Ереме́ё 3:16 - Библия - Пэ Балтитко Романи чиб (Романэс) 2019

¹⁶ И явэ́ла адя́кэ: ке́ли тумэ́ндэ бияндёна бут-бут мануша́ и явэ́на буты́р и буты́р мануша́ тумэ́ндэ, дро долэ́ дывэса́, – пхэндя́ Рай Дэвэ́л, – тумэ́ндэ на явэ́на тэ ракирэ́н буты́р: ковчэго (мохто́) Дэвлэ́скирэ Заветоса.’ Манушэ́ндэ на явэ́ла дава́ пэ годы́: ёнэ на явэ́на ни тэ рипирэ́н дава́, ни тэ явэ́н кэ ковчэго ни на подкэрэн лэс.

Biblija - Pe Baltitko Romani čib (Romanes) 2019

¹⁶ I javéla adiáke: kiéli tuménde bijandjona but-but manušá i javéna butýr i butýr manušá tuménde, dro dolé dyvesá, – phendiá Raj Devél, – tuménde na javéna te rakirén butýr: kovčego (mohtó) Devléskire Zavietosa.’ Manušénde na javéla davá pe godý: jone na javéna ni te ripirén davá, ni te javén ke kovčego ni na podkeren les.

Ереме́ё 3:16 Referans Kwoze

Езэкилё 37:26

И буты́р Мэ кэра́ва лэ́нца раманёно (ми́рно) завето; ве́чно завето явэ́ла лэ́нца. Мэ да́ва лэ́нгэ лачхо́ джиибэ́н, адя́кэ, соб (кай) бут лэн тэ явэ́л, Мэ чхува́ва машки́р лэ́ндэ Миро свэ́нто штэ́то пэ сарэ́ бэрша́.

Isajos 65:17

Акэ, Мэ кэра́ва нэво́ болыбэ́н и нэви́ пхув; пал доя́ пхув болыбнаса, савэ́ сыс англэды́р вагэдыр (ґарэдыр) буты́р на пририпирна.

Матфеё 3:9

И на думинэн тэ ракирэ́н пэ́скэ: ‘Авраа́мо сыс дад амаро́;’ пал-дова́ со мэ ракира́ва тумэ́нгэ, со Дэвэ́л могинэ́ла далэндыр барэндыр тэ ґаздэл биятэ́н Авраамо́скэ.

Ереме́ё 31:8

Дыкхэ́н, Мэ яна́ва палэ лэн паш-ратитконэ́ тхэмэстыр, и Мэ скэда́ва лэн самонэ ягорэндыр пэ пхув. Машкир лэ́ндэ явэ́на: корори, и лангалы, пхари́ джувлы́, и джувлы́, савьякэ, трэй тэ биянэ́л-кхэтанэ́; баро́ скэдыибэ́н (сонмо) явэ́ла палэ [рисёла-р.с.] ада́й!

Ереме́ё 30:19

И долэ́ форо́стыр мануша́ явэ́на тэ парикирэ́н зоралэ́с, и ёнэ явэ́на древа́н тэ радынэ́нпэ. И Мэ кэра́ва адя́кэ, со лэн явэ́ла бутэды́р, и ёнэ на явэ́на тэ тыкнён. И Мэ барьякирава лэ́нгири паты́в, соб (кай) ёнэ тэ на дыкхэ́н пэ лэ́ндэ вучипна́стыр.

Isajos 61:4

И ёнэ явэ́на тэ ґаздэ́н пхувья́, савэ́ ґара́ исын чхучэ́; ґаздэ́на ґаратунэ́ роспхагирдэ́ кхэра́ и обчордэ фо́рья, савэ́ ґаратунэ́ дывэсэ́ндыр сыс чхучэ́.

Isajos 60:22

Тыкнэ́ манушэ́стыр тысёнцо бияндёла, самонэ бизорьякирэстыр манушэ́стыр бияндёла зорало́ народо. Мэ, Рай Дэвэ́л, сы́гэс кэра́ва дава́, ко́ли явэ́ла лэ́скиро часо.”

Матфеё 1:11

Иосия сыс Иокимоскиро дад, Иокимо сыс дад Ехонияскэ и лэ́скирэ пшалэ́нгэ анги́л дова́, сыр Юдэ́н лыджинэ́ дро пле́но (пэ зор) тэ дживэ́н кэ Вавило́но.

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Amoso 9:9

“Пал-дова́ со Мэ припхэнава, и Мэ росчхувава манушэ́н Израилёскирэ кхэрэ́стыр, машки́р сарэ́ на́цыи сы́рбы гив росчхувэлапэ дро поризэ́н (рошо́то); нэ и са́мо тыкнэды́р зя́рка на пэрэ́ла пэ пхув.

Ереме́ё 31:27

“Акэ, явэ́на дывэса́’, – ракирэ́ла Рай Дэвэ́л’, – со Мэ кэра́ва адя́кэ, соб (кай) дро Юдэя́киро и дро Израилёскирэ кхэра́ тэ бияндён (лотён) мануша́, и тэ бияндён кхэри́тка мурдала́ (ското).

Ереме́ё 7:4

На допатян зоралэ́с хоханэ́ лавэнгэ, со пхэнэ́на: ‘Дава́ исын Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́.’

Ереме́ё 3:17

Дро дава́ часо (цы́ро) ёнэ явэ́на тэ кхарэ́н Ерусалимо Ра́скирэ-Дэвлэ́скиро троноса, и сарэ́ манушэ́нгирэ на́цыи кэдэнапэ кхэтанэ́ кэ Ерусалимо и буты́р на явэ́на тэ псирэ́н накандунэс пир лэ́нгирэ пхарэ́ илэ.

Езэкилё 15:5

Ко́ли ишчо (инкэ́) ёв сыс цэ́ло, и нашты́ сыс тэ кэрэ́н лэ́стыр вари-со, нэ ке́ли яг схая лэс, со ёв схачия, кэрэ́са ли лэ́стыр вари-со лачхо́ ваш буты́?