Ереме́ё 3:1 - Библия - Пэ Балтитко Романи чиб (Романэс) 2019

¹ Ишчо ракирэ́на ёнэ: ‘Ко́ли ману́ш розджалапэ пэ́скирэ ромня́са, и ёй джа́ла криг лэ́стыр и ёй ячэ́ла ромны́ явирэ манушэ́скэ, ци сашты́, соб (кай) ёй тэ рисёл палэ кэ ёв? Ци на явэ́ла кодоя пхув хор магирды? Нэ тумэ́, мануша́ Израилёстыр, камлэ́ бут явирэ дэвлорэ́ сы́рбы налачхи джувлы́, нэ сароекх (усае́кх) рисёв кэ Мэ’, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

¹ Iščo rakiréna jone: ‘Kóli manúš rozdžalape péskire romniása, i joj džála krig léstyr i joj iačéla romný javire manušéske, ci saštý, sob (kaj) joj te risjol pale ke jov? Ci na javéla kodoia phuv xor magirdy? Ne tumé, manušá Izrailjostyr, kamlé but javire devloré sýrby nalačhi džuvlý, ne saroiekh (usajékh) risjov ke Me’, – rakiréla Raj Devél.

Ереме́ё 3:1 Referans Kwoze

Езэкилё 16:26

Ту адя́кэ-паць кэрэсас биладжаипэ́н Египто́скирэ чхавэ́нца, савэ́ дживэ́нас пашы́л ту́тэ, древа́н вучэ́ манушэ́нца, ишчо (инкэ́) буты́р кэрэсас тыро́ напатяибэн, и холякирэсас Ман.

Ереме́ё 4:1

‘Ко́ли ту рисёса, Израиле’, – пхэндя́ Рай Дэвэ́л, – ‘рисёв кэ Мэ. И ко́ли ту вычхурдэса пэ́скирэ джунгалэ́ (брыдка) дэвлорэ́ Мирэ́ якхэ́ндыр, тэ́ньчи ту на явэ́са тэ парувэс пэ́скиро дром.

Ереме́ё 2:20

‘Пал-дова́ со Мэ ґара́ пхагирдём ґа́мо тырэ́ мэнятыр, Мэ роскусцём Тырэ́ пэнты, и ту пхэндя́н: ‘Мэ на ява́ва тэ кэра́в чорипэ́н: нэ ту тэл кажно бэ́ргица и тэл кажно зэлэно дрэ́во ту дэ́са паты́в идолэ́нгэ, сы́рбы налачхи джувлы́.

Заха́рия 1:3

нэ ту пхэн лэ́нгэ: ‘Адя́кэ ракирэ́ла Рай Дэвэ́л янголэ́нгирэ-болыбна́скиро: рисён кэ Мэ’, – ракирэ́ла Рай Дэвэ́л янголэ́нгирэ-болыбна́скиро Дэвэ́л’, и Мэ рисёва́ва кэ тумэ́’, – ракирэ́ла Рай Дэвэ́л, янголэ́нгирэ-болыбна́скиро.

Osija 1:2

Акэ, сыр Рай Дэвэ́л лыя́ тэ ракирэ́л пир Осия́стэ. И пхэндя́ Рай-Дэвэ́л Осияскэ: “Джа́, лэ пэ́скэ биладжакуня джувля́, и тэ явэ́н тырэ́ чхаворэ́ биладжакунэ́. Пал-дова́ со дая́ пхув древа́н кэрэ́ла биладжаипэ́н (марки), сыр лэ́нгирэ мануша́ дурьёна (отгинэ́) Ра́стыр-Дэвлэ́стыр.”

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Ереме́ё 4:14

Выморэн тумарэ́ илэ фуипнастыр, соб (кай) тумэ́нгэ тэ зракхэнпэ. Сыр ґара́ бибахталэ́ ду́мы явэ́на дрэ тумарэ́ шэрэ́?

Ереме́ё 3:9

И сыс адя́кэ, со Юдэ́я магирдя пхув пэ́скирэ нахратонэ камибнаса, и ёй дэ́лас паты́в барэнгэ и каштэнгэ.

Ереме́ё 2:23

Сыр да ту могиндян тэ пхэнэ́с: ‘Мэ на сом магирдо́, мэ на гиём пал Ваалостэ’? Дыкх, со ту кэрдя́н пэ до́ло: ту сан сы́рбы чвытко верблюдиха (дромадариха), сави́ уса́ парувэла пэ́скирэ дрома́;

Сэндарьенгири Лылвари́ 19:2

Лэ́скири наложница на сыс чачуны́ лэ́скэ [косцяпэ лэ́са] и гия́ пэ́скэ лэ́стыр дро пэ́скирэ-дадэ́скиро кхэр дро Юдэя́киро Вифлее́мо, и сыс одо́й штар чхона́.

