Ереме́ё 39:9 - Библия - Пэ Балтитко Романи чиб (Романэс) 2019

⁹ И о Навузардано, о рай пэ крали́скири стрэ́га, лыджия́ криг дро пле́но кэ Вавило́но манушэ́н, савэ́ ячнэ́пэ дро фо́ро, и кодолэ́н, кон пиригия кэ ёв явирэ манушэ́нца, савэ́ ячнэ́пэ.

Biblija - Pe Baltitko Romani čib (Romanes) 2019

⁹ I o Navuzardano, o raj pe kralískiri stréga, lydžijá krig dro pliéno ke Vavilóno manušén, savé jačnépe dro fóro, i kodolén, kon pirigija ke jov javire manušénca, savé jačnépe.

Ереме́ё 39:9 Referans Kwoze

Ереме́ё 40:1

Лав, саво́ сыс Еремеёскэ Ра́стыр-Дэвлэ́стыр пало́ (после) дова́, сыр о Навузардано, рай пэ крали́скири стрэ́га, мэкця́ лэс тэ джал Раматыр, ке́ли ёв лыя́ лэс, саво́ сыс пхандло зандирье́нца машки́р сарэ́ндэ, конэ́с лыджинэ́ дро пле́но Ерусалимо́стыр и Юдэя́тыр, савэ́н лынэ́ дро пле́но кэ Вавило́но.

Džiibén 37:36

Мадианитяни бикиндлэ лэс дро Еги́пто Потифароскэ, фараоно́скирэ барыдырэ́скэ, саво́ сыс рай пэ стрэгарье́ндэ (стражникэндэ).

Ереме́ё 52:26

И о Навузардано, рай пэ крали́скири стрэ́га, лыя́ лэн и яндя́ лэн кэ кра́ли Вавилоно́скиро дрэ Ривла.

Ереме́ё 10:18

Адя́кэ ракирэ́ла Рай Дэвэ́л: “Акэ, Мэ чхурдава манушэ́н дро дава́ уляго (пора), савэ́ дживэ́на пэ дая́ пхув, и лэ́нгэ явэ́ла бари траш (дар), соб (кай) тэ ухтылэ́н (латхэ́н) лэн.

4 Kralip 25:20

И лыя́ лэн Навузардано, барыдыро́ ракхибнарье́нгиро, и лыджия́ лэн кэ Вавилоно́скиро кра́ли дрэ Ривла.

4 Kralip 25:11

И яви́р мануша́, савэ́ ячнэ́пэ дро фо́ро, савэ́ пиригинэ́ кэ Вавилоно́скиро кра́ли, и яви́р простонэ манушэ́н выбичхадя Навузардано, барыдыро́ ракхибнарье́нгиро.

Ереме́ё 16:13

Палдава́ Мэ вычхурдава тумэн далэ́ пхувья́тыр пэ пхув, со тумэ́ на джинэ́на, и сави́ на джиндлэ́ тумарэ́ дада́, кай тумэ́ явэ́на тэ дынаринэ́н явирэ дэвлорэ́нгэ дывэ́с и рат: пал-дова́ со Ма́ндыр на явэ́ла ни саво́ тангипэ́н (жалима) тумэ́нгэ.’

Isajos 5:13

Пал саро́ дава́ джа́ла миро народо дро пле́но, ко́ли нико́н лэ́стыр дава́ на ужакирэлас; лэ́скирэ раё явэ́на бокхалэ́, лэ́скирэ барвалэ́ закамэна тэ пьен (явэ́на трушалэ).

4 Kralip 20:18

“Чхавэ́ндыр тырэндыр, савэ́ явэ́на ту́тыр, савэ́ ту́тыр бияндёна, лэ́на, и явэ́на ёнэ е́внухи дрэ Вавилоно́скирэ-крали́скири фелатин/колов (дворцо).”

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Ереме́ё 24:8

А со пал дова́ биба́хт инжыро, со лэс нашты́ тэ хас, шунэ́н: ‘Адя́кэ ракирэ́ла Рай Дэвэ́л: ‘Дасави́ биба́хт Мэ кэра́ва Сэдэкияскэ, крали́скэ Юдэя́тыр, и лэ́нгирэ тхагарье́нгэ, и манушэ́нгэ Ерусалимо́стыр, савэ́ ячнэ́пэ пэ дая́ пхув, и кодолэ́нгэ, савэ́ ячнэ́пэ пэ Египто́скири пхув.’

Ереме́ё 38:19

И о кра́ли Сэдэки́я пхэндя́ Еремеёскэ: “Мэ дарава Юдэендыр (Юдэндыр), савэ́ нашнэ́ (пиригинэ́) кэ Халде́и, соб (кай) э Халдеи тэ на выдэн ман дрэ васта́ лэ́нгирэ, и соб (кай) ёнэ тэ на кэрэ́н ма́нца, со ёнэ закамэна.”

Ереме́ё 52:27

И кра́ли Вавилоно́скиро пэкадя́ лэн и замардя́ лэн дрэ Ривла пэ пхув Емафоскири. Акэ, сыр Юда́скирэ манушэ́н лыджинэ́ дро пле́но лэ́скирэ пхувья́тыр.

Ереме́ё 40:7

И сарэ́ рая пэ халадыбэна, савэ́ сыс пэ фэ́лда, ёнэ кокорэ́ и лэ́нгирэ мануша́, сыр шундлэ́, со кра́ли Вавилоно́скиро чхудя́ Годолияс, чхавэ́с Ахикамоскирэс, сыр барыдырэ́с пэ доя́ пхув, и допатяндыя лэ́скэ муршэ́н, джувле́н и чхаворэ́н и кодолэ́н най чорорэдыр долэ́ пхувья́тыр, савэ́н на лыджинэ́ дро пле́но кэ Вавило́но,

Дание́лё 2:14

Тэ́ньци Дание́лё отпхэндя́ илэ́стыр и годыпнаса Ариохоскэ, барыдырэ́скэ пэ кралитконэ стрэгарьендэ, савэ́ выгинэ́ тэ замарэ́н Вавилонытконэ годыпнаскирэн;