Ереме́ё 5:13 - Библия - Пэ Балтитко Романи чиб (Романэс) 2019

¹³ И проро́ки ячнэ́ [ячэ́на-р.с.] сы́рбы балва́л и нанэ лав лэ́ндэ Ра́стыр-Дэвлэ́стыр. Лэ́нца явэ́ла дова́-паць, со и амэ́нца.”

Biblija - Pe Baltitko Romani čib (Romanes) 2019

¹³ I proróki jačné [iačéna-r.s.] sýrby balvál i nane lav lénde Rástyr-Devléstyr. Lénca javéla dová-pac', so i aménca.”

Ереме́ё 5:13 Referans Kwoze

Ереме́ё 14:15

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ ангилпхэнэна Лэ́скирэ лавэ́стыр, савэ́н Ёв на бичхадя́, и савэ́ ракирна: ‘Курта́ла и бари бокх на явэ́на пэ кадая́ пхув’: Кадалэ́ проро́ки хасёна куртала́тыр и барэ́ бокха́тыр!

Ереме́ё 14:13

Нэ мэ пхэндём: “О, Раё Дэ́вла, Дэвлалэ! Ѓа́да, проро́ки ракирэ́на лэ́нгэ: ‘Тумэ́ на дыкхэ́на курта́ла, ни бари бокх, пал-дова́ со Ту дэ́са чачуно́ рама́нё пэ дава́ штэ́то.

Ióvo 8:2

“Сыр ґара́ ту явэ́са тэ ракирэ́с адя́кэ? И тырэ́ лава́, со ту ракирэ́са, исын сы́рбы зоралы́ балва́л?

Osija 9:7

Явнэ́ дывэса́ тэ дыкхэ́н лэн, явнэ́ дывэса́ ваш сэ́ндо: ту, Израиле, явэ́са тэ джинэ́с пал дава́! О магико исын на барэ-годя́киро; а ману́ш, саво́ россэндякирэлас дро ду́хо (фа́но), исын бигодякиро, пир дова́, со древа́н хор исын тыро́ чорипэ́н, и древа́н зорало́ исын тыро́ намалыпэн (врогима).

Ереме́ё 28:3

Пир дуй бэрш Мэ яна́ва палэ пэ дава́ штэ́то сарэ́ кхорэ́ (сасу́ды), Ра́скирэ-Дэвлэ́скирэ Кхангирья́тыр, савэ́ о Навуходоносо́ро, кра́ли Вавилоно́скиро, лыя́ криг кадалэ́ штэто́стыр и лыджия́ кэ Вавило́но.

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Ióvo 6:26

Ци тумэ́ придуминэна, соб (кай) тэ бангякирэн ман дрэ лава́, джинэ́н – балвалитка исын манушэ́скирэ лава́, конэ́скэ исын пхаро́.

2 Паралипоменоно 36:16

Нэ ёнэ сандлэпэ напатывалэс (здикиндлэпэ) Дэвлэ́скирэ бичхаибнаскирэндыр, и на шундлэ́ Лэ́нгирэ лава́, и кошнэпэ пэ Лэ́скирэ пророкэ́ндэ, пака згия Ра́скирэ-Дэвлэ́скири холы́ пэ Лэ́скирэ манушэ́ндэ адя́кэ, со на сыс лэ́скэ зракхибэ́н.

Pritčy 25:14

Сыр о́блоки и балва́л исын бибрышындэскирэ, адя́кэ-паць исын одова́, саво́ шарэлапэ, со ёв дэ́ла хохано́ да́ро.

Isajos 41:29

Чачэс, ёнэ сарэ́ ничы́ на мол; лэ́нгирэ бутя́ нисо́, а лэ́нгирэ выбиладэ муя́ (истуканы), исын балва́л и чхучипэн.

Ереме́ё 22:22

Балва́л явэ́ла тэ выпхурдэл сарэ́н тумарэ́ чхупнарьен, и тумарэ́ мала́ джа́на дро пле́но; тэды, чачэс, тумэ́ явэ́на ладжакирдэ́ и пхагирдэ́ дрэ пэ́скири годы́ пал сари́ тумари́ биба́хт [сарэ́ тумарэ́ бибахталэ́ рэ́нды-р.с.].

Ереме́ё 43:2

то Аза́рия, чхаво́ Осаияскиро (Госаияскиро); Иоханано, чхаво́ Кареёскиро и сарэ́ пхутькирдэ́ мануша́, пхэндлэ́ Еремеёскэ: “Ту ракирэ́са начачипэ́н! О Рай Дэвэ́л, амаро́ Дэвэ́л, на бичхадя́ тут тэ пхэнэ́с: ‘На джа́н кэ Еги́пто тэ дживэ́н одо́й!’