Ереме́ё 51:3 - Библия - Пэ Балтитко Романи чиб (Романэс) 2019

³ Мэк тэ одтырдэл карье́-дыибнаскиро пэ́скиро лу́ко проти явирэ́стэ, мэк тэ барьякирэл пэс одова́, конэ́стэ исын саструно колы́н (кольчуга) анги́л явирэ́стэ. На жалинэн (тангинэн) лэ́скирэ тэрнэ́ манушэ́н; хасякирэ́н саро́ лэ́скиро халадыбэ́н.

Biblija - Pe Baltitko Romani čib (Romanes) 2019

³ Mek te odtyrdel kar'jé-dyibnaskiro péskiro lúko proti javiréste, mek te barjakirel pes odová, konéste isyn sastruno kolýn (kol'čuga) angíl javiréste. Na žalinen (tanginen) léskire terné manušén; xasiakirén saró léskiro xaladybén.

Ереме́ё 51:3 Referans Kwoze

Ереме́ё 50:14

Тэрден тумэ́ тэ марэ́нпэ проти Вавило́но, трусця́л лэ́стэ, сарэ́, савэ́ одтырдэна лу́ко; дэн карье́ дрэ лэ́стэ, на тангинэн (на жалинэн) бустя́, пал-дова́ со ёв кэрдя́ грэ́хо (бизо) проти Растэ-Дэвлэ́стэ.

Ереме́ё 46:4

Дэн андрэ́ и бэшэ́н уклистэ́, халадэ́ пэ грэ́ндэ! Тэрдён анги́л дрэ пэ́скирэ шлёмы, дэн чол (войстринэн) чхурдыпнытка бустя́, урьен пэ пэ́стэ саструно колынд.

Ереме́ё 50:21

‘Джа́н проти пхув Мэратаим и конэскирэ мануша́ гинэ́ криг дромэ́стыр. Чхучакир (пустошын) и розмар сарэ́са лэн, – ракирэ́ла Рай Дэвэ́л, – ‘и кэр саро́, со Мэ припхэндём ту́кэ.

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

Ереме́ё 50:27

Чхинэн сарэ́ ла́кирэ гурувэ́н: мэк ёнэ сарэ́ тэ джа́н тэл чхури! Бида пэ лэ́ндэ! Лэ́нгиро дывэ́с явдя́, соб (кай) лэн пхарэ́с тэ сэндякирэн.

Ереме́ё 9:21

Пал-дова́ со мэрибэ́н джа́ла пирда́л амарэ́ фэншры и джа́ла дрэ амарэ́ фэлатиня́ тэ мулякирэ́л амарэ́ чхаворэ́н пэ ґасы (вули́цы), и тэрнэ́ манушэ́н пэ форуны́ (пло́шча) дро фо́ро.

Psalmy 137:9

тэ явэ́л бахтякирдо́ одова́, кон ухтылэ́ла тумарэ́ тыкнэн и тэ пхаравэл лэн пир бара́.

Яви́р Зако́но 32:25

яври́ явэ́ла тэ хасякирэ́л лэн курта́ла, а дрэ кхэра́ дар – и тэрнэ́ чхавэ́с, и патываля чха, и колынытконэ биято́с, и сывонэ пхурэс.

Ереме́ё 51:53

На дыкхи́ пэ дава́, со Вавило́но ґаздэласпэ кэ болыбэ́н, и на дыкхи́ пэ дава́, со ёв зоралякирэлас пэ́скири вучи́ ва́нта, нэ сарое́кх (усае́кх) мижэх чора явэ́на кэ ёв Ма́ндыр” – ракирэ́ла Рай Дэвэ́л.