Ереме́ё 30:3 - Библия - Пэ Балтитко Романи чиб (Романэс) 2019

³ Акэ явэ́на дывэса́’, – ракирэ́ла Рай Дэвэ́л, – ‘Ке́ли Мэ яна́ва палэ плено́стыр Мирэ́ манушэ́н Израилёстыр и Юдэя́тыр’, – ракирэ́ла Рай Дэвэ́л. ‘И Мэ кэра́ва адя́кэ, соб (кай) ёнэ тэ рисён пэ пхув, сави́ Мэ дыём лэ́нгирэ дадэ́нгэ, соб (кай) ёнэ тэ явэ́н хулая́ пэ ла́тэ.’”

Biblija - Pe Baltitko Romani čib (Romanes) 2019

³ Ake javéna dyvesá’, – rakiréla Raj Devél, – ‘Kiéli Me janáva pale plienóstyr Miré manušén Izrailjostyr i Judejátyr’, – rakiréla Raj Devél. ‘I Me keráva adiáke, sob (kaj) jone te risjon pe phuv, saví Me dyjom léngire dadénge, sob (kaj) jone te javén xulaja pe láte.’”

Ереме́ё 30:3 Referans Kwoze

Ереме́ё 29:14

и Тумэ́ латхэ́на Ман’, – ракирэ́ла Рай Дэвэ́л, – и Мэ яна́ва палэ тумэн тумарэ́ плено́стыр: и Мэ скэда́ва тумэн сарэ́ Наюдытконэ́ нацые́ндыр и сарэ́ штэтэ́ндыр, кэ савэ́ Мэ традыём тумэн’, – ракирэ́ла Рай Дэвэ́л, – ‘и Мэ яна́ва тумэн палэ пэ штэ́то’, савэ́стыр Мэ тумэн лыджиём дро пле́но.

Ереме́ё 16:15

нэ явэ́на тэ ракирэ́н: ‘Тэ дживэ́л Рай Дэвэ́л, Саво́ яндя́ Израилёскирэ чхавэ́н паш-ратитконэ́ (севернонэ) пхувья́тыр, и, сарэ́ пхувьендыр, карик Ёв вытрадыя́ лэн. ‘Пал-дова́ со Мэ яна́ва палэ лэн пэ пхув, сави́ Мэ дыём лэ́нгирэ дадэ́нгэ.

Езэкилё 20:42

И ґалёна тумэ́, со Мэ сом Рай Дэвэ́л, Дэвэ́л, ке́ли Мэ яна́ва тумэн пэ пхув Израилёскири, дро тхэм (страна), пал саво́ Мэ ґаздыём Миро васт совлахаса тэ дав тумарэ́ дадэ́нгэ.

Ереме́ё 30:18

‘Адя́кэ ракирэ́ла Рай Дэвэ́л: “Акэ, Мэ яна́ва палэ плено́стыр Яково́скирэ ша́тры, и Мэ сыкава́ва ла́ска пэ лэ́скиро штэ́то шатрэнца; и фо́ро нэвэ́стыр явэ́ла чхудо пэ пэ́скиро штэ́то, и Кхангири́ явэ́ла кэрды сыр сыс.

Софония 3:20

Дро дава́ часо Мэ яна́ва тумэн палэ, и адя́кэ-паць Мэ скэда́ва тумэн. Мэ да́ва паты́в тумэ́нгэ и ґазда́ва тумэн машки́р сарэ́ манушэ́ндэ пэ пхув, ке́ли Мэ яна́ва палэ тумарэ́ пленонэн анги́л тумарэ́ якха́”, – пхэндя́ Рай Дэвэ́л.

Ереме́ё 33:26

то тэды Мэ дурьякирава бы криг Пэ́стыр кхэри́тко ро́до (пле́мё) Яково́скиро и кхэри́тко ро́до Давидо́скиро, Мирэ́ писхарискиро адя́кэ, соб (кай) тэ на лав буты́р лэ́скирэ кхэритконэ́ родо́стыр тхэмэ́скирэ барыдырэ́н пэ ро́до Авраамо́скиро, Исако́скиро и Яково́скиро. Пал-дова́ со Мэ яна́ва палэ лэн плено́стыр и Мэ сыкава́ва тангипэ́н (ла́ска) пэ лэ́ндэ.’”

