Ереме́ё 4:2 - Библия - Пэ Балтитко Романи чиб (Романэс) 2019

² И ту явэ́са тэ совлахас: “Тэ явэ́л джидо́ Рай Дэвэ́л патяибна́са, сэндоса и чачипна́са, соб (кай) Мэ тэ бахтякирав сарэ́н Наюдэн, соб (кай) Ма́ндыр ёнэ тэ барьякирэ́н пэс!”

Biblija - Pe Baltitko Romani čib (Romanes) 2019

² I tu javésa te sovlahas: “Te javél džidó Raj Devél patiaibnása, sendosa i čačipnása, sob (kaj) Me te bahtiakirav sarén Najuden, sob (kaj) Mándyr jone te barjakirén pes!”

Ереме́ё 4:2 Referans Kwoze

Isajos 65:16

Ко́ли вари-кон бахтякирэ́ла пэс Лэ́са пэ дая́ пхув, явэ́ла бахтякирдо́ чачунэ́ Дэвлэ́са, и кон совлахала пэ пхув, явэ́ла тэ совлахал чачунэ́ Дэвлэ́са, пал-дова́ со ґаратунэ́ биды бистрэнапэ, явэ́на гарадэ́ Мирэ́ якхэ́ндыр.

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

Džiibén 22:18

и явэ́на бахтякирдэ пир тыро́ ро́до сарэ́ пхувья́кирэ манушы́тка ро́ды, пал-дова́, со ту кандыян Мири́ зан.”

2 Коринфянэнгэ 10:17

А одова́, кон шарэлапэ, мэк ёв тэ шарэлпэ долэса, со Рай Дэвэ́л кэрдя́.

1 Коринфянэнгэ 1:31

соб (кай) тэ явэ́л адя́кэ, сыр исын чхиндло́: “Мэк одова́, кон шарэлапэ, тэ шарэлпэ Дэвлэ́са.”

Яви́р Зако́но 10:20

Дар Ра́стыр-Дэвлэ́стыр, Дэвлэ́стыр тырэстыр, и Лэ́скэ Екхэ́скэ дынарин (служын), и кэ Ёв прияч, и Лэ́скирэ лавэ́са совлаха́:

Galatenge 3:8

И Свэ́нто Чхиныбэ́н анги́л дыкхця́, со Дэвэ́л приджинэла чачунэнца Наюдэн пир патяибэ́н, и анги́л роспхэндя́ бахталы́ зан (звесь) Авраамо́скэ: “Дэвэ́л бахтякирэ́ла сарэ́ манушэ́н пир ту́тэ.”

Ереме́ё 12:16

И явэ́ла адя́кэ: ко́ли ёнэ, сусе́ды (кота́рья) миштэ́с высыклёна тэ псирэ́н пир дрома́ Мирэ́-манушэ́нгирэ тэ совлахан Мирэ́ лавэ́са: “Тэ явэ́л джидо́ Рай Дэвэ́л”, адя́кэ-паць сыр ёнэ сыклякирдэ́ Мирэ́ манушэ́н тэ совлахан Ваалоса, тэды ёнэ ячэ́напэ машкира́л Мирэ́ манушэ́ндэ.

Isajos 45:25

Рай Дэвэ́л зракхэ́ла и пир Лэ́стэ явэ́ла тэ славинэлпэ кхэри́тко ро́до Израилёскиро.

Psalmy 72:17

Крали́скиро лав явэ́ла ўса́ды (сак): лэ́скиро лав явэ́ла джиндло́ пака исын кхам: лэ́скирэ мануша́ явэ́на бахталэ́ Дэвлэ́стыр, сарэ́ Наюды́тка на́цыи явэ́на тэ шарэ́н лэс.

Заха́рия 8:8

Мэ яна́ва палэ лэн, и ёнэ лэ́на тэ дживэ́н кэ Ерусалимо, и явэ́на Мирэ́ мануша́ (манушэ́нца), и Мэ ява́ва лэ́нгиро Дэвэ́л, пир патяибэ́н и дро чачипэ́н.’

Isajos 45:23

Мэ Кокоро́ Пэ́са совлахава: Мирэ́ уштэндыр выджа́ла чачипэ́н, лав, саво́ на парудёла, со анги́л Ма́ндэ пэрэ́ла пэ чанга́ кажно ро́дыцо, пэ Ма́ндэ совлахала кажно екхэ-чибакири ири (чиб).

3 Kralip 3:6

И пхэндя́ Соломо́но: “Ту кэрдя́н писхари́скэ Тырэ́скэ, Давидо́скэ, дадэ́скэ мирэ́скэ, баро́ лачхипэ́н; и пал дова́, со ёв псирдя́ анги́л Ту́тэ дро патяибэ́н и чачипэ́н, и чачунэ́ илэ́са сыс анги́л Ту́тэ, Ту зракхця́н лэ́скэ дава́ баро́ лачхипэ́н и дыя́н лэ́скэ чхавэ́с, саво́ бэшэлас бы пэ лэ́скиро троно, сыр дава́ и исын акана́.”

