Ереме́ё 39:4 - Библия - Пэ Балтитко Романи чиб (Романэс) 2019

⁴ И сыс адя́кэ: ке́ли о Сэдэки́я, кра́ли Юдэя́киро, и яви́р мурша́ халадэ́нгирэ (марибны́тка) дыкхнэ́ лэн, тэды ёнэ лынэ́ тэ нашэ́н, и ёнэ гинэ́ яври́ форо́стыр раты́, крали́скирэ унтаса (садоса) пирда́л по́рта машкира́л дуй ва́нты. И ёнэ гинэ́ дромэ́са пир до́ло Ёрданоскиро.

Biblija - Pe Baltitko Romani čib (Romanes) 2019

⁴ I sys adiáke: kiéli o Sedekíia, králi Judejákiro, i javír muršá xaladéngire (maribnýtka) dykhné len, tedy jone lyné te našén, i jone giné javrí foróstyr ratý, kralískire untasa (sadosa) pirdál pórta maškirál duj vánty. I jone giné dromésa pir dólo Jordanoskiro.

Ереме́ё 39:4 Referans Kwoze

Amoso 2:14

Палдава́ сы́гно ману́ш на кэрлапэ никай, а зорало́ на явэ́ла тэ рикирэ́л пэ́скири зор, и муршари на зракхэ́ла кокоро́ пэс;

2 Паралипоменоно 32:5

И зоралыя ёв, и чхудя́ Езэки́я сари́ ва́нта, сави́ роспхагирдэ́, и ґаздыя́ ла кэ вучарды́ (башни), и яври́ кэрдя́ яви́р ва́нта, и зорьякирдя Мило дро Давидо́скиро фо́ро, и кэрдя́ древа́н бут мардытка и шчы́ты.

Езэкилё 12:12

И тхага́ри, саво́ исын машки́р лэ́ндэ, лэ́ла анги́л сыр калёла лэ́скиро миштыпэ́н пэ псико́ и джа́ла криг. Пропхагирэна ва́нта, соб (кай) ёв тэ выджа́л одотхы́р; ёв закэрэла пэскро муй адя́кэ, соб (кай) тэ на дыкхэ́л ада́я пхув якхэ́нца.

Яви́р Зако́но 28:25

Отдэ́ла тут Рай Дэвэ́л пэ мэрибэ́н (пэ хасибэ́н) тырэ́ вэргэ́нгэ (врогэнгэ); екхэ дромэ́са ту выджаса проти лэ́ндэ, а эфта́ дромэ́нца нашэса лэ́ндыр; и явэ́са ту росчхурдыно тэ дживэ́с пир сарэ́ кралипэна́ пэ пхув.

Левито 26:36

Одолэ́нгэ, кон ячэ́лапэ тумэ́ндыр, Мэ бичхава́ва дрэ ило́ намуршыпэн пэ пхув лэ́нгирэ вэргэнгири, и шумо патренгиро (листэнгиро), саво́ кунинэлапэ, традэ́ла лэн, и тумэ́ праста́на, сыр куртала́тыр, и пэрэ́на, ке́ли нико́н на традэлапэ,

Левито 26:17

и Мэ рискира́ва Миро муй пэ тумэ́ндэ, и тумэ́ пэрэ́на анги́л тумарэ́ вэргэ́ндэ, и намала тумарэ́ явэ́на хулая́ пэ тумэ́ндэ, и тумэ́ праста́на, ке́ли нико́н на явэ́ла тэ традэлпэ пал тумэ́ндэ.

Isajos 22:11

и кэрэ́на машки́р дуй ва́нты вэндэри́н [рово (хохо́й)-ю.о.], соб (кай) тэ ракхэ́н пани́ пхуранэ́ вэндэриня́тыр. А пэ Одолэ́стэ, Кон кэрэ́ла дава́, тумэ́ на явэ́на тэ дыкхэ́н; и тумэ́ на дыкхэ́на пэ Одолэ́стэ, Кон ґара́ припхэндя́, соб (кай) адя́кэ тэ явэ́л.

Ереме́ё 32:4

и Сэдэки́я, кра́ли Юдэя́киро, на зракхэ́лапэ Халдее́нгирэ вастэ́ндыр, нэ ёв адя́кэ пэрэ́ла дро васт крали́скиро Вавилоно́скиро, и ёв явэ́ла тэ ракирэ́л лэ́са муял (муй пэ муй), и тэ дыкхэ́л лэс якх пэ якх;

Езэкилё 12:4

И вылыджа тыро́ миштыпэ́н сыр дова́, со трэй ваш пиритрадыпэн, дывэсэ́, анги́л лэнгрэ якха́, и кокоро́ выджа бэльвэле́ анги́л лэ́нгирэ якха́, сыр выджа́на мануша́, ко́ли традэ́на дрэ наволя.

Isajos 22:3

Сарэ́ тырэ́ пхурыдыра́ прастанас кхэтанэ́, нэ халадэ́ лэн спхандлэ; сарэ́, кон ту́тэ латхяпэ, пхандлэ кхэтанэ́, сы́рбы дур ёнэ на прастанас.

Isajos 29:2

Нэ Мэ тасавава Ариило, явэ́на тэ годлэн, явэ́на тэ ровэ́н, и ёв ячэ́лапэ Ма́ндэ, сыр Ариило.

Ереме́ё 32:5

тэ́ньчи Навуходоносо́ро лыджа́ла Сэдэкияс кэ Вавило́но, и одо́й ёв явэ́ла анги́л дава́, сыр Мэ ява́ва кэ ёв, – ракирэ́ла Рай Дэвэ́л; мэк тумэ́ рисёна и явэ́на тэ марэ́нпэ Халдее́нца, тумэ́нгэ на явэ́ла бахт.’