Ереме́ё 7:10 - Библия - Пэ Балтитко Романи чиб (Романэс) 2019

¹⁰ и тэ́ньчи тумэ́ явэ́на и тэрдёна анги́л Ма́ндэ дро кхэр, савэ́скэ дынэ́ тумэ́ Миро лав, и тумэ́ пхэнэ́на: ‘Амэ сам зракхнэ́, соб (кай) и дурэды́р тумэ́ тэ кэрэ́н далэ́ джунгалэ́ рэ́нды?

Biblija - Pe Baltitko Romani čib (Romanes) 2019

¹⁰ i tén'či tumé javéna i terdjona angíl Mánde dro kher, savéske dyné tumé Miro lav, i tumé phenéna: ‘Ame sam zrakhné, sob (kaj) i duredýr tumé te kerén dalé džungalé réndy?

Ереме́ё 7:10 Referans Kwoze

Ереме́ё 32:34

И ёнэ аж чхудэ́ пэ́скирэ джунгалэ́ (брыдка) и́долы дро Миро кхэр, савэ́скэ лав Миро сыс дыно́, соб (кай) тэ магирэ́н лэс.

Езэкилё 23:39

Пал-дова́ со, ке́ли ёнэ мулякирэнас пэ́скирэ чхаворэ́н ваш лэ́нгирэ и́долы, пэ кодова́ жэ дывэ́с явэ́нас ёнэ пэ Миро свэ́нто штэ́то, соб (кай) тэ магирэ́н лэс, акэ, сыр ёнэ кэрэ́нас машкира́л Миро кхэр!

Езэкилё 23:37

Пал-дова́ со ёнэ кэрэ́нас биладжаипэ́н, и рат исын пэ лэ́нгирэ васта́: ёнэ кэрэ́нас биладжаипэ́н пэ́скирэ идолэнца, и аж янэ́нас сыр свэ́нто дыибэ́н пэ́скирэ чхавэ́н, савэ́н ёнэ бияндлэ (лотькирдэ) ваш Ма́нгэ, и чхувэ́нас лэн дрэ яг, соб (кай) и́долы тэ хан лэн.

Ереме́ё 34:15

Тэ́ньци явдя́ дывэ́с наґара и тумэ́ рисинэ́ кэ Мэ, и кэрдэ́ чачунэ́с анги́л Мирэ́ якха́ – кажно (сва́ко) ману́ш тумэ́ндыр тэ пхэнэ́л анги́л сарэ́ндэ пал вольныма пэ́скирэ пашатунэскэ (суседоскэ/котарискэ) и тумэ́ счхудэ заве́то анги́л Ма́ндэ дро Миро Кхэр, саво́ кхарэ́лапэ Мирэ́ Лавэ́са.

Ереме́ё 7:30

Пал-дова́ со мануша́ Юдэя́тыр кэрдэ́ биба́хт пэ Мирэ́ якха́’, – ракирэ́ла Рай Дэвэ́л, – ‘ёнэ чхудэ́ пэ́скирэ джунгалэ́ и́долы дро кхэр, со исын кхардо пир Миро лав, соб (кай) тэ магирэ́н лэс.

Ереме́ё 7:14

палдава́ Мэ кэра́ва далэ́ Мирэ́ кхэрэса, савэ́скэ тумэ́ зоралэ́с допатяна, и штэтоса, со Мэ дыём тумэ́нгэ и тумарэ́ дадэ́нгэ, дова́-паць, сыр Мэ кэрдём Силомоса.

Ереме́ё 7:11

Ци со, Миро кхэр, савэ́скэ тумэ́ дынэ́ Миро лав, яця́ виртаса (вертепоса) прахарьенгэ анги́л тумарэ́ якха́? Акэ, Мэ дыкхцём дава́”, – ракирэ́ла Рай Дэвэ́л.

Joannostir 18:28

Каиафастыр лыджинэ́ Исусо́с дрэ Римоскири претория; дава́ сыс зло́ко (ра́нко). И ёнэ на гинэ́ дро кхэр, соб (кай) тэ на магирэнпэ, тэды ёнэ на могинэ́нас тэ свэнкинэн Патради́.

Joannostir 13:18

Мэ на пал сарэ́ндэ тумэ́нгэ ракира́ва. Мэ джино́м (джина́в) одолэ́н, савэ́н Мэ выкэдыём; нэ мэк тэ сполнинэ́лпэ Свэ́нто Чхиныбэ́н: Одова́, кон ха́ла маро́ кхэтанэ́ Ма́нца, ґаздыя́ ґэро́й пэ Ма́ндэ.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Езэкилё 23:29

Ту дыкхэ́са лэ́нгири бари холы́, ёнэ залэна ту́тыр саро́ миштыпэ́н, пал саво́ ту пхарэ́с кэрдя́н буты́, ёнэ мэкэ́на тут, со ту явэ́са нанги, научхакирды. И явэ́ла откэрдо тыро́ нангипэ́н, тыро́ биладжакуно рэ́ндо, тыро́ биладжакиро грэ́хо.

Езэкилё 20:39

А тумэ́, Израилёскиро кхэр, – адя́кэ ракирэ́ла Рай Дэвэ́л, Дэвэ́л, джа́н кажно (сва́ко) кэ пэ́скирэ и́долы, дынаринэ́н (служынэн) лэ́нгэ, ко́ли Ман на шунэ́на, нэ на магирэ́н бутэды́р Миро свэ́нто лав тумарэ́ дарэнца и тумарэ́ идолэнца.

Isajos 48:2

Ёнэ пхэнэ́на, со ёнэ исын свэнтонэ́ форо́стыр, со Дэвэ́л Израилёскиро, Конэ́скиро лав исын Рай Дэвэ́л, болыбна́скирэ-янголэ́нгиро, подрикирэ́ла лэн.

