Ереме́ё 4:9 - Библия - Пэ Балтитко Романи чиб (Романэс) 2019

⁹ ‘И явэ́ла адя́кэ дрэ дова́ дывэса́’, – ракирэ́ла Рай Дэвэ́л, – ‘со крали́скиро и тхагарьенгирэ илэ замэрэна, и ди́во дара́са ухтылэ́ла раша́н, и пророкэ́ндэ кэрэ́напэ барэ́ якха́ трашатыр (дара́тыр)!

Biblija - Pe Baltitko Romani čib (Romanes) 2019

⁹ ‘I javéla adiáke dre dová dyvesá’, – rakiréla Raj Devél, – ‘so kralískiro i thagar'jengire ile zamerena, i dívo darása uhtyléla rašán, i prorokénde kerénape baré jakhá trašatyr (darátyr)!

Ереме́ё 4:9 Referans Kwoze

Apostolengiri Butý 13:41

“Ракхэ́нпэ тумэ́, кон дыкхэ́ла бипатывакирэс пэ яви́р манушэ́ндэ, тумэ́ здивинэнапэ и хасёна; пал-дова́ со Мэ кэра́ва дасаво рэ́ндо ваш тумэ́ндэ дрэ тумарэ́ дывэса́, савэ́скэ тумэ́ ние́кхвар на патя́на, ко́ли вари-кон роспхэнэ́ла тумэ́нгэ пал дава́.”

Ереме́ё 52:7

Тэды форо́скири ва́нта пхагирдэ́ андрэ́: и сарэ́ марибнаскирэ мурша́ нашнэ́, и раты́ гинэ́ криг форо́стыр, пашэ́ по́рта машки́р дуй ва́нты, со сыс пашы́л дрэ крали́скири у́нта, на дыкхи́ пэ дова́, со Халде́и сыс трусця́л пашы́л фо́ро. И Юды гинэ́ дромэ́са пир мал (степ).

Ереме́ё 37:19

И кай исын тырэ́ проро́ки, савэ́ ангилпхэнэлас, ракири́: “О кра́ли Вавилоно́скиро на явэ́ла тэ джал пэ тумэ́ндэ ци проти дая́ пхув?

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Isajos 19:16

Дро дова́ дывэ́с ячэ́на Египтя́ни сыр джувля́, издрана и явэ́на тэ дарэ́н (даран) Ра́скирэ-Дэвлэ́скирэ, болыбна́скирэ-янголэ́нгирэ вастэ́стыр, саво́ Ёв ґаздэ́ла пэ лэ́ндэ.

Isajos 19:3

И ду́хо (фа́но) Египто́скиро хасёла, Мэ розмарава лэ́скиро годыпэ́н (совето) и праста́на ёнэ кэ и́долы, кэ мануша́, савэ́ исын човаханэ (маги), савэ́ выкхарэна мулэн, савэ́ зумавэна.

Psalmy 102:4

Пал-дова́ со мирэ́ дывэса́ проджа́на (накхэ́на) сыр тхув, и мирэ́ кокалы́ обхачинэ сыр ґлоўні.

4 Kralip 25:4

И лыно́ сыс фо́ро, и праста́ндынэ сарэ́ халадэ́ раты́ пир дром кэ по́рта, машки́р дуй ва́нты, со сыс пашы́л крали́скири у́нта (садо); Халде́и сыс тэрдэ́ трусця́л фо́ро, и кра́ли гия́ дромэ́са, кэ лошчы́на (равнина).

Ереме́ё 48:41

Фо́рья явэ́на лынэ́ и тва́рдыми (кре́пости) заухтылэна. Дро дова́ дывэ́с ило́ зоралэ́-муршэнгирэ Моавостыр явэ́ла сыр ило́ джувля́киро, савья́ мэнчынэна дукха́ тэ биянэ́л.

Isajos 28:19

Ко́ли сыг ёй (чхупны) явэ́ла то ухтылэл тумэн; явэ́ла тэ псирэ́л кажно дывэ́с и кажно рат, сыр шунэ́на пал ла́тэ, то лэ́ла дар.”

Ереме́ё 2:26

Сыр чор, савэ́с ладжакирдэ́, сыр ухтылдэ́ лэс, ада́кицы ладжакирдэ́ пэс тумэ́, – мануша́ Израилёстыр: тумарэ́ кра́лья, тумарэ́ тхага́рья, и тумарэ́ рашая́, и тумарэ́ проро́ки,

Ереме́ё 25:34

Тугинэн роибнаса, чхупна́рья (пастыри), и ровэ́н! Катынэнпэ дрэ пра́ска, барэ́ шэрэ́ пир ґурто! Пал-дова́ со подгинэ́ дывэса́, соб (кай) тумэн тэ хасякирэ́н, и тэ росчхурдэн; тумэ́ пэрэ́на сыр куч кхорэ́ (сасу́ды).