирэ́ла Рай Дэвэ́л.

Ереме́ё 23:26

Сыр ґара́ (длу́гэс) явэ́ла дава́ дро ило́ пророкэнгиро, савэ́ ангилпхэнэна хохаибэ́н лэ́нгирэ илэ́стыр?

Ереме́ё 8:10

Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

Ереме́ё 7:4

На допатян зоралэ́с хоханэ́ лавэнгэ, со пхэнэ́на: ‘Дава́ исын Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́.’

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Ереме́ё 4:10

И пхэндём тэды Мэ, Ереме́ё: “Ах, Дэ́вла, Раё-Дэвлалэ! Нау́што Ту залыджиян дрэ фротыма кадалэ́ манушэ́н Ерусалимо́стыр, пхэни́: ‘Тумэ́ндэ явэ́ла рама́нё!’ Нэ ке́ли чачунэ́с курта́ла исын пашы́л лэ́нгирэ дия́.”

Isajos 30:10

Савэ ракирэ́на одолэ́нгэ, кон дыкхэ́ла чачипэ́н: “Пириячэн тэ дыкхэ́н!”, – а кэ проро́ки: “На ангилпхэнэн амэ́нгэ чачипэ́н, ракирэ́н амэ́нгэ лачхэ́ лава́.

Isajos 59:4

Нико́н на ґаздэ́ла пэ́скири зан пал чачипэ́н, нико́н пал чачипэ́н на заджа́ла (на затэрдёла); лэ́нгири наде́я исын хоханы; ёнэ хохавэна; ёнэ лэ́на тэ кэрэ́н фуипэ́н и налачхэ́ рэ́нды янэ́на палэ.

Ереме́ё 28:15

И пхэндя́ проро́ко Ереме́ё кэ проро́ко Анания: “Шун акана́, Анания: Рай Дэвэ́л на бичхадя́ тут, нэ ту кэрэ́са адя́кэ, соб (кай) адалэ́ мануша́ тэ патя́н дро хохаибэ́н.

Ереме́ё 13:25

Дава́ исын тумари́ до́ля, бажын, сави́ Мэ выкэдыём (дыём) тумэ́нгэ, пал-дова́ со тумэ́ бистырдэ Ман и зоралэ́с допатяндынэ дро хохаибэ́н.