Ереме́ё 39:8 - Библия - Пэ Балтитко Романи чиб (Романэс) 2019

⁸ И э Халде́и хачкирдэ́ крали́скиро кхэр и кхэра́ манушэ́нгирэ яга́са, и ёнэ пхагирдэ́ ва́нты тэлэ́ Ерусалимо́скирэ.

Biblija - Pe Baltitko Romani čib (Romanes) 2019

⁸ I e Xaldiéi xačkirdé kralískiro kher i kherá manušéngire jagása, i jone phagirdé vánty telé Jerusalimóskire.

Ереме́ё 39:8 Referans Kwoze

Ниеми́я 1:3

И пхэндлэ́ ёнэ ма́нгэ: “Ячадэ мануша́, савэ́ ячнэ́ джидэ́ плено́стыр, исын одо́й, дро лэ́нгиро тхэм, дрэ бари би́да и дрэ напатыв; ва́нта Ерусалимо́скири исын пхагирды, и по́рты лэ́скирэ исын хачкирдэ́ яга́са.

Ереме́ё 38:18

Нэ ко́ли ту на джа́са муй пэ муй кэ Вавилоно́скирэ тхага́рья, то тэды дава́ фо́ро явэ́ла дыно́ дрэ васта́ Халдее́нгирэ, и ёнэ хачкирэна лэс яга́са, и ту никай на кэрэсапэ (на дэсапэ) лэ́нгирэ вастэ́ндыр.’”

Ереме́ё 21:10

Пал-дова́ со, Мэ рискирдём Пэ́скиро ило́ пэ дава́ фо́ро пэ биба́хт (чорипэ́н), а на пэ лачхипэ́н, – ракира́ва Мэ, Рай Дэвэ́л. ‘Дава́ фо́ро явэ́ла отдыно́ дрэ крали́скирэ-Вавилоно́скиро васт, и ёв схачкирэ́ла лэс яга́са.’”

Mihiejo 3:12

Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Amoso 2:5

Нэ Мэ бичхава́ва яг пэ Юдэ́я, и ёй хачкирэ́ла барэ́ фэлатиня́ дро Ерусалимо.”

Roiben 2:7

Ёв отпхэндяпэ ладжаса Пэ́скирэ алтарёстыр, Ёв мэкця́ Пэ́скиро Свэ́нто Штэ́то; Ёв отдыя́ фэлатинякирэ ва́нты Ерусалимо́стыр дрэ вэргоскирэ васта́. Ёнэ ґаздынэ́ дасави́ го́дла дро Ра́скирэ-Дэвлэ́скиро Кхэр, сыр дро свэнкэнгиро дывэ́с.

Roiben 2:2

Рай Дэвэ́л хасякирдя́ и на потангиндя сарэ́ Яково́скирэ кхэра́: Ёв чхурдыя́ тэлэ́ холя́тыр Юдэя́кирэ-чхакирэ тва́рдыми [зоралэ́ штэ́ты-р.с.], Ёв пхагирдя́ сарэ́са лэн пэ пхув, Ёв чхудя́ магирипэ́н пэ кралипэ́н и лэ́скирэ тхагарьендэ.

Roiben 1:10

Вэ́рго (врого) диндькирдя пэ́скиро васт пир кучипэ́н, со сыс лэ́стэ; Ерусалимо дыкхця́ сыр На́юды гинэ́ андрэ́ Свэ́нто Штэ́то, конэ́скэ Ту припхэндян тэ на джа́н андрэ́ Тыри́ Кхангири́.

Ереме́ё 37:10

Пал-дова́ со на дыкхи́ пэ дова́, со тумэ́ и домарэнас саро́ халадыбэ́н Халдеенгиро, савэ́ марэнаспэ проти тумэ́ндэ, и одо́й тэ ячэ́нпэ фэ́ни дукхадэ (ранена) мануша́ лэ́ндыр, тэды сароекх уштэлас кажно (сва́ко) ману́ш дрэ пэ́скири ша́тра, и хачкирэлас фо́ро яга́са.’”

Ереме́ё 34:22

Акэ, Мэ припхэнава, – ракирэ́ла Рай Дэвэ́л, – ‘и Мэ кэра́ва адя́кэ, со ёнэ рисёна кэ дава́ фо́ро. Ёнэ джа́на марибна́са пэ дава́ фо́ро и схачкирэна лэс яга́са; и Мэ кэра́ва фо́рья дрэ Юдэ́я чхучэ́, би манушэ́нгиро’”

Ереме́ё 34:2

‘Адя́кэ ракирэ́ла Рай Дэвэ́л, Дэвэ́л Израилёскиро: “Джа́ и ра́кир Сэдэкияса, крали́са пэ Юдэ́я и пхэн лэ́скэ: ‘Адя́кэ ракирэ́ла Рай Дэвэ́л: А́кэ, Мэ отда́ва дава́ фо́ро дро васта́ крали́скэ Вавилоно́стыр, и ёв хачкирэ́ла лэс яга́са.