2 Паралипоменоно 33:7

И чхудя́ ёв вычхиндло идоло, саво́ кэрдя́, дро Ра́скирэ-Дэвлэ́скиро Кхэр, пал савэ́стэ ракирдя́ Дэвэ́л Давидо́скэ и Соломоно́скэ, лэ́скирэ чхавэ́скэ: “Дро дава́ Кхэр и дро Ерусалимо, саво́ Мэ выкэдыём сарэ́ Израилёскирэ родыцэндыр, Мэ чхува́ва Миро лав пэ ве́ко;

2 Паралипоменоно 33:4

и кэрдя́ ёв алта́ри дро Ра́скирэ-Дэвлэ́скиро Кхэр, пал саво́ пхэндя́ Рай Дэвэ́л: “Дро Ерусалимо явэ́ла Миро лав пэ ве́ки”;

4 Kralip 21:4

И кэрдя́ алта́ри дрэ Ра́скирэ-Дэвлэ́скиро Кхэр, пал саво́ пхэндя́ Рай Дэвэ́л: “Дро Ерусалимо чхува́ва Мэ Миро лав.”

Езэкилё 33:31

Ёнэ явэ́на кэ ту сыр пэ манушэ́нгири скэдыны (сходка): бэшэна анги́л тыро́ муй, Миро народо, шунэ́на Тырэ́ дава́, нэ ёнэ на дживэ́на пир лэ́ндэ. Ёнэ сы́рбы кхэлэнапэ лэ́нца дрэ пэ́скирэ ушта́; лэ́нгиро ило́ тырдэлпэ пал барвалыпэ́н.

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Ереме́ё 44:9

Ци бистырдэ тумэ́ фуипэ́н тумарэ́-дадэ́нгиро, фуипэ́н кралье́нгиро Юдэя́тыр, фуипэ́н лэ́нгирэ-ромненгиро до-са́мо фуипэ́н, со тумэ́ кокорэ́ кэрдэ́, и фуипэ́н, со тумарэ́ джувля́ кэрдэ́ пэ пхув Юдэякири и пэ вули́цы (га́сы) дро Ерусалимо.

Езэкилё 33:25

Палдава́ пхэн лэ́нгэ: Адя́кэ ракирэ́ла Рай Дэвэ́л, Дэвэ́л: “Тумэ́ ха́на ратэ́са, и газдэна тумарэ́ якха́ кэ тумарэ́ и́долы, чхувэ́на рат, и камэ́на, соб (кай) ада́я пхув тэ явэ́л тумари́?”

Дание́лё 9:18

Причху́в, миро Дэ́вла, кан Тыро́ и шун, откэр Тырэ́ якха́ и дыкх пэ амарэ́ чхучипэна и пэ фо́ро, саво́ кхардо пир лав Тыро́; пал-дова́ со амэ кэдасам амарэ́ мангипэна анги́л Ту́тэ, амарэ́ чачунэ́ рэ́нды, нэ пир Тыри́ бари лачхэ́-илы́ткима.

Osija 6:9

Сыр розмарибнарья [розмарибнытко шайка-ю.о.], кон подракхэла манушэ́с тэ замарэ́л, адя́кэ-паць и кампания рашангири запасёла тэ замарэ́л пир дром кэ Сехэмо; чачэс, ёнэ кэрэ́на стэтка (джунгалэ́) рэ́нды.

Amoso 4:5

янэ́н свэ́нта дыибэна́ парикирибнаса пэ рошчына, подэн звесь (зан) и дэн тэ джинэ́н сарэ́нгэ пал во́льно яныбэ́н: дава́ исын пир ило́ тумэ́нгэ, чхавэ́ Израилёскирэ”, – ракирэ́ла Рай Дэвэ́л.

Софония 1:5

и кодолэ́н, кон кэрэ́ла паты́в кодолэ́нгэ, савэ́ исын дро болыбнытко свэ́то, пэ кхэрэ́скирэ фе́ли (макушки), и кодолэ́н, савэ́ кэрэ́на паты́в Ма́нгэ, Ра́скэ-Дэвлэ́скэ и совлахана Мирэ́ лавэ́са, и савэ́ адя́кэ-паць совлахана Молохоса;

Малахия 3:15

И акана́ амэ дыкхаса и ракираса, со пхутькирдэ́ мануша́ исын бахталэ́, пал-дова́ со одолэ́, кон кэрэ́ла злыднима (фуипэ́н), дживэ́на фэды́р дывэ́с дывэсэ́стыр, и, чачо́, кодолэ́, савэ́ пропатякирэна Дэвлэ́с, ячэ́напэ джидэ́ [бидошакирэ-ю.о.].’”

3 Kralip 9:3

И пхэндя́ лэ́скэ Рай Дэвэ́л: “Мэ шундём па́тери (моли́тва) тыри́ и мангипэ́н тыро́, пал со ту мангдян Ман. Мэ обсвэнцындём дая́ Кхангири́, сави́ ту кэрдя́н, соб (кай) тэ явэ́л лав Миро одо́й дро ве́ко; и явэ́на якха́ Мирэ́ и ило́ Миро одо́й дрэ сарэ́ дывэса́.

Езэкилё 5:11

Палдова́, – “Тэ джива́в Мэ, – ракирэ́ла Рай Дэвэ́л, Дэвэ́л. – “Пал дова́, со ту магирдян Миро свэ́нто штэ́то сарэ́ пэ́скирэ джунгалыпнаса, и сарэ́ тырэ́ накуч рэндэ́нца Мэ кэра́ва тут тыкнэса, и на потангинэла тут Мири́ якх, и Миро ило́ на ковлёла пэ ту́тэ.