Ереме́ё 32:44

Э мануша́ явэ́на тэ кинэн фэ́лды пал ловэ́ (руп), и тэ подчхинэн лыла́ (брифы), и тэ чхувэ́н чэргэн пэ лэ́ндэ, и тэ лэн якхитконэн пэ пхув Веньяминоскири, и пэ штэ́ты, и со исын пашы́л Ерусалимо, и дрэ фо́рья Юдэя́кирэ, и дрэ фо́рья пэ бэ́рги, и дрэ фо́рья пэ тэлатунэ́ штэ́ты, и дрэ фо́рья паш-дывэсытка (южна), пал-дова́ со Мэ рискира́ва лэн плено́стыр”, – ракирэ́ла Рай Дэвэ́л.

Юдэ́нгэ 8:8

Нэ Дэвэ́л бангякирэла Пэ́скирэ манушэ́н, ке́ли Ёв ракирэ́ла пир пророкостэ: “Ѓа́да, явэ́на дывэса́”, – ракирэ́ла Дэвэ́л, – “ке́ли Мэ кэра́ва Нэво́ Завето Израилёскирэ и Юда́скирэ манушэ́нца;

Ioil 3:1

Пал-дова́ со, акэ, дрэ долэ́ дывэса́ и дро дава́ часо, ке́ли Мэ яна́ва палэ пленонэ манушэ́н Юдэя́тыр и Ерусалимо́стыр,

Езэкилё 36:24

Мэ ла́ва тумэн Наюдытконэ́ нацые́ндыр (народэндыр), кэдава тумэн сарэ́ ригэ́ндыр, Мэ яна́ва тумэн пэ тумари́ пхув.

Psalmy 53:6

Одо́й ёнэ явэ́на дро баро́ трашаибэ́н, кай нанэ трашаибэ́н, пал-дова́ со Дэвэ́л росчхурдэла кокалы́ одолэнгирэ, савэ́ обджана трусця́л (кругом) марибна́са пэ Лэ́скирэ манушэ́ндэ. Ёнэ явэ́на ладжакирдэ́, пал-дова́ со Дэвэ́л чхудя́ лэн дрэ бипатыв.

Luka 21:6

“Явэ́на дывэса́, ке́ли далэ́стыр, со тумэ́ дыкхэ́на, на ячэ́лапэ бар пэ бар; саво́ тэ на явэ́л пхагирдо́.”

Luka 19:43

пал-дова́ со явэ́на дывэса́ пэ ту́тэ, со тырэ́ вэ́рги ґаздэ́на барикады трусця́л ту́тэ и облэна тут сарэ́ ригэ́ндыр; и стасавэна тут сарэ́ ригэ́ндыр,

Luka 17:22

Тэды Ису́со ишчо (инкэ́) пхэндя́ сыкляибнытконэ́нгэ: “Явэ́на дывэса́, ке́ли тумэ́ древа́н закамэна хоць пэ екх дывэ́с тэ дыкхэ́н Чхавэ́с Манушэскирэс, ке́ли Ёв сыкадёла, нэ тумэ́ на дыкхэ́на;

Езэкилё 47:14

Лэн дая́ пхув сыр мэкно́ миштыпэ́н екх и яви́р ману́ш, пал-дова́, со Мэ ґаздыём Миро васт совлахаса тэ дав дая́ пхув тумарэ́ дадэ́нгэ, кадая́ пхув исын тумаро́ мэкно́ миштыпэ́н.

Ереме́ё 32:37

Акэ, Мэ ява́ва тэ кэдав лэн сарэ́ тхэмэндыр (странэндыр), кэ савэ́ Мэ традыём лэн дрэ Мири́ холы́, и дро Миро холякирибэ́н, и дро Мири́ хор холы́, и Мэ яна́ва палэ лэн пэ дава́ штэ́то, и Мэ да́ва лэ́нгэ тэ дживэ́н би дара́киро.

