Ереме́ё 42:4 - Библия - Пэ Балтитко Романи чиб (Романэс) 2019

⁴ И пхэндя́ лэ́нгэ проро́ко Ереме́ё адя́кэ: “Мэ шундём. Акэ, мэ ява́ва тэ мангавпэ Ра́скэ-Дэвлэ́скэ, тумарэ́ Дэвлэ́скэ пир тумарэ́ лава́: и соб (кай) тэ на явэ́л, со Рай Дэвэ́л отпхэнэ́ла тумэ́нгэ, дова́ мэ пхэна́ва анги́л сарэ́ндэ тумэ́нгэ: мэ нисо́ на гаравава тумэ́ндыр.”

Biblija - Pe Baltitko Romani čib (Romanes) 2019

⁴ I phendiá lénge proróko Jeriemiéjo adiáke: “Me šundjom. Ake, me javáva te mangavpe Ráske-Devléske, tumaré Devléske pir tumaré lavá: i sob (kaj) te na javél, so Raj Devél otphenéla tuménge, dová me phenáva angíl sarénde tuménge: me nisó na garavava tuméndyr.”

Ереме́ё 42:4 Referans Kwoze

Psalmy 40:10

Мэ пхэндём зоралэ́с пал Тыро́ чачипэ́н анги́л бутэ́ манушэ́ндэ, савэ́ скэдэ́напэ: ґа́да, мэ на запхандём пэ́скирэ ушта́, о Раё Дэ́вла, Ту Кокоро́ саро́ джинэ́са.

1 Kralip 12:23

и мэ адя́кэ-паць на домэкава пэ́скэ грэ́хо анги́л Растэ-Дэвлэ́стэ, соб (кай) тэ пириячав тэ мангавпэ пал тумэ́ндэ, и ява́ва тэ сыклякирав тумэн пэ лачхо́ и маму́й дром;

Vygiiben 8:29

Мо́йза пхэндя́: “Ѓа́да, мэ выджава ту́тыр и ява́ва тэ мангавпэ Ра́скэ-Дэвлэ́скэ, и отджана джукланэ пушума фараоностыр, и лэ́скирэ дынарье́ндыр (слугэ́ндыр), и лэ́скирэ манушэ́ндыр атася́; екх со мэк фарао́но тэ пириячэл тэ хохавэ́л, на отмэки манушэ́н тэ янэ́н Ра́скэ-Дэвлэ́скэ свэ́нто дыибэ́н.”

Apostolengiri Butý 20:20

и сыр мэ на промэкцём нисо́ тэ пхэна́в лав пал Исусо́стэ тумэ́нгэ, со тумэ́нгэ явэ́ла трэй, и ракирдём анги́л сарэ́ндэ и псирдём пир кхэра́,

Ереме́ё 23:28

О проро́ко, савэ́стэ исын суно́, мэк ёв тэ роспхэнэл суно́, нэ кодова́, савэ́стэ исын Миро лав, мэк ёв тэ роспхэнэл Миро лав чачунэ́с. Саво́ исын кхэтаныпэн машки́р пхус и зя́рка?” – ракирэ́ла Рай Дэвэ́л.

Римлянэнгэ 10:1

Пшала́лэ! Шук мирэ́ илэскири и мангипэ́н кэ Дэвэ́л исын пал дова́, соб (кай) Израилё тэ явэ́л зракхно.

Apostolengiri Butý 20:27

пал-дова́ со мэ нисо́ на промэкцём тэ роспхэнав тумэ́нгэ пал Дэвлэ́скири во́ля.

Езэкилё 2:7

Ра́кир лэ́нгэ Мирэ́ лава́, явэ́на ёнэ тэ шунэ́н, ци на явэ́на, пал-дова́, со ёнэ исын кхэр, кай никонэ́с на кандэ́на.

Ереме́ё 23:35

Палдава́ тумэ́, со кэ екх, ракирэ́н пэ́скирэ суседоскэ (котарискэ), и, со кэ екх, пэ́скирэ пшалэ́скэ: ‘Со отпхэндя́ Рай Дэвэ́л? Со пхэндя́ Рай Дэвэ́л?

Ереме́ё 26:2

“Адя́кэ ракирэ́ла Рай Дэвэ́л: ‘Тэрдёв пэ грэ́да (дво́ро) Кхангирья́кири Ра́скирэ-Дэвлэ́скири и пхэн сарэ́ форьенгэ Юдэя́тыр, со явэ́на тэ дэн паты́в дрэ Кхангири́ Ра́скирэ-Дэвлэ́скири, сарэ́ лава́, со Мэ припхэнава ту́кэ тэ пхэнэ́с лэ́нгэ: На гарав ани е́кх лав.