Ереме́ё 3:13 - Библия - Пэ Балтитко Романи чиб (Романэс) 2019

¹³ Фэ́ни (екх) приґалёв пэ́скири банг, со ту пхагирдян Ра́скирэ-Дэвлэ́скиро, Дэвлэ́скиро Зако́но, и ту чхурдэсапэ екхэ рига́тыр пэ яви́р анги́л чужонэ́ дэвлорэндэ, тэл кажно зэлэно дрэ́во, и со ту на шундя́н Мири́ зан’, – пхэндя́ Рай Дэвэ́л.

Biblija - Pe Baltitko Romani čib (Romanes) 2019

¹³ Féni (jekh) priĥaljov péskiri bang, so tu phagirdian Ráskire-Devléskiro, Devléskiro Zakóno, i tu čhurdesape jekhe rigátyr pe javír angíl čužoné devlorende, tel kažno zeleno drévo, i so tu na šundián Mirí zan’, – phendiá Raj Devél.

Ереме́ё 3:13 Referans Kwoze

Ереме́ё 3:25

Амэ сам паштэ́ дрэ амари́ ладж, и амаро́ биладжаипэ́н чхакирдя амэн: пал-дова́ со амэ кэрдя́м грэ́хо проти Растэ-Дэвлэ́стэ, амарэ́ Дэвлэ́стэ: амэ и амарэ́ дада́, амарэ́ тырныпнастыр кэ ададывэ́с, и амэ на кандыям Ра́скирэ-Дэвлэ́скири, амарэ́-Дэвлэ́скири зан!”

Ереме́ё 3:6

И пхэндя́ Рай Дэвэ́л ма́нгэ, Еремеёскэ, дрэ дывэса́, ке́ли Иосия (Ёсия) сыс кра́ли: ‘Ци дыкхця́н ту, со кэрдя́ чхай Израилёскири, сави́ отгия́ патяибнастыр? Ла́кирэ мануша́ псирэнас тэл кажно вучи́ бэ́рга, и кажно зэлэно дрэ́во и ёнэ сыкадэ паты́в кэ яви́р дэвлорэ́ сы́рбы налачхи джувлы́.

Ереме́ё 2:25

Пририкир, Израиле, пэ́скирэ ґэра́, соб (кай) ёнэ тэ на явэ́н дукхадэ, и пэ́скиро кирло, соб (кай) ёв тэ на явэ́л трушало (пиришутькирдо). Нэ ту пхэндя́н: ‘Над, со́стыр тэ ужакирав лачхипэ́н. Над! Пал-дова́ со ма́нгэ кэрдэ́пэ (покамлэпэ) чу́жа дэвлорэ́ и мэ джа́ва пал лэ́ндэ.

Яви́р Зако́но 12:2

Розмарэн сарэ́са (пэ котэра́) сарэ́ штэ́ты, кай исын манушы́тка на́цыи (народы), пэ савэ́ндэ тумэ́ лэ́на лофо (власть), и савэ́ дынариндлэ́ пэ́скирэ дэвлорэ́нгэ, пэ вучэ́ бэ́рги, и пэ бэ́ргицы, и тэл кажно кашт (дрэ́во) ранденца;

Ереме́ё 3:2

Ѓаздэн пэ́скирэ якха́ пэ вучэ́ биманушэнгирэ штэ́ты и Дыкхэ́н акана́, кай тумэ́ сыкадэ паты́в явирэ дэвлорэ́нгэ. Пашэ дрома́ тумэ́ са́нас бэштэ́ ваш лэ́нгэ, сы́рбы о Арабо пэ чхучи́ пхув, и тумэ́ магирдэ́ пэ́скири пхув налачхэ́ камибнаса и фуипнаса.

Ереме́ё 2:20

‘Пал-дова́ со Мэ ґара́ пхагирдём ґа́мо тырэ́ мэнятыр, Мэ роскусцём Тырэ́ пэнты, и ту пхэндя́н: ‘Мэ на ява́ва тэ кэра́в чорипэ́н: нэ ту тэл кажно бэ́ргица и тэл кажно зэлэно дрэ́во ту дэ́са паты́в идолэ́нгэ, сы́рбы налачхи джувлы́.

Езэкилё 16:15

‘Нэ ту древа́н патяндыян дро тыро́ шукарипэ́н, ту яця́н биладжакуны и парувэсас кажнонэса, кон джа́ла пашы́л одо́й, кай ту са́нас, и отдэсас паты́в лэ́скэ.

Ереме́ё 14:20

Раё Дэ́вла! Амэ приджинаса амаро́ фуипэ́н, и чорипэ́н, со кэрдэ́ амарэ́ дада́; пал-дова́ со амэ кэрдя́м грэ́хо проти Ту́тэ.

Pritčy 28:13

Кон гаравэла пэ́скирэ грэ́хи, одолэ́скэ на явэ́ла мишто́, нэ кон приджинэла грэ́хи и мэкэ́ла тэ кэрэ́л лэн, кодолэ́с Дэвэ́л тангинэла.

Ниеми́я 9:2

Семё (ро́до) Израилёскиро гия́ дрэ риг (уладыяпэ/отделиндяпэ) сарэ́ндыр явирэндыр и уштынэ́ ёнэ и мангнэ́ тэ отмэкэн грэ́хи пал грэ́хи пэ́скирэ и пэ́скирэ дадэнги́рэ.

Isajos 57:5

Савэ хачкирибнаса, тырдэнапэ кэ и́долы тэл кажно кашт барэ́ ранденца; савэ́ замарэна чхаворэ́н пашы́л сыгна рэкицы, машки́р бэ́рги.

Ереме́ё 14:10

Адя́кэ пхэндя́ Рай Дэвэ́л пал кадалэ́ манушэ́ндэ: “Ёнэ адя́кэ покамлэ тэ псирэ́н, со ёнэ на обрикирэнас пэ́скирэ ґэра́; и Рай Дэвэ́л на радынэ́лапэ лэ́ндыр: Ёв рипирэла лэ́нгиро чорипэ́н и Ёв явэ́ла тэ сэндякирэ́л лэн пал лэ́нгирэ грэ́хи.”

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Ереме́ё 7:24

Нэ ёнэ на кандынэ́, и ёнэ на причхудэ кан тэ шунэ́н, нэ ёнэ дживдэ́ пир пэ́скири годы́, пир пэ́скирэ пхарэ́, бибахталэ́ илэ, и ёнэ рисинэ́ думэса, а на мо́са кэ Мэ.

Ереме́ё 7:26

нэ ёнэ на кандынэ́ Ман, и ёнэ на причхудэ кан тэ шунэ́н, нэ ёнэ пхарьякирдэ пэ́скирэ мэня. Ёнэ кэрдэ́ фуеды́р пэ́скирэ дадэндыр.