Ереме́ё 4:11 - Библия - Пэ Балтитко Романи чиб (Романэс) 2019

¹¹ Дро дова́ часо явэ́ла пхэндло́ кадалэ́ манушэ́нгэ и Израилёскэ: “Шуки́ балва́л джа́ла вучэ́ штэтэ́ндыр, со исын пэ чхучэ́ прахи, пэ Мирэ́ манушэ́ндэ, на, соб (кай) тэ жужакирэн, ци, соб (кай) тэ веинэл сыр гив;

Biblija - Pe Baltitko Romani čib (Romanes) 2019

¹¹ Dro dová časo javéla phendló kadalé manušénge i Izrailjoske: “Šukí balvál džála vučé šteténdyr, so isyn pe čhučé prahi, pe Miré manušénde, na, sob (kaj) te žužakiren, ci, sob (kaj) te vieinel syr giv;

Ереме́ё 4:11 Referans Kwoze

Osija 13:15

Мэк Ефре́мо и тэ лулудёл машки́р пшалэ́ндэ, явэ́ла балва́л вастоко́стыр: балва́л Ра́стыр-Дэвлэ́стыр явэ́ла чхучэ́ пхувья́тыр, и Лэ́скири ґанынгори явэ́ла шуки́, и лэ́скиро фолахар (фонтано) пириячэ́ла (тэрдёла) тэ чхувэлпэ. Ёв кэрэ́ла чхучо́ кхоро́ (сасудо) кажнонэ́ пиралятыр, кай исын кажно куч кхоро́.

Езэкилё 17:10

И, акэ, чхудо дрэ пхув кашт, нэ явэ́ла ли бахт лэ́скэ? На зашутёла ли ёв, ко́ли чилавэ́ла лэс васточно балва́л? Ци на зашутёла дрэ у́нта (садо), кай выбария.”

Luka 3:17

Лэ́скиро ґанадытко (лопата) исын дро Лэ́скиро васт, и Ёв жужакирэла Пэ́скири шу́рна и скэдэ́ла парно́ гив дрэ Пэ́скири пиралы́, а пхус хачкирэ́ла яга́са, сави́ на мурдёла.”

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Osija 13:3

Палдава́ ёнэ явэ́на сыр мигла (тумано) пэ зло́ко, сыр пэ́рво пахлын, сави́ сы́гэс хасёла, сыр шприя (мякина), со росчхурдэла рискирибнаскири балва́л криг гиваобкэрибнаскирэ шурнатыр (гумностыр), сыр тхув, со джа́ла труба́тыр (тхувалэстыр).

Езэкилё 19:12

Нэ холямипнаса ёй сыс вырискирды, чхурдыны пэ пхув, васточно балва́л вышутькирдя ла́кирэ пхаба́ (пло́ды); пхадинэ, зашутинэ ла́кирэ зоралэ́ вэ́тки, яг похая лэн.

Roiben 4:6

Пхаро́-сэндякирибэн пал чорипэ́н, со кэрдэ́ мирэ́-манушэ́нгирэ чхая́, исын зоралэды́р пхарэ́-сэндякирибнастыр, со дорэснэ́ пал Содомоскиро грэ́хо. Дова́ фо́ро сыс радо тэлэ́ пал екх мэнта (минута) адя́кэ, со ние́кх на дыя́ ра́да тэ подэл васт.

Roiben 4:3

Аж и рупучи [чудовишчы / шакалихи-ю.о.] дэ́на цюця тэ чаравэн пэ́скирэ тыкнэн, нэ мирэ́ – манушэ́нгирэ чхая́ ячнэ́ пхарэ́-илэ́скирэ сы́рбы страусы чхучэ́ прахэндыр.

Roiben 3:48

Мирэ́ якхэ́ндыр праста́на панескирэ рэ́ки (лэня́) пал мирэ́ манушэ́ндэ [тэрнэ́ патывалэ́ джувля́тэ-р.с.], савэ́ хасёна.

Roiben 2:11

Миря якха́ хасёна ясвэндыр, саро́ андра́л ма́ндэ исын дрэ траш, миро кало́ буко (печонка) чхувэ́лапэ яври́ пэ пхув, пир-дова́ со хасёна мирэ́ – манушэ́нгири чхай, пал-дова́ со чхаворэ́ и бияты нашавэна зор пэ вули́цы (га́сы) дро фо́ро.

Ереме́ё 23:19

Дыкхэ́н! Баро́ штормо Ра́стыр-Дэвлэ́стыр, Лэ́скирэ холякирибнастыр, явдя́ рискирибна́скиро штормо; ёв пэрэ́ла пэ фуе́-манушэ́нгиро шэро́.

