Ереме́ё 5:1 - Библия - Пэ Балтитко Романи чиб (Романэс) 2019

¹ Джа́н упрэ́ и тэлэ́ пир вули́цы (га́сы) дро Ерусалимо, и дыкхэ́н акана́, и доджинэнпэ, и родэ́н пэ англунэ штэ́ты дро фо́ро, ци тумэ́ дэ́на ра́да тэ латхэ́н екхэ манушэ́с, соб (кай) ёв тэ кэрэ́л саро́ пир чачипэ́н, ци, саво́ тэ родэ́л патяибэ́н, и, – ‘Мэ отмэкавас банг Ерусалимоскэ’, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

¹ Džán upré i telé pir vulícy (gásy) dro Jerusalimo, i dykhén akaná, i dodžinenpe, i rodén pe anglune štéty dro fóro, ci tumé déna ráda te lathén jekhe manušés, sob (kaj) jov te kerél saró pir čačipén, ci, savó te rodél patiaibén, i, – ‘Me otmekavas bang Jerusalimoske’, – rakiréla Raj Devél.

Ереме́ё 5:1 Referans Kwoze

Езэкилё 22:30

Родыём Мэ лэ́ндэ манушэ́с саво́ чхувэлас ва́нта и тэрделас дро пропхагирибэн анги́л Ма́ндэ пал дая́ пхув, соб (кай) Мэ тэ на распхагирав ла, нэ Мэ налатхём.

2 Паралипоменоно 16:9

пал-дова́ со якха́ Ра́скирэ-Дэвлэ́скирэ обдыкхэна сари́ пхув, соб (кай) тэ подрикирэс одолэ́н, конэ́скиро ило́ сарэ́са отдыно́ Лэ́скэ. Нагодьварэс ту кэрдя́н акана́. Палдава́ далэ́ дывэсэ́ндыр явэ́на ту́тэ марибэна.”

Isajos 59:4

Нико́н на ґаздэ́ла пэ́скири зан пал чачипэ́н, нико́н пал чачипэ́н на заджа́ла (на затэрдёла); лэ́нгири наде́я исын хоханы; ёнэ хохавэна; ёнэ лэ́на тэ кэрэ́н фуипэ́н и налачхэ́ рэ́нды янэ́на палэ.

Psalmy 14:3

Сарэ́ гинэ́ криг чачэ́ дромэ́стыр, ёнэ сарэ́ ячнэ́ чорэ́ мануша́: нанэ ние́кх, кон кэрэ́ла пир чачипэ́н, нанэ ни екхорэс!

Pritčy 20:6

Бут исын мануша́, савэ́ роспхэнэна сарэ́нгэ пал лэ́нгиро лачхипэ́н, нэ кон латхэ́ла патяибнытконэ манушэ́с?

Psalmy 12:1

Хоро́скирэ Дирижоро́скэ. Пэ балытка Струме́нты. Давидо́скиро Пса́лмо.

2 Фесалоникийцэнгэ 2:10

ёв явэ́ла сарэ́ хохаибнаса ваш манушэ́нгэ, савэ́ хасёна пал дова́, со ёнэ на прилынэ́ чачуны́ паты́в ваш пэ́скиро зракхибэ́н.

Luka 14:21

И явдя́ писха́ри кхэрэ́ и пирипхэндя сарэ́ лава́ хула́скэ. Тэды кхэрэ́скиро хула́й пхэндя́ дрэ холы́ писхари́скэ: ‘Джа́н пир барэ́ вули́цы (га́сы) и гасыцы, и ян адари́к чорорэн, калекэн, лангалэн и корорэн’.

Заха́рия 2:4

И пхэндя́ ёв адалэскэ: “Джа́ сыгэды́р, пхэн адалэ́ тэрнэскэ: ‘Ерусалимо бичхавэ́ла пэ́скирэ манушэ́н пэ пхувья́ пашы́л фо́ро, пал-дова́ со древа́н бут исын дрэ лэ́стэ манушэ́н и бут кхэритконэ́ мурдалэ́н (ското).

Amoso 8:12

И мануша́ явэ́на тэ псирэ́н екхэ морёстыр (дэрьявэстыр) кэ яви́р, паш-ратитконэ́ (севернонэ) рига́тыр кэ васто́ко; ёнэ явэ́на тэ прастан одори́к и палэ тэ родэ́н лав Ра́скирэ-Дэвлэ́скиро, и ёнэ на латхэ́на лэс.”