Ереме́ё 17:27

Нэ ко́ли тумэ́ на явэ́на тэ пришунэнпэ кэ Мэ тэ свэнцякирэн [тэ свэнкинэн-р.с.] саватытко дывэ́с, и тэ на лыджа́н пхарипэ́н, сыр тумэ́ заджа́на пирда́л Ерусалимо́скири по́рта дро саватытко дывэ́с, тэды Мэ росхачкирава яг дрэ доя́ по́рта, и яг похала сарэ́са Ерусалимо́скирэ барэ́ фэлатиня́, и дая́ яг на мурдякирэна.’”

Ереме́ё 7:20

Палдава́ адя́кэ ракирэ́ла Рай Дэвэ́л, Дэвэ́л: “Акэ, Мири́ холы́ и Миро холякирибэ́н вычхувэнапэ пэ дава́ штэ́то – пэ манушэ́стэ, и пэ кхэритконэ́ мурдалэ́ндэ (ското); пэ фэлды́тка кашта́, и пэ пхаба́, со барьёна пэ пхув. Мири́ холы́ явэ́ла тэ хачол сы́рбы яг, и на мурдёла.

Isajos 5:9

Рай Дэвэ́л, болыбна́скиро-янголэ́нгиро, пхэндя́ дрэ мирэ́ кана́: “Далэ́ кхэра́ явэ́на чхучэ́ (пуста), барэ́ и гожа явэ́на, нэ нико́н на явэ́ла тэ дживэ́л одо́й.

2 Паралипоменоно 36:19

И хачкирдэ́ ёнэ Дэвлэ́скиро Кхэр, и роспхагирдэ́ Ерусалимо́скири ва́нта; и сарэ́ лэ́скирэ фэлатиня́ схачкирдэ́ яга́са, и сарэ́ дро́га кхорэ́ лэ́скирэ домардэ́.

4 Kralip 25:8

Пэ па́нджто чхон, пэ эфтатонэ-чхонэ́скиро дывэ́с, (саво́ сыс дро дэшуенято бэрш Навуходоносороскиро), явдя́ Навузардано, писха́ри Вавилоно́скиро крали́скиро манушэ́нгирэ-ракхибнарье́нгиро барыдыро́, Вавилоно́скиро крали́скиро дро Ерусалимо.

Psalmy 79:7

Пал-дова́ со ёнэ ханэ́ Яково́скиро ро́до и роспхагирдэ́ кэ пхув штэ́то, кай ёв дживдя́.

Ереме́ё 32:29

И Халдеи, савэ́ марэ́нпэ проти дава́ фо́ро, явэ́на и захачкирэна дава́ фо́ро и схачкирэна лэс, и кхэра́, пэ савэнгирэ стрэхи Юды тхувалякирдэ дрогонэ́ смолэнца Ваалоскэ и кай ёнэ вычхувэнас тхадунэ свэ́нта дыибэна́ явирэ дэвлорэ́нгэ, соб (кай) тэ дэн яг Мирэ́ холякэ пэ лэ́ндэ.

Езэкилё 16:41

И ёнэ хачкирэна сарэ́са тырэ́ кхэра́ яга́са, явэ́на тэ сэндякирэн тут анги́л бутэ́-джувлэнгирэ якха́. Мэ кэра́ва адя́кэ, со ту на явэ́са тэ кэрэ́с буты́р тырэ́ биладжакунэ́ рэ́нды, и ту на явэ́са дурэды́р тэ дэс почасту́нки.

Езэкилё 23:47

Манушэ́нгиро скэдыибэ́н домарла лэн барэ́нца, и чингирэла лэн пэ́скирэ курталэнца, ёнэ замарэна лэ́нгирэ чхавэ́н и чхае́н, а лэ́нгирэ кхэра́ хачкирэна яга́са.

Езэкилё 33:21

Дро дэшуявир бэрш, ко́ли амэн пиричхудэ тэ дживэ́н кэ Вавило́но, дро дэ́што чхон, пэ па́нджто чхонытко дывэ́с, явдя́ кэ мэ екх ману́ш, саво́ зракхцяпэ Ерусалимо́стыр и пхэндя́: “Фо́ро исын роспхагирдо!”

Ереме́ё 5:10

Джа́н упрэ́ пэ Ерусалимо́скирэ ва́нты и роспхагирэн лэн пэ котэра́, нэ тумэ́ на хасякирэ́н лэн сарэ́са. Кэдэн криг лэ́нгирэ хру́сты [шпили-р.с.],, пал-дова́ со ёнэ исын на Ра́скирэ-Дэвлэ́скирэ!