Ереме́ё 48:10 - Библия - Пэ Балтитко Романи чиб (Романэс) 2019

¹⁰ “Тэ явэ́н прокошыбэна (арманя) пэ кодолэстэ, кон кэрэ́ла Ра́скирэ-Дэвлэ́скири буты́ биилэскиро, тэ явэ́л прокошыбэ́н пэ кодолэстэ, кон обрикирэла Пэ́скири курта́ла ратэстыр!

Biblija - Pe Baltitko Romani čib (Romanes) 2019

¹⁰ “Te javén prokošybena (armania) pe kodoleste, kon keréla Ráskire-Devléskiri butý biileskiro, te javél prokošybén pe kodoleste, kon obrikirela Péskiri kurtála ratestyr!

Ереме́ё 48:10 Referans Kwoze

3 Kralip 20:42

И пхэндя́ лэ́скэ: “Адя́кэ ракирэ́ла Рай Дэвэ́л: ‘Пал-дова́ со ту домэкцян, соб (кай) ги́ян пэ́скэ ману́ш тырэ́ вастэ́ндыр, савэ́с Мэ отдыём пэ хасибэ́н, то тыро́ джиибэ́н джа́ла пал лэ́скиро джиибэ́н, а тырэ́ мануша́ джа́на пал лэ́скирэ манушэ́ндэ.’”

1 Kralip 15:3

какана́ джа́ и домар Амаликос, и вымар саро́, со лэ́стэ исын; и на тангинэ (жалин) лэс, нэ отдэ́ мэрибна́скэ ромэстыр кэ ромны́, тэрнэ́ манушэ́стыр кэ колынытко тыкномас, гурувэстыр кэ бакри, верблюдостыр кэ о́сло (мега́ри).’”

Сэндарьенгири Лылвари́ 5:23

Прокошэн (кэрэ́н арманя) Мерозос, ракирэ́ла Дэвлэ́скиро Янго́ло, прокошэн, прокошэн лэ́скирэ манушэ́н пал дова́, со на явнэ́ Ра́скэ-Дэвлэ́скэ тэ подэн васт Ра́скэ-Дэвлэ́скэ муршканэнца.

4 Kralip 13:19

И холя́сыя пэ лэ́стэ Ра́скирэ-Дэвлэ́скиро ману́ш, и пхэндя́: “Трэиндя́ тэ марэс пандж, ци шов мо́лы; тэды ту домарэсас Сириянэн сарэ́са, а акана́ фэ́ни трин мо́лы домарэса Сириянэн.”

1 Kralip 15:9

Нэ Са́уло и мануша́ потангиндлэ Агагас, и фэдыршонэ бакрэ́ндыр и гурувэндыр, и тхулэн бакрорэ́н, и саро́ фэдыршо, и на камлэ́ тэ марэ́н, а сарэ́ вешча (вешчы), со на маинэна бари зна́чыма и налачхэ́, ёнэ вымардэ.

Ереме́ё 50:25

Мэ, Рай Дэвэ́л, откэрдём Мири́ пиралы́, и Мэ лыджиём яври́ марибны́тка. Мирэ́ холя́тыр – пал-дова́ со Мэ, Сарэзорья́киро Рай Дэвэ́л, болыбна́скирэ-янголэ́нгиро, лыджа́ва Мири́ буты́ пэ пхув Халдее́нгири.

Ереме́ё 47:6

О, курта́ла Ра́скирэ-Дэвлэ́скири? Сыр ґара́ (длу́гэс) ту на явэ́са тэ пасёс тихо (штылёс)? Рисёв палэ дрэ пэ́скири ножна? Пирияч (откхинёв) и яв штыл!

3 Kralip 20:39

Ке́ли кра́ли традэлас пашы́л, то ёв дыя́ го́дла крали́скэ и пхэндя́: “О писха́ри тыро́ гия́ пэ марибэ́н, и, акэ, екх ману́ш отгия́ дрэ риг, лыджия́ кэ мэ, манушэ́с и пхэндя́: “Ракх адалэ́ манушэ́с; ко́ли тэ на явэ́л ёв, то тыро́ джиибэ́н явэ́ла пал лэ́скиро джиибэ́н, ци ту явэ́са банго́ тэ ублавэс таланто руп.

3 Kralip 20:40

Ке́ли писха́ри тыро́ залыяпэ одолэ́ и яви́р рэндэ́нца, то ёв хасия́.” И пхэндя́ лэ́скэ кра́ли Израилёскиро: “Дасаво и сэ́ндо исын ту́кэ: ту кокоро́ сэндякирдян пэс.”

Ереме́ё 11:3

И пхэн лэ́нгэ: ‘Адя́кэ ракирэ́ла, Рай Дэвэ́л, Израилёскиро Дэвэ́л: ‘Тэ явэ́н прокошыбэна (арманя) пэ манушэ́стэ, саво́ на шунэ́ла лава́ заветостыр.

Ереме́ё 47:7

Нэ сыр ёй могинэ́ла тэ пириячэл (откхинёл)? – Ко́ли Рай Дэвэ́л припхэндя́ проти Аскалоно и проти брэ́го морёскиро (дэрьявэ́скиро)? Одо́й Ёв припхэндя́ курталакэ тэ чингирэл.”

Ереме́ё 50:27

Чхинэн сарэ́ ла́кирэ гурувэ́н: мэк ёнэ сарэ́ тэ джа́н тэл чхури! Бида пэ лэ́ндэ! Лэ́нгиро дывэ́с явдя́, соб (кай) лэн пхарэ́с тэ сэндякирэн.

Isúso 10:19

А тумэ́ на тэрдён, а традэ́н тумарэ́ вэргэ́н, и мулякирэ́н палатуны паш лэ́нгирэ халадэндыр, и на дэн лэ́нгэ тэ джа́н дрэ лэ́нгирэ фо́рья; пал-дова́ со Рай Дэвэ́л, Дэвэ́л тумаро́, отдыя́ лэн дрэ тумарэ́ васта́”.