Ереме́ё 41:1 - Библия - Пэ Балтитко Романи чиб (Романэс) 2019

¹ И сыс адя́кэ, со дро эфта́то чхон о Исмаило, чхаво́ Нафанияскиро (чхаво́ Элисамоскиро) кралитконэ родо́стыр, и екх крали́скиро баро́ рай явдя́ кэ Годолия, чхаво́ Ахикамоскиро дрэ Маси́фа дэшэ манушэ́нца. И одо́й ёнэ ханэ́ маро́ кхэтанэ́ дрэ Маси́фа.

Biblija - Pe Baltitko Romani čib (Romanes) 2019

¹ I sys adiáke, so dro eftáto čhon o Ismailo, čhavó Nafanijaskiro (čhavó Elisamoskiro) kralitkone rodóstyr, i jekh kralískiro baró raj javdiá ke Godolija, čhavó Ahikamoskiro dre Masífa deše manušénca. I odój jone xané maró khetané dre Masífa.

Ереме́ё 41:1 Referans Kwoze

Ереме́ё 40:8

то ёнэ явнэ́ кэ Годолия дрэ Маси́фа [Мицпа-ю.о.]: Исмаило, чхаво́ Нафанияскиро, Иоанано и Ионафа́но, чхавэ́ Кареёскирэ, Сэраия, чхаво́ Фанасмефоскиро [Танхуметоскиро-ю.о.]: чхавэ́ Офискирэ (Эфаяскирэ) Нетофафитостыр; и Езония, чхаво́ Маахафитоскиро, ёнэ кокорэ́ и лэ́нгирэ мурша́.

Ереме́ё 40:6

И гия́ Ереме́ё кэ Годолия, чхаво́ Ахикамоскиро, кэ Маси́фа [Мицпа-ю.о.] и дживдя́ лэ́са машки́р манушэ́ндэ, савэ́ ячнэ́пэ пэ доя́ пхув.

Psalmy 41:9

“Чорипэ́н Велиаростыр пыя́ пэ лэ́стэ и ёв пасия́ и буты́р ёв на уштэ́ла”, – ёнэ ракирэ́на.

Joannostir 13:18

Мэ на пал сарэ́ндэ тумэ́нгэ ракира́ва. Мэ джино́м (джина́в) одолэ́н, савэ́н Мэ выкэдыём; нэ мэк тэ сполнинэ́лпэ Свэ́нто Чхиныбэ́н: Одова́, кон ха́ла маро́ кхэтанэ́ Ма́нца, ґаздыя́ ґэро́й пэ Ма́ндэ.

Езэкилё 17:13

И Ёв лыя́ явирэ сэмэнцас кралитконэ родо́стыр, загия́ лэ́са дро доракирибэ́н, пхэндя́, соб (кай) яви́р тэ дэл лэ́скэ совэ́л, лыя́ пэ́са зоралэн долэ́ пхувья́тыр,

Ереме́ё 36:20

И гинэ́ ёнэ кэ кра́ли пэ грэ́да барэ́ фэлатинякири (коловоскири), нэ ёнэ англэды́р чхудэ́ сви́тко дрэ комора Елисамоскири, лыла́-чхиныбнаскирэскири, и ёнэ пирипхэндлэ сарэ́ лава́ дро кан крали́скиро.

Ереме́ё 36:12

то ёв гия́ тэлэ́ дро крали́скиро кхэр, дрэ комора лыла́-чхиныбнаскирэскири ваш крали́скэ; и одо́й сыс бэштэ́ сарэ́ тхага́рья – Элисамо (Элишама), лыла́-чхиныбнаскиро; – Дэлаия, чхаво́ Сэмаияскиро, – Елнафано, чхаво́ Ахбороскиро; – Гемария, чхаво́ Сафаноскиро, – Сэдэки́я, чхаво́ Ананияскиро, и сарэ́ яви́р тхага́рья.

Pritčy 27:4

Баро́ холякирибэ́н исын биманушытко, и холы́ исын трашаны, нэ кон сашты́ (могинэ́ла) тэ тэрдёл проти баро́ зэвлыныпэ́н?

Pritčy 13:10

Пхутькирибнастыр джа́ла чинга́рд, нэ, кон кандэ́ла, сыр лэ́скэ дэ́на годыпэ́н, одова́ исын годо́.