Ioil 2:9

Ёнэ праста́на одори́к и палэ пир фо́ро; ёнэ ґаздэ́напэ пэ ва́нты прастаиндой: ёнэ зарэсэна дрэ кхэра́, ёнэ заджа́на дрэ кхэра́ пир фэнштры сыр чор.

Дание́лё 12:4

Нэ ту, Даниеле, гарав далэ́ лава́ и запечатын лылвари́ кэ палатуно́ (последнё) часо; бут мануша́ прогинэна ла, и явэ́ла тэ барьёл джиныбэ́н.”

Гиленгири (Соломоно́скири) Гилы́ 3:2

Мэ уштава фэды́р и обпрастава фо́ро, вули́цы (га́сы) и штэ́ты, кай мануша́ кэдэнапэ; мэ ява́ва тэ родав лэс, кэ саво́ миро ди притырдэла; мэ родыём лэс, нэ мэ на латхём (ластём) лэс.

Pritčy 23:23

Кин (дорэс) патяибэ́н, и на отдэ́ лэс никонэ́скэ; адя́кэ-паць годыпэ́н, сыклякирибэ́н и ґалыибэ́н.

Pritčy 8:3

Годыпэ́н дэ́ла го́дла портатыр (вратэндыр), сыр тэ джас андрэ́ дро фо́ро, ке́ли джа́са пирда́л вуда́р:

3 Kralip 19:10

Ёв пхэндя́: “Захачиём мэ пал Растэ-Дэвлэ́стэ пал болыбна́скирэ-янголэнгирэстэ; пал-дова́ со чхавэ́ Израилёскирэ мэкнэ́ Тыро́ заве́то, алта́ри Тырэ́ роспхагирдэ́ и замардэ́ Тырэ́ пророкэ́н куртала́са; и мэ яцёмпэ екхджино́, нэ ёнэ родэ́на тэ отлэн миро джиибэ́н.”

Ереме́ё 2:29

Со́скэ тумэ́ явэ́на тэ чингардэнпэ Ма́нца? Сарэ́ тумэ́ кэрдэ́ грэ́хо проти Ма́ндэ!’ – пхэндя́ Рай Дэвэ́л.

Ереме́ё 44:15

Тэ́ньци сарэ́ мурша́, савэ́ джиндлэ́, со лэ́нгирэ ромня́, хачкирдэ́ дро́га смо́лы явирэ дэвлорэ́нгэ, и сарэ́ джувля́, кон сыс тэрдэ́ пашы́л, бут лэн, и сарэ́ мануша́, савэ́ дживдэ́ пэ пхув Египто́скири кэ Пафросо, отпхэндлэ́ Еремеёскэ и пхэндлэ́:

Psalmy 14:2

Рай Дэвэ́л дыкхця́ болыбна́стыр пэ манушэ́скирэ чхавэ́ндэ тэ дыкхэ́л, ци исын вари-кон, саво́ ґалёла и родэ́ла Дэвлэ́с.

Psalmy 94:16

Кон явэ́ла тэ затэрдёл пал ма́ндэ анги́л одолэ́ндэ, савэ́ кэрэ́на чорипэ́н? Кон явэ́ла тэ рикирэ́л мири́ риг проти одолэ́ндэ, савэ́ кэрэ́на бэда рэ́нды (злыднитка де́лы)?

Ереме́ё 8:6

Мэ пришундёмпэ и на шундём, со ёнэ ракирэ́на чачипэ́н. Нико́н лэ́ндыр на приґалыя пэ́скиро фуипэ́н, соб (кай) тэ пхэнэ́л: ‘Со ж да мэ кэрдём?’ Кажно лэ́ндыр рисёла чачипнастыр пэ́скирэ дромэ́са сы́рбы грай, саво́ чхурдэлапэ пэ марибэ́н.

Ереме́ё 9:2

О, тэ явэ́л Ма́нгэ штэ́то пэ чхучи́ пхув сыр дромэскирэскэ (путникоскэ), соб (кай) Мэ могинавас тэ мэкав Мирэ́ манушэ́н, и тэ джав пэ́скэ лэ́ндыр. Ёнэ сарэ́ исын биладжаипнарья, биладжаипэ́н-кэрибнаскирэ (прелюбодеи), ёнэ исын скэдынэ́ ваш здыибнаскирэ манушэ́нгэ.

Ереме́ё 9:7

‘Палдава́ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ билякирава лэн и Мэ спробинава лэн; пал-дова́ со ишчо (инкэ́) Ма́нгэ тэ кэра́в мирэ́-манушэ́нгирэ чхаса?

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”