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Osija 2:19

И Мэ ява́ва тэ ангрустынав (обрэнчынава) тут Ма́нца усады (сак); и Мэ ангрустынава (обрэнчынава) тут Ма́нца пир чачипэ́н и чачуно́ сэ́ндо, и пир дро́го лачхипэ́н, и пир лачхэ́-илы́ткима;

Ереме́ё 5:2

И ко́ли мануша́ Ерусалимо́стыр ракирэ́на: “Тэ явэ́л джидо́ Рай Дэвэ́л!” Ёнэ совлахана начачунэс.

Psalmy 99:4

Ту сан зоралыпнаскиро Кра́ли, Савэ́скэ трэй чачуно́ сэ́ндо. Ту зачхудян чачипэ́н: дава́ исын Ту, Саво́ кэрэ́ла пир чачипэ́н и патяибэ́н дрэ Яковостэ.

Яви́р Зако́но 4:30

Ке́ли ту явэ́са дрэ би́да, и ке́ли саро́ дава́ латхэ́ла тут дрэ сарэ́ дывэса́, со ишчо (инкэ́) явэ́на, тэды ту рисёса илэ́са кэ Рай Дэвэ́л, Дэвэ́л тыро́, и шунэса Лэ́скири зан (глос).

Ruta 3:13

ратькир дая́ рат; а тася́, ко́ли ёв прилэ́ла тут, тэды шука́р, мэк тэ прилэл; а ко́ли ёв на закамэ́ла тэ прилэл тут, тэды мэ прилава; тэ явэ́л джидо́ Рай Дэвэ́л! Сов кэ зло́ко (ра́нко).

Ереме́ё 3:17

Дро дава́ часо (цы́ро) ёнэ явэ́на тэ кхарэ́н Ерусалимо Ра́скирэ-Дэвлэ́скиро троноса, и сарэ́ манушэ́нгирэ на́цыи кэдэнапэ кхэтанэ́ кэ Ерусалимо и буты́р на явэ́на тэ псирэ́н накандунэс пир лэ́нгирэ пхарэ́ илэ.

Ереме́ё 7:5

Нэ ко́ли тумэ́ илэ́стыр парувэна тэ явэ́л чачунэдыр тумаро́ джиибэ́н и дова́, со тумэ́ кэрэ́на; ке́ли тумэ́ явэ́на чачипна́са тэ кэрэ́н пир чачипэ́н сэ́ндо машки́р екхэ манушэ́стэ и лэ́скирэ пашатунэстэ;

Ереме́ё 10:10

Нэ Рай Дэвэ́л исын чачуно́ Дэвэ́л: Ёв исын джидо́ Дэвэ́л и Кра́ли пэ сарэ́ ве́ки. Лэ́скирэ холя́тыр издрала пхув и манушы́тка на́цыи на дэ́на ра́да тэ вырикирэн, сыр Ёв холясо́ла зоралэ́с.

Ереме́ё 12:15

И явэ́ла адя́кэ: пало́ (после) саро́ дава́, сыр Мэ вырискирава лэн, Мэ рисёва́ва палэ, и тэды Мэ потангинава (пожалинава) лэн, и Мэ яна́ва палэ лэн – кажнонэс кэ пэ́скиро миштыпэ́н, и кажнонэс кэ пэ́скири пхув.

Ереме́ё 16:19

Раё Дэ́вла! Ту сан миро зоралыпэ́н и мири́ тва́рдыма, и пал Ту́тэ Мэ гарадёвава дрэ трашанэ (даракунэ) дывэса́, кэ Ту явэ́на бут мануша́ сарэ́ ягорэндыр (краендыр) пэ пхув и пхэнэ́на: “Амарэ́ дада́, чачэс, дорэснэ́ (долынэ) мэкно́ миштыпэ́н, саво́ исын хохано́ и хартытко (никчэмно), и лэ́стыр нанэ ни саво́ лачхипэ́н.

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Ioil 2:12

“Палдава́ акана́”, – ракирэ́ла Рай Дэвэ́л, – “рисён кэ Мэ сарэ́ тумарэ́ илэ́стыр постоса, ровибнаса и тугаса?”

Яви́р Зако́но 6:13

Дар Ра́стыр-Дэвлэ́стыр, тырэ́ Дэвлэ́стыр, и Лэ́скэ Екхэ́скэ дынарин, и Лэ́скирэ лавэ́са совлаха́.

1 Kralip 20:3

Дави́до совлахадя́ и ракирдя́: “Тыро́ дад мишто́ джинэ́ла, со мэ латхём ла́ска дро тырэ́ якха́, и палдава́ ракирэ́ла кокоро́ дро пэ́стэ: ‘Мэк тэ на джинэ́л пал дова́ Ионафа́но, соб (кай) ёв тэ на холясол, нэ тэ явэ́л джидо́ Рай Дэвэ́л и ди тыро́ джидо́!’ Екх шаго (штавин) исын машки́р ма́ндэ и мэрибэ́н.”

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.