Ереме́ё 51:2 - Библия - Пэ Балтитко Романи чиб (Романэс) 2019

² И Мэ бичхава́ва пэ Вавило́но манушэ́н, савэ́ балвалякирэна фо́ро и ёнэ выбалвалякирэна лэс, и чхучакирэна лэ́скири пхув: пал-дова́ со дро дывэ́с, сыр явэ́ла биба́хт (би́да), ёнэ сарэ́ явэ́на проти лэ́стэ [сарэ́ ригэ́ндыр-р.с.].

Biblija - Pe Baltitko Romani čib (Romanes) 2019

² I Me bičhaváva pe Vavilóno manušén, savé balvaliakirena fóro i jone vybalvaliakirena les, i čhučakirena léskiri phuv: pal-dová so dro dyvés, syr javéla bibáht (bída), jone saré javéna proti léste [saré rigéndyr-r.s.].

Ереме́ё 51:2 Referans Kwoze

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Ереме́ё 15:7

И Мэ росчхурдава лэн веелоса (барэ́ лопатаса) пал по́рты пэ пхув; и Мэ ла́ва криг сарэ́са лэ́нгирэ чхаворэ́н, и Мэ хасякира́ва Мирэ́ манушэ́н: пал-дова́ со ёнэ на рисёна пэ́скирэ дромэндыр.

Isajos 41:16

Ту явэ́са тэ пирикэдэс (тэ веинэс) лэн пэ балва́л, и балва́л лыджа́ла криг лэн, и рискирибнаскири балва́л сыр вихро роспхурдэла лэн, ту явэ́са древа́н тэ радынэспэ пал Растэ-Дэвлэ́стэ, и ту явэ́са барикано (тэ шарэспэ) Свэнтонэса Израилёса.

Езэкилё 5:12

Три́то паш ту́тэ мэрэ́ла фуендыр (язвэндыр) и хасёла бокха́тыр машки́р ту́тэ; три́то паш явэ́ла за-марды куртала́са пашы́л тыро́ фо́ро, а три́то паш Мэ роспхурдава пир сарэ́ балваля и Мэ вытырдава (дорэсава) пал лэ́ндэ курта́ла тэ традавпэ.

Ереме́ё 50:32

Най пхутькирдэ́ обштавэнапэ (обстэмпинэнапэ) и пэрэ́на, и ние́кх наґаздэла пэс. Мэ росхачкирава яг дрэ лэ́скирэ фо́рья, и ёй похала саро́ трусця́л лэ́стэ.’

Ереме́ё 50:29

Кхарэ́н кхэтанэ́ сарэ́ карье́-дыибнаскирэн пэ лу́ко проти Вавило́но. Тэрдён кхэтанэ́ (табороса) сарэ́ трусця́л, кон одтырдэла лу́ко: соб (кай) ние́кх тэ на кэрэ́лпэ никай. Кэрэ́н чорипэ́н палэ лэ́скэ пир дова́, сыр ёв кэрдя́; пал сари́ лэ́скири буты́, со ёв кэрдя́, кэрэ́н и тумэ́ адя́кэ-паць лэ́скэ. Пал-дова́ со ёв яця́ пхутькирдо проти Растэ-Дэвлэ́стэ, проти Свэ́нто Израилё.

Isajos 43:14

Адя́кэ ракирэ́ла Рай Дэвэ́л, Саво́ выкиндя (выракхця) тумэн, Свэ́нто Израилёскиро: “Ваш тумэ́нгэ Мэ бичхадём кэ Вавило́но, роспхагирдём саро́, со сыс закэрдо и Халдеен, савэ́ сыс пхутькирдэ́ пэ́скирэ пармэнца (корабленца).