Ереме́ё 31:38

“Акэ, явэ́на дывэса́,” – ракирэ́ла Рай Дэвэ́л, – со фо́ро явэ́ла чхудо ваш Ра́скэ-Дэвлэ́скэ Анамеилоскирэ (Хананилоскирэ) вучардятыр (башнятыр) кэ Вангарытко по́рта [Вэнглытко-ю.о.].

Ереме́ё 31:31

“И явэ́на дывэса́’, – ракирэ́ла Рай Дэвэ́л, – ‘ке́ли Мэ счхувава Нэво́ Завето Израилёскирэ кхэрэса и Юдэя́кирэ кхэрэса –

Ереме́ё 31:27

“Акэ, явэ́на дывэса́’, – ракирэ́ла Рай Дэвэ́л’, – со Мэ кэра́ва адя́кэ, соб (кай) дро Юдэя́киро и дро Израилёскирэ кхэра́ тэ бияндён (лотён) мануша́, и тэ бияндён кхэри́тка мурдала́ (ското).

Ереме́ё 30:10

И ту, Миро писха́ри, Яково, на дар’, – ракирэ́ла Рай Дэвэ́л’, – на замэр дара́тыр, о Израилё: Акэ, Мэ зракха́ва тут дуратунэ́ тхэмэстыр, и тыро́ кхэри́тко ро́до штэтэ́ндыр, кай сыс ёнэ дро пле́но. О Яково рисёла палэ и явэ́ла рама́нё, Ёв явэ́ла тэ дживэ́л би дара́киро.

Ереме́ё 27:22

лэн лыджа́на криг дро Вавило́но, и одо́й явэ́на ёнэ кэ дывэ́с, ке́ли Мэ ява́ва кэ ёнэ’ – ракирэ́ла Рай Дэвэ́л.’ Тэды Мэ яна́ва лэн и Мэ чхува́ва палэ лэн пэ дава́ штэ́то.’”

Ереме́ё 27:11

Нэ нацыя, сави́ чхувэ́ла пэ́скири мэн дро ґа́мо крали́скиро Вавилоно́стыр, и сави́ явэ́ла тэ дынаринэ́л лэ́скэ, Мэ да́ва во́ля лэ́нгэ тэ ячэ́нпэ пэ лэ́нгири пхув’, – ракирэ́ла Рай Дэвэ́л, – ‘и ёнэ явэ́на тэ обкэрэн дая́ пхув, и ёнэ явэ́на тэ дживэ́н пэ ла́тэ.’”

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

Е́здра 3:12

Нэ, бут рашая́, и Леви́ты, э шэралэ́ пэ стрэ́чы /дадэнги́рэ-ро́ды (поколении), савэ́ сыс пхуранэ́ мануша́, и дыкхнэ́ пэ́рво Кхангири́, рондлэ́ зоралэ́с, ке́ли чхудэ́ фунда́менто анги́л лэ́нгирэ якха́, и бут дынэ́ го́дла радыма́тыр.

Е́здра 3:8

Пэ яви́р бэрш, сыр ёнэ явнэ́ кэ Кхэр (Кхангири́) Ра́скирэ-Дэвлэ́скиро дро Ерусалимо дро яви́р чхон, о Зоровавелё, чхаво́ Салафиилоскиро [Шалтилоскиро-ю.о.], о Ёхошуа́ (Ису́со), чхаво́ Иоседэкоскиро (Ёзадакоскиро), и яви́р лэ́нгирэ пша́ла: э рашая́ и Леви́ты, и кодолэ́ сарэ́, кон рисия́ плено́стыр кэ Ерусалимо, и ёнэ лынэ́ тэ кэрэ́н буты́ и чхудэ́ Левитэ́н, савэ́нгэ сыс биш бэрш и пхурэды́р тэ дыкхэ́н пал буты́ пэ Кхэр (Кхангири́) Ра́скирэ-Дэвлэ́скиро.

Е́здра 3:1

И ке́ли эфта́то чхон явдя́, и чхавэ́ Израилёскирэ сыс дрэ фо́рья, э мануша́ скэдынэ́пэ кхэтанэ́ со кэ екх дро Ерусалимо.

