Ереме́ё 3:7 - Библия - Пэ Балтитко Романи чиб (Романэс) 2019

⁷ И пало́ дова́, сыр Израилё кэрдя́ саро́ дава́, Мэ пхэндём: “Рисёв кэ Мэ.” Нэ ёв на рисия́. И лэ́скири здыибнаскири пхэн Юдэ́я дыкхця́ дава́.

Biblija - Pe Baltitko Romani čib (Romanes) 2019

⁷ I paló dová, syr Izrailjo kerdiá saró davá, Me phendjom: “Risjov ke Me.” Ne jov na risijá. I léskiri zdyibnaskiri phen Judéia dykhciá davá.

Ереме́ё 3:7 Referans Kwoze

Езэкилё 16:46

Пхурэды́р тыри́ пхэн – Сама́рия, сави́ дживэ́ла пэ́скирэ чхаенца пэ зэ́рво (ле́во) риг ту́тыр, а тыкнэды́р исын тыри́ пхэн, сави́ дживэ́ла пэ чачи́ (право) риг ту́тыр, сави́ исын Содо́мо ла́кирэ чхаенца.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Ереме́ё 5:11

Сарэ́ джинэ́на, со Израилёскиро кхэр и Юдэя́киро кхэр ячкирдэ́ Ман сыр напатяибнытка, – ракирэ́ла Рай Дэвэ́л.

Ереме́ё 12:1

Чачуно́ сан Ту, Рай Дэвэ́л, ко́ли мэ ява́ва тэ лыджав миро рэ́ндо Ту́са, мэк мэ тэ ракира́в пал Тыро́ чачипэ́н. Со́скэ да злыднитконэ манушэ́нгэ удэлапэ кэ миштыпэ́н? Со́скэ исын куч одолэ́нгэ, савэ́ исын бикиибнарья [нахрата-р.с.]?

Ереме́ё 33:24

‘Адя́кэ ракирэ́ла Рай Дэвэ́л: ‘Ци ґалыян ту дова́, со адалэ́ мануша́ ракирэ́на: ‘Ци далэ́ дуй кхэри́тка ро́ды (пле́ми): Юда́скиро и Израилёскиро дурьякирдя Рай Дэвэ́л Пэ́стыр, савэ́ Ёв выкэдыя́ Пэ́скэ?’ Палдава́ ёнэ лынэ́ тэ дыкхэ́н вучипна́стыр пэ Мирэ́ манушэ́ндэ сы́рбы ёнэ акана́ на гинэ́на лэн буты́р сыр нацыя.’

Езэкилё 16:47

Нэ ту на псирэсас лэ́нгирэ дромэ́нца, и ту на кэрэсас лэ́нгирэ джунгалыпэна, над, одова́ сыс сы́рбы на́бут, нэ ту́тэ трэ биладжакунэ́ рэ́нды пэ сарэ́ тырэ́ дрома́ исын бутэды́р лэ́ндыр.

Osija 11:7

Мирэ́ мануша́ бандинэ, соб (кай) тэ дурьён криг Ма́ндыр. На дыкхи́ пэ дова́, со ёнэ кхарна Ман тэ помогинав, Най Вучэдыронэс, ние́кх лэ́ндыр на барьякирэ́ла Лэс.

Amoso 4:8

Палдава́ дуй, ци трин фо́рья гинэ́ кэ яви́р фо́ро тэ пьен пани́, нэ ёнэ на пинэ́ чалэ́с, нэ усае́кх тумэ́ на рисинэ́ кэ Мэ”, – ракирэ́ла Рай Дэвэ́л.

Малахия 2:11

Юда кэрдя́ нахратэс (напатяибныткэс), и джунгалэ́ рэ́нды (де́лы) кэрэ́напэ дро Израилё и Ерусалимо: О Юда кэрдя́ бипатыв Ра́скирэ-Дэвлэ́скирэ свэнтонэ́ штэтоскэ, саво́ лэс притырдыя, ке́ли ёв лыя́ джувля́ пэ́скэ родо́стыр, саво́ кэрэ́ла паты́в чужонэ́ дэвлорэскэ.

2 Паралипоменоно 17:4

нэ родыя ёв Рас-Дэвлэ́с, пэ́скирэ Дадэскирэс и кэрдя́ пир Лэ́скирэ припхэныбэна́, а на пир Израильтянэнгирэ рэ́нды.