Psalmy 109:5

И мэ дорэсцём лэ́ндыр фуипэ́н пал миро лачхипэ́н, и ёнэ бидыкхэна ман пал мири́ паты́в кэ яви́р.

2 Паралипоменоно 22:10

Пал-дова́ со Гофолия, Охозияскири дай, сыр дыкхця́, со мыя́ ла́киро чхаво́, то уштыя́ и мулякирдя́ саро́ крали́скиро ро́до Юда́скирэ кхэрэ́стыр.

4 Kralip 25:25

Нэ пэ эфта́то чхон явдя́ Исмаило, чхаво́ Нефанияскиро, Елишамоскирэ чхавэ́с, крали́скирэ родо́стыр, дэшэ манушэ́нца, и замардя́ Годалияс, и ёв мыя́, и Юдэ́н, и Халдее́н, савэ́ сыс лэ́са дрэ Маси́фа.

4 Kralip 11:1

Э Гофолия, Охозияскири дай, дыкхи́, со ла́киро чхаво́ мыя́, уштыя́ и вымардя саро́ крали́скиро ро́до.

2 Kralip 3:27

Ке́ли Авени́ро рисия́ дрэ Хевро́но, тэды Иоа́во отлыджия лэс андрэ́ по́рта (вра́ты), сы́рбы ваш дова́, соб (кай) тэ ракирэ́л лэ́са екх пэ екх, и ёв одо́й чхиндя́ лэс дро пэр. И мыя́ Авени́ро пал Асаилоскиро рат, Иоавоскирэ пшалэскиро.

Ереме́ё 39:14

и ёнэ бичхадэ́ и лынэ́ Еремеёс штарибнаскирэ грэдатыр (дворостыр) и ёнэ дынэ́ лэс Годолияскэ, чхавэ́скэ Ахакимоскирэскэ (ўнуко Шафаноскиро), соб (кай) ёв тэ лэл (отлыджал) лэс кхэрэ́. Адя́кэ ёв яця́пэ тэ дживэ́л машки́р манушэ́ндэ.

Ереме́ё 40:5

Акана́, ке́ли Ереме́ё ишчо (инкэ́) на отпхэндя́ (на гия́ криг), о Навузардано пхэндя́: “Джа́ палэ кэ Годолия [Гэдалиах-ю.о.], чхаво́ Ахикамоскиро (ўнуко Сафаноскиро), конэ́с кра́ли Вавилоно́скиро, чхудя́ сыр барыдырэ́с пэ фо́рья Юдэя́кирэ, и ячпэ тэ дживэ́с машки́р манушэ́ндэ; ци джа́ вари-карик тэ явэ́л кучэс ту́кэ пир тыри́ годы́.’ И рай пэ крали́скири стрэ́га дыя́ лэ́скэ хабэ́н пэ дром, почастунко и мэкця́ лэс тэ джал.

Ереме́ё 40:13

И о Иоанано, чхаво́ Кареёскиро, и сарэ́ раё халадэ́нгирэ, савэ́ сыс пэ фэ́лда, явнэ́ кэ Годолия дрэ Маси́фа,

4 Kralip 25:22

Пэ манушэ́ндэ, савэ́ ячнэ́пэ пэ Юдэякири пхув, савэ́н ячкирдя́ Навуходоносо́ро, Вавилоно́скиро кра́ли, – пэ лэ́ндэ чхудя́ барыдырэ́са Годолияс, чхавэ́с Ахикамоскирэс, Шафаноскирэс чхавэ́с.

Ереме́ё 40:7

И сарэ́ рая пэ халадыбэна, савэ́ сыс пэ фэ́лда, ёнэ кокорэ́ и лэ́нгирэ мануша́, сыр шундлэ́, со кра́ли Вавилоно́скиро чхудя́ Годолияс, чхавэ́с Ахикамоскирэс, сыр барыдырэ́с пэ доя́ пхув, и допатяндыя лэ́скэ муршэ́н, джувле́н и чхаворэ́н и кодолэ́н най чорорэдыр долэ́ пхувья́тыр, савэ́н на лыджинэ́ дро пле́но кэ Вавило́но,