Яви́р Зако́но 30:3

тэды Рай Дэвэ́л, Дэвэ́л тыро́ рискирэ́ла тырэ́ манушэ́н плено́стыр, и потангинэла тут, и нэвэ́стыр скэдэ́ла тут сарэ́ манушэ́ндыр (народэндыр), машки́р савэ́ндэ Ёв росчхудя́ тут тэ дживэ́л Рай Дэвэ́л, Дэвэ́л тыро́.

Ереме́ё 31:23

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Ке́ли Мэ яна́ва лэн плено́стыр, ёнэ нэвэ́стыр явэ́на тэ ракирэ́н дава́ лав пэ Юдэякири пхув и дрэ ла́кирэ фо́рья: ‘Тэ бахтякирэ́л Рай Дэвэ́л тут, о чачипна́скиро кхэр, о свэ́нто бэ́рга!’

Яви́р Зако́но 30:5

и янэ́ла тут Рай Дэвэ́л, Дэвэ́л тыро́, пэ пхув, сави́ сыс тырэ́-дадэнгири, и ту дорэсэса ла, и Ёв бахтякирэ́ла тут, и создэла ту́тыр буты́р манушэ́н, сыр сыс тырэ́ дадэндэ.

Ереме́ё 3:18

Дрэ долэ́ дывэса́ мануша́ Юдэя́кирэ кхэрэ́стыр явэ́на кэ Израилёскиро кхэр, и ёнэ явэ́на кхэтанэ́ тэ джа́н пхувья́тыр, со исын пэ паш-рати́тко (шылалы) риг кэ пхув, со Мэ дыём тумарэ́ дадэ́нгэ сыр мэкно́ миштыпэ́н.

Ереме́ё 29:10

‘Акэ, со ракирэ́ла Рай Дэвэ́л: ‘Ке́ли кончынэнапэ [проджа́на-р.с.] тумарэ́ эфтадэша́ бэрш дро Вавило́но, тэды Мэ ява́ва кэ тумэ́, и Мэ сполнинава Миро лачхо́ лав ваш тумэ́нгэ, соб (кай) тэ янав палэ тумэн пэ дава́ штэ́то.

Ереме́ё 30:4

И, акэ, исын лава́, со пхэндя́ Рай Дэвэ́л пал Израиле и пал Юдэ́я:

Ереме́ё 31:16

Адя́кэ ракирэ́ла Рай Дэвэ́л: “Обрикирпэ роибнастыр, и тырэ́ якха́ ясвэндыр; пал-дова́ со дова́, со ту кэрдя́н пэ́скирэ биятэнгэ, рисёла лачхипна́са, – ракирэ́ла Рай Дэвэ́л: ‘Тырэ́ бияты явэ́на палэ вэргоскирэ пхувья́тыр.

Ереме́ё 51:60

И Ереме́ё зачхиндя́ дрэ лылвари́ сари́ биба́хт (би́да), со трэиндя́ тэ явэ́л пэ Вавило́но – сарэ́ далэ́ сама лава́, со исын зачхиндлэ́ пэ Вавило́но.

Psalmy 126:4

Ян палэ амарэ́ манушэ́н плено́стыр, сыр ручаи янэ́на пани́ пэ паш-дывэсы́тко (южно) риг.

Езэкилё 34:13

И Мэ вылыджава лэн народэндыр, Мэ скэда́ва лэн ригэ́ндыр, Мэ яна́ва лэн пэ лэ́нгири пхув, Мэ ява́ва тэ чаравав лэн пэ Израилёскири бэ́рги пашы́л панескиро потоко, пэ сарэ́ адалакирэ-пхувья́киро штэ́ты.

Софония 2:7

Брэ́го явэ́ла штэ́то манушэ́нгэ, кон ячэ́лапэ Юда́скирэ кхэрэ́стыр; ёнэ явэ́на тэ чаравэн лэ́нгирэ-бакрэ́нгирэ ґурты одо́й, бэльвэленца ёнэ явэ́на тэ пасён дрэ кхэра́ Аскалоноскирэ: пал-дова́ со о Рай Дэвэ́л, лэ́нгиро Дэвэ́л, затэрдёла пал лэ́ндэ, и рискирэ́ла палэ лэ́нгирэ манушэ́н плено́стыр”.