Ереме́ё 4:16 - Библия - Пэ Балтитко Романи чиб (Романэс) 2019

¹⁶ “Дэн тэ джинэ́н пал дава́ Наюдэ́нгэ, – мэк Ерусалимо тэ шунэ́л, со вэ́рги джа́на дуратунэ́ пхувья́тыр тэ облэн трусця́л фо́ро, и ёнэ газдэна пэ́скири го́дла пэ Юдэя́кирэ фо́рья.

Biblija - Pe Baltitko Romani čib (Romanes) 2019

¹⁶ “Den te džinén pal davá Najudénge, – mek Jerusalimo te šunél, so vérgi džána duratuné phuvjátyr te oblen trusciál fóro, i jone gazdena péskiri gódla pe Judejákire fórja.

Ереме́ё 4:16 Referans Kwoze

Езэкилё 21:22

Дро чачо́ васт лэ́стэ исын драбакирибэн: “Дро Ерусалимо”, кай трэй тэ чхувэ́н марибны́тка тараны проти ва́нты, тэ кхарэ́н тэ мулякирэ́н, тэ ґаздэ́н зан годлыпнаса тэ чхувэ́н пхув ваш вало, тэ ґаздэ́н форитко ва́нта.

Ереме́ё 5:15

Акэ, Мэ яна́ва манушы́тко нацыя пэ тумэ́ндэ дурипнастыр, Израилёскиро кхэр”, – ракирэ́ла Рай Дэвэ́л! “Дава́ исын зоралы́ нацыя, дая́ нацыя исын ґаратуны, савэнгири чиб на джинэ́на тумэ́, и тумэ́ на ґалёна, со ёнэ пхэнэ́на.

Isajos 39:3

И явдя́ проро́ко Исаё кэ кра́ли Езэки́я и пхэндя́ лэ́скэ: “Со ракирэ́нас адалэ́ мануша́? Каты́р ёнэ явнэ́?” Езэки́я пхэндя́: “Дурал явнэ́ ёнэ кэ мэ, явнэ́ Вавилоно́стыр.”

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Ереме́ё 39:1

И сыс адя́кэ: дро дэ́што чхон, дро еня́то (биекхэ́скиро дэ́што) бэрш, ке́ли о Сэдэки́я сыс Юдэя́киро кра́ли, явдя́ о кра́ли Навуходоносо́ро Вавилоно́стыр и саро́ лэ́скиро халадыбэ́н проти Ерусалимо, и ёнэ обчхудэ трусця́л (кругом) фо́ро.

Ереме́ё 31:10

Шунэ́н лав Ра́скирэ-Дэвлэ́скиро, о мануша́лэ нацые́ндыр, и пхэнэ́н дава́ зоралэ́с сарэ́нгэ пэ островы, со исын дур, и пхэнэ́н: “Ёв, Кон росчхудя́ тэ дживэ́л Израилё, скэдэ́ла лэс, и Ёв явэ́ла тэ ракхэ́л Пэ́скирэ манушэ́н, сыр чхупна́ри (пастырё) Пэ́скиро ґурто.

Ереме́ё 16:6

Сыр барэ́, адя́кэ-паць и тыкнэ́ мэрэ́на пэ дая́ пхув. Лэн на явэ́на тэ гаравэн, адя́кэ-паць и нико́н на явэ́ла тэ обровэл лэн; ци тэ чхинэл пэс, ци тэ обчхинэл бала́ пал лэ́ндэ.

Ереме́ё 6:18

Палдава́ шунэ́н тумэ́, Наюды́тка на́цыи, и джинэ́н, со явэ́ла Мирэ́-манушытконэ́ скэдыибнаса.

