Ереме́ё 47:3 - Библия - Пэ Балтитко Романи чиб (Романэс) 2019

³ Ке́ли явэ́ла шундло лопотымо (топото) пэталэндыр зоралэ́-грэнгирэн, ке́ли явэ́на тэ грукинэн лэ́скирэ марибны́тка вурдэна́, ке́ли явэ́на тэ грыминэн лэ́скирэ ро́ты, со дада́ аж на подыкхэна палэ пэ пэ́скирэ биятэндэ, пир дова́, со лэ́нгирэ васта́ исын бизорья́кирэ.

Biblija - Pe Baltitko Romani čib (Romanes) 2019

³ Kiéli javéla šundlo lopotymo (topoto) petalendyr zoralé-grengiren, kiéli javéna te grukinen léskire maribnýtka vurdená, kiéli javéna te gryminen léskire róty, so dadá až na podykhena pale pe péskire bijatende, pir dová, so léngire vastá isyn bizorjákire.

Ереме́ё 47:3 Referans Kwoze

Ереме́ё 8:16

Дано́скирэ форье́ндыр сыс шундло, сыр дэ́на пырски (храпинэна) вэргэ́нгирэ граё: сари́ пхув издрала лэ́нгирэ-грэнгирэ зорья́тыр, сыр ёнэ ґрымитынэна; и ёнэ явэ́на и похана (знишчынэна) сари́ пхув, и саро́, со исын пэ ла́тэ, и фо́ро, и сарэ́н, савэ́ исын джидэ́ дро дова́ фо́ро.

Сэндарьенгири Лылвари́ 5:22

Тэды пхадинэ грэнгирэ ная (копыты) прастаибнастыр, зоралэ́ лэ́скирэ прастыбнастыр!

Naumo 2:4

Марибны́тка вурдэна́ вурняна годла́са пир га́сы [форуны́/пло́шча-р.с.], ёнэ шпулэна екх екхэ́с и кхарэнапэ екх анги́л явирэ́стэ пэ буґлэ дрома́: ёнэ зяинэна и отмарнапэ яга́са, ёнэ праста́на сы́гэс сыр блискавица.

Ереме́ё 46:9

Бэшэ́н пэ грэ́ндэ, и традэ́н со исын зор марибнытконэ́ вурдэнэнца, и мэк зоралэ́ мурша́ тэ джа́н анги́л: зоралэ́ мануша́, Ефиопляни (Кушытка) и Ливияни (Путитка) мануша́, савэ́ндэ исын шчы́ты, и Лидяни (Лудимитка) мануша́, савэ́ рикирна лу́ко и надтырдэна лэс.

Sykadyipén 9:9

и сыс лэ́ндэ саструнэ́ колына сыр саструнэ́ панцыри, и лопотымо лэ́нгирэ пхакэндыр сыс сыр лопотымо ґаратунэ́ вурдэнэндыр, ке́ли грая праста́на пэ мэрибэ́н;

Ереме́ё 50:42

Ёнэ рикирэ́на лу́ко и пика (лонхо), ёнэ исын бидескирэ, и ёнэ на потангинэна. Лэ́нгири зан исын сыр мо́рё (дэрья́в) брилинэла (шуминэла), ёнэ традэ́на уклистэ́ пэ грэ́ндэ, ёнэ кэдэнапэ тэ марэ́нпэ со кэ екх ману́ш кэ сарэ́ пэ ту́тэ, э чхай Вавилоноскири.

Езэкилё 23:24

Ёнэ явэ́на пэ ту́тэ курталэнца, грэнца, марибнытконэ́ вурдэнэнца, манушэ́нгирэ бутыпнаса; ёнэ явэ́на пэ ту́тэ трусця́л дро марибны́тко урибэ́н, саструнэ́ шчытэнца и дрэ шлёмы, и Мэ отда́ва тут лэ́нгэ пэ сэ́ндо, и явэ́на ёнэ тэ сэндякирэн тут пэ́скирэ сэндоса.

Naumo 2:8

Ниневия сыс сыр вэндэри́н (прудо) пане́са самонэ пэрвонэ́ дывэсэ́ндыр, нэ акана́, мануша́ нашэ́на форо́стыр. “Тэрдён, тэрдён!” – вари-савэ́ годлэна, нэ ние́кх (нико́н) на рисёла палэ.

Isajos 5:28

Курта́ла лэ́скири кэрды ваш марибэ́н, пэталы лэ́скирэ грэ́ндэ исын сыр бар, ро́ты лэ́скирэ – сыр балва́л.