Ереме́ё 14:17

И ту, Ереме́ё, пхэнэ́са дава́ лав лэ́нгэ: мэк тэ тхадэн ясва Мирэ́ якхэ́ндыр рат и дывэ́с, и ёнэ на пириячэна, пал-дова́ со патывалы́ тэрны́ джувлы́, Мирэ́-манушэ́нгири чхай, исын зоралэ́с дукхады пхарэ́ пэкаибнаса.

Ереме́ё 9:7

‘Палдава́ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ билякирава лэн и Мэ спробинава лэн; пал-дова́ со ишчо (инкэ́) Ма́нгэ тэ кэра́в мирэ́-манушэ́нгирэ чхаса?

Ереме́ё 9:1

О, тэ явэ́л Миро шэро́ пхэрдо́ панингэнца, соб (кай) тэ явэ́н Мирэ́ якха́ сы́рбы ясвэнгири ґаны́нг, соб (кай) Мэ могинавас тэ ровав дывэ́с и рат пал Мирэ́-манушэ́нгиро-чхакиро хасибэ́н.

Ереме́ё 8:19

Шунэ́н! Акэ, шундлы исын мирэ́ манушэ́нгирэ-чхакири зан, сыр ёй дэ́ла го́дла древа́н дуратунэ́ тхэмэстыр?: ‘Ци исын дава́ Рай Дэвэ́л пэ Сио́но? Ци исын дава́ Сионоскиро кра́ли одо́й?’ Рай Дэвэ́л, лэ́нгиро Кра́ли, отпхэнэ́ла: ‘Со́скэ ёнэ дукхавэнас Ман, соб (кай) Мэ тэ холясовав пэ лэ́ндэ пал лэ́нгирэ вычхиндлэ́ и́долы, савэ́ исын чу́жа и (ничы́ намол) хартытка?’

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.

Isajos 41:16

Ту явэ́са тэ пирикэдэс (тэ веинэс) лэн пэ балва́л, и балва́л лыджа́ла криг лэн, и рискирибнаскири балва́л сыр вихро роспхурдэла лэн, ту явэ́са древа́н тэ радынэспэ пал Растэ-Дэвлэ́стэ, и ту явэ́са барикано (тэ шарэспэ) Свэнтонэса Израилёса.

Isajos 27:8

Ту пхуцян лэ́стыр, сыр трэй, ко́ли Ту, Дэ́вла, отгиян лэ́стыр; вычхурдыян лэс Пэ́скирэ зоралэ́ пхурдыпнаса, сыр дро дывэ́с, ко́ли пхурдэла васточно балва́л.

Isajos 22:4

Палдава́ Мэ, Исаё, ракира́ва: ‘Ячкирэн ман, мэ ла́ва тэ ровав киркэ ясвэ́нца, на подрикирэн ман, ко́ли обчхорды исын чхай мирэ́-народоскири.’

Roiben 4:10

Васта́ лачхэ́-илэ́скирэ джувле́н кэрадэ пэ́скирэ биятэ́н: ёнэ сыс мас лэ́нгэ, ке́ли пыя́ бэдыпэн пэ Ерусалимо́скирэ манушэ́ндэ.

Psalmy 11:6

Ёв кэрэ́ла, со болыбна́стыр пэрэ́на брышында́, хачкирдэ́ вангара и зэвэлытка (серна) бара́ и хачкирды балва́л, со пэкэла, акэ, со явэ́ла лэ́нгэ Дэвлэ́стыр.

Ереме́ё 4:12

нэ дая́ балва́л долэ́ штэтэ́ндыр явэ́ла зоралэды́р пир Миро припхэныбэ́н: акана́ Мэ пхэна́ва мирэ́ лава́ тэ сэндякирав лэн.

Ереме́ё 13:24

‘Палдава́ Мэ росчхурдава лэн сы́рбы пхусакирэ тетивы [пра́хо-р.с.], савэ́ розлыджала балва́л чхучэ́ прахэндыр’, – ракирэ́ла Рай Дэвэ́л.

Avakumo 1:6

Пал-дова́ со Мэ, акэ, ґазда́ва Халдеен, кирки и сы́гно нацыя, сави́ кхарэ́лапэ (двигинэлапэ) пир пхувья́киро буґлыпэ́н, соб (кай) тэ заухтылэн джиибна́скирэ штэ́ты, савэ́ исын на лэ́нгирэ.

Avakumo 1:11

Тэ́ньци лэ́нгиро ду́хо (фа́но) парудёла и ёнэ джа́на сыр балва́л, и ёнэ кэрэ́на чорипэ́н: лэ́нгиро зор ячэ́лапэ ваш лэ́нгэ сыр лэ́нгиро дэвлоро.

Osija 4:19

Балва́л учхакирэ́ла лэн пэ́скирэ пхакэнца, и ёнэ явэ́на ладжакирдэ́ лэ́нгирэ свэнтонэ́ дыибнэндыр.’