Ереме́ё 5:6

Палдава́ вэшытко шчэр (ле́во) мулякирэ́ла лэн, и рув, со пэрэ́ла бэльвэле́, мэкэ́ла лэн чхучэ́ вастэ́нца; леопардо явэ́ла тэ ужакирэл чораханэ́с лэн пашы́л фо́рья; кажно (сва́ко), кон выджа́ла, явэ́ла рискирдо пэ котэра́; пал-дова́ со лэ́нгиро чорипэ́н явэ́ла буты́р, и ёнэ буты́р отпэрэна Дэвлэ́стыр.

Ереме́ё 4:17

Сы́рбы ракхибнаскирэ пэ фэ́лда, ёнэ сарэ́ обджана трусця́л Ерусалимо, пал-дова́ со дава́ фо́ро газдыя бу́нто пэ Ма́ндэ’, – пхэндя́ Рай Дэвэ́л.

Ереме́ё 2:15

Тэрнэ́ шчэра́ (левы) рыкинэна пэ Израилё и ёнэ брилинэна; ёнэ кэрдэ́ Израилёстыр чхучи́ (пусто) пхув; лэ́скирэ фо́рья хачкирдэ́ и нико́н на дживэ́ла одо́й.

Isajos 34:1

Явэ́н, народы! Шунэ́н и прилэ́н, кхэри́тка ро́ды (пле́ми)! Мэк тэ шунэ́л пхув и саро́, со исын пэ ла́тэ, баро́ свэ́то (лот) и саро́, со бияндёла дрэ лэ́стэ!

Ереме́ё 1:15

Пал-дова́ со, акэ, Мэ кхара́ва тэ явэ́н сарэ́ сэм΄и (ирья́), савэ́ исын дрэ кралипэна́ пэ паш-ратякири риг, – пхэндя́ Рай Дэвэ́л, – и ёнэ явэ́на тэ чхувэ́н кажно (сва́ко) пэ́скиро троно анги́л Ерусалимо́скири по́рта, и маму́й сарэ́ ва́нты, со исын трусця́л (кругом), и маму́й сарэ́ фо́рья, со исын дрэ Юдэ́я.

Ереме́ё 8:19

Шунэ́н! Акэ, шундлы исын мирэ́ манушэ́нгирэ-чхакири зан, сыр ёй дэ́ла го́дла древа́н дуратунэ́ тхэмэстыр?: ‘Ци исын дава́ Рай Дэвэ́л пэ Сио́но? Ци исын дава́ Сионоскиро кра́ли одо́й?’ Рай Дэвэ́л, лэ́нгиро Кра́ли, отпхэнэ́ла: ‘Со́скэ ёнэ дукхавэнас Ман, соб (кай) Мэ тэ холясовав пэ лэ́ндэ пал лэ́нгирэ вычхиндлэ́ и́долы, савэ́ исын чу́жа и (ничы́ намол) хартытка?’

Ереме́ё 6:19

Шун, пхув! Акэ Мэ яна́ва биба́хт (хасибэ́н) пэ адалэ́ манушэ́ндэ, и пэ дова́, со ёнэ придуминэна; пал-дова́ со ёнэ на шундлэ́ Мирэ́ лава́, и со ёнэ отпхэндэпэ Мирэ́ Законо́стыр.

Ереме́ё 6:22

Халадэ́ (мануша́) паш-ратякирэ тхэмэстыр (северостыр) джа́на пэ Ерусалимо. И акэ, ракирэ́ла Рай Дэвэ́л: “Акэ, бари манушы́тко нацыя ґаздэ́лапэ дуратунэ́ ягорэндыр пэ пхув.

Ереме́ё 6:23

Ёнэ лыджа́на лу́ко и марибны́тко буст тэ пхусавэн, ёнэ исын биде́скирэ и на лачхэ́-илытка, лэ́нгирэ заня́ ґрыминэна сы́рбы мо́рё (дэрья́в), ёнэ традэ́на уклистэ́ пэ грэ́ндэ, ёнэ исын кэдынэ тэ марэ́н тумэн, чхаё Ерусалимо́стыр.