Mihiejo 2:10

Уштэ́н и джа́н адатхы́р; пал-дова́ со ада́й тумэ́ на откхинёна. Кадава́ штэ́то исын магирдо́, и хасякирэ́ла тумэн, и дава́ хасякирибэн явэ́ла кэ ко́нцо (кэ яго́ро).

Ереме́ё 3:22

Рисён тумэ́, отгиибнытка чхаворалэ, и Мэ састякирава тумаро́ начачипэ́н. И ёнэ пхэндлэ́: ‘Акэ, амэ джа́са кэ Ту, пал-дова́ со Ту сан, Рай Дэвэ́л, амаро́ Дад.’

Ереме́ё 2:7

И Мэ яндём тумэн пэ барвалы пхув, соб (кай) тумэ́ тэ хан ла́кирэ барьякирдэ́ (пло́ды), и ла́киро миштыпэ́н, нэ сыр тумэ́ загинэ́ пэ дая́ пхув, тумэ́ магирдэ́ кадая́ пхув, и тумэ́ магирдэ́ Миро миштыпэ́н.

Isajos 24:5

Пхув исын магирды манушэ́ндыр, савэ́ дживэ́на пэ ла́тэ, пал-дова́ со ёнэ отчхурдынэ зако́ны, парудэ стату́то (уставо), ёнэ пхагирдэ́ ве́чно завето.

Яви́р Зако́но 22:21

то тэрня джувля́ мэк тэ янэ́н кэ ла́кирэ-дадэ́скирэ кхэрэ́скирэ вудара́, и адалэ́-форо́скирэ мануша́ замарэна ла барэ́нца кэ мэрибэ́н; пал-дова́ со ёй кэрдя́ ладжаипнаскиро рэ́ндо машки́р Израилё, кэрдя́ биладжаипэ́н дро пэ́скирэ-дадэ́скиро кхэр; и адя́кэ вытрадэ фуипэ́н пэ́стыр.

Матфеё 5:31

Адя́кэ-паць сыс пхэндло́: ‘Ко́ли вари-кон розджалапэ пэ́скирэ ромня́са, мэк тэ дэл ла́кэ лыл пал розгиибэн.’

Psalmy 106:38

и ёнэ прочхувэнас бибангипнаскиро рат пэ́скирэ чхавэ́нгиро и чхаенгиро, конэ́с ёнэ янэ́нас идолэ́нгэ дро Ханаано и ёнэ магирдэ́ пхув далэ́ ратэ́са.

Ереме́ё 22:20

‘Джа́н упрэ́ пэ Лива́но, мануша́лэ Ерусалимо́стыр, и дэн го́дла, и годлэн пэ Башано, и дэн го́дла пэ Аваримоскирэ вучэ́ штэ́ты, пал-дова́ со сарэ́ тумарэ́ камлэ́ дру́ги (мала́) исын мулякирдэ́.

Roiben 1:2

Ёв ровэла киркэс раты́, и ясва исын пэ лэ́скирэ чхама (шчоки): нанэ ние́кх подрикирибнаскиро машки́р сарэ́ндэ, конэ́скэ сыс дро́го дава́ фо́ро. Сарэ́ форо́скирэ мала́ бикиндлэ лэс, и ёнэ ячнэ́ лэ́скирэ вэргэнца (врогэнца).

Osija 2:2

Бангякирэ́н [сэндинэ́н-р.с.] тумарэ́ да, бангякирэн ла: пал-дова́ со ёй буты́р на явэ́ла Мири́ ромны́, и Мэ на сом ла́киро ром! Мэк ёй тэ дурьякирэл ла́кирэ мо́стыр ла́киро биладжаипэ́н, и ла́киро на́лачхо камибэн криг ла́кирэ колынэндыр;

Ереме́ё 31:22

Сыр ґара́ (длу́гэс) ту явэ́са тэ псирэ́с пэ́скэ ту, чхаё, сави́ отпыя? Пал-дова́ со Рай Дэвэ́л кэрдя́ вари-со нэво́ пэ пхув” – э джувлы́ зракхэ́ла ромэс.

Езэкилё 16:30

Сыр кхиния, ґалёв, тыро́ ило́, – ракирэ́ла Рай Дэвэ́л, Дэвэ́л, ко́ли ту кэрэсас сарэ́ кадалэ́ рэ́нды (де́лы), сыр биладжакири манушны, савья́ нанэ конэ́скэ тэ штылякирэл!

Езэкилё 16:35

Палдава́ вышу́н, биладжакуны джувлие, Ра́скирэ-Дэвлэ́скиро лав!