Ереме́ё 39:1 - Библия - Пэ Балтитко Романи чиб (Романэс) 2019

¹ И сыс адя́кэ: дро дэ́што чхон, дро еня́то (биекхэ́скиро дэ́што) бэрш, ке́ли о Сэдэки́я сыс Юдэя́киро кра́ли, явдя́ о кра́ли Навуходоносо́ро Вавилоно́стыр и саро́ лэ́скиро халадыбэ́н проти Ерусалимо, и ёнэ обчхудэ трусця́л (кругом) фо́ро.

Biblija - Pe Baltitko Romani čib (Romanes) 2019

¹ I sys adiáke: dro déšto čhon, dro jeniáto (bijekhéskiro déšto) berš, kiéli o Sedekíia sys Judejákiro králi, javdiá o králi Navuhodonosóro Vavilonóstyr i saró léskiro xaladybén proti Jerusalimo, i jone občhude trusciál (krugom) fóro.

Ереме́ё 39:1 Referans Kwoze

Заха́рия 8:19

Адя́кэ ракирэ́ла янголэ́нгирэ-болыбна́скиро Рай Дэвэ́л: Посто дро шта́рто чхон и посто дро па́нджто чхон, и посто дро эфта́то чхон и дро дэ́што, мэк тэ явэ́л ваш кхэр Юда́скиро радымакиро и бахтало́ свэ́нко; фэ́ни тумэ́ сан бангэ́ тэ рикирэ́н чачипэ́н и рама́нё.’

Яви́р Зако́но 28:36

Лыджа́ла криг Рай Дэвэ́л тут и крали́с тырэ́с, савэ́с ту чхувэ́са пэ пэ́стэ, кэ мануша́, савэ́н на джиндян ни ту, ни дада́ тырэ́, и одо́й ту явэ́са тэ дынаринэс явирэ дэвлорэ́нгэ, каштунэнгэ и барунэнгэ;

Ереме́ё 32:1

Лав, саво́ сыс кэ Ереме́ё Ра́стыр-Дэвлэ́стыр пэ дэ́што бэрш Сэдэкияскиро-крали́скиро дрэ Юдэ́я, дава́ сыс дэшуохтото бэрш, сыр о Навуходоносо́ро лыя́ тэ кралинэ́л.

Ереме́ё 34:1

Акэ, лав, со сыс кэ Ереме́ё Ра́стыр-Дэвлэ́стыр, ке́ли о Навуходоносо́ро, кра́ли Вавилоно́скиро, и саро́ халадыбэ́н лэ́скиро, и сарэ́ кралипэна́ пэ пхув тэл лэ́скири зор, и сарэ́ мануша́, мардэ́пэ проти Ерусалимо, и проти сарэ́ лэ́скирэ фо́рья, и пхэндя́:

Ереме́ё 34:22

Акэ, Мэ припхэнава, – ракирэ́ла Рай Дэвэ́л, – ‘и Мэ кэра́ва адя́кэ, со ёнэ рисёна кэ дава́ фо́ро. Ёнэ джа́на марибна́са пэ дава́ фо́ро и схачкирэна лэс яга́са; и Мэ кэра́ва фо́рья дрэ Юдэ́я чхучэ́, би манушэ́нгиро’”

Ереме́ё 42:18

Палдавэ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л’: ‘Сыр мири́ холы́ и миро холякирибэ́н чхувэ́лапэ пэ манушэ́ндэ Ерусалимо́стыр, адя́кэ-паць вычхувэлапэ Мири́ холы́ пэ тумэ́ндэ, ке́ли тумэ́ джа́на андрэ́ Еги́пто; пэ тумэ́ндэ явэ́ла прокошыбэ́н (арман), бари дар [чхучипэн-ю.о.], кошыбэ́н, бипатыв; и тумэ́ буты́р на дыкхэ́на дава́ штэ́то’”

Езэкилё 4:3

Лэ пэ́скэ саструны пхал и чхув ла сыр саструны ва́нта машки́р ту́тэ и машки́р фо́ро, и дыкх пэ фо́ро. Пэ фо́ро ґаздэ́напэ вэ́рги, а акана́ ту кэр, сыр ёнэ. Кадава́ явэ́ла ґерты́к (сыкаибэ́н) Израилёскирэ кхэрэ́скэ.

Езэкилё 5:2

Три́то часть (частыр) хачкир яга́са машки́р фо́ро, сыр пхэрдякирэнапэ дывэса́, сыр вэ́рги облынэ трусця́л (ротаса) фо́ро, три́то частыр лэ и почингир куртала́са пашы́л фо́ро, и росчхурдэ три́то частыр пир балва́л. А Мэ вытырдава курта́ла пал лэ́ндэ.

Езэкилё 33:21

Дро дэшуявир бэрш, ко́ли амэн пиричхудэ тэ дживэ́н кэ Вавило́но, дро дэ́што чхон, пэ па́нджто чхонытко дывэ́с, явдя́ кэ мэ екх ману́ш, саво́ зракхцяпэ Ерусалимо́стыр и пхэндя́: “Фо́ро исын роспхагирдо!”

Езэкилё 40:1

Дро биш тэ па́нджто бэрш, ко́ли амэ вытрадыям, ко́ли лыяпэ бэрш, пэ дэ́што чхонытко дывэ́с, дро дэшуштарто бэрш, ко́ли сыс роспхагирдо фо́ро, дро дова́-паць дывэ́с сыс пэ ма́ндэ Ра́скирэ-Дэвлэ́скиро васт, и Ёв лыджия́ ман одори́к.

2 Паралипоменоно 36:17

И Ёв яндя́ пэ лэ́ндэ Халдеенгирэ крали́с, – и одова́ мулякирдя́ тэрнэ́ манушэ́н лэ́нгирэ куртала́са дрэ лэ́нгиро свэнтыныбнаскиро кхэр, и на потангиндя ни тэрнэ́ чхавэ́с, ни патываля чха, ни пхурэс, ни богос: саро́ отдыя́ Дэвэ́л дрэ лэ́скиро васт.

Ереме́ё 6:6

И пхэндя́ адя́кэ Рай Дэвэ́л, болыбна́скирэ – янголэ́нгиро: “Чингирэн тэлэ́ кашта́, и чхувэ́н пхув тэ явэ́л вало трусця́л Ерусалимо. Дава́ фо́ро тэ джал тэл пхаро́-сэндякирибэн: мануша́ тасавэна екх екхэ́с дро дава́ фо́ро.

Ереме́ё 52:1

Сэдэкияскэ сыс биш тэ е́кх бэрш, сыр ёв яця́ крали́са, и ёв сыс крали́са дэшуе́кх бэрш дро Ерусалимо. Лэ́скирэ-да́киро лав сыс Хамуталь, сави́ сыс Еремеёскири чхай Ливнатыр.