Ереме́ё 27:6 - Библия - Пэ Балтитко Романи чиб (Романэс) 2019

⁶ И акана́ Мэ да́ва сарэ́ далэ́ пхувья́ дро васт Навуходоносороскиро, крали́скэ пэ Вавило́но, Мирэ́ писхари́скэ, и Мэ да́ва адя́кэ-паць фэлдытконэ мурдалэ́н лэ́скэ тэ дынаринэ́н лэ́скэ.

Biblija - Pe Baltitko Romani čib (Romanes) 2019

⁶ I akaná Me dáva saré dalé phuvjá dro vast Navuhodonosoroskiro, kralíske pe Vavilóno, Miré pisharíske, i Me dáva adiáke-pac' feldytkone murdalén léske te dynarinén léske.

Ереме́ё 27:6 Referans Kwoze

Ереме́ё 28:14

Пал-дова́ со адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Мэ чхува́ва саструно ґа́мо пэ мэн сарэ́ Наюдытконэ́ нацыенгэ, соб (кай) ёнэ тэ дэн ра́да тэ дынаринэ́н Навуходоносороскэ, крали́скэ Вавилоно́стыр; и ёнэ явэ́на тэ дынаринэ́н лэ́скэ: Мэ адя́кэ-паць и фэлдытконэ мурдалэ́н (зверен) дыём лэ́скэ!’”

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.

Ереме́ё 43:10

и пхэн лэ́нгэ: ‘Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: А́кэ, Мэ бичхава́ва и лава́ Навуходоносорос, крали́с Вавилоноскирэс, Мирэ́ писхари́с, и Мэ чхува́ва лэ́скиро троно пэ кадалэ́ бара́, савэ́ Мэ гарадём. И ёв росчхувэла пир рига́ пэ́скири крали́тко бари ша́тра упра́л пэ лэ́ндэ.

Isajos 44:28

Саво́ ракирэ́ла пал Кирастэ: “Миро чхупна́ри; ёв кэрэ́ла саро́ пир Мири́ во́ля, ёв пхэнэ́ла кэ Ерусалимо. “Ту на явэ́са буты́р роспхагирдо, пхэнэ́ла кэ Кхангири́: “Ту явэ́са чхуды́ пэ штэ́то!”

Ереме́ё 24:1

О, Рай Дэвэ́л сыкадя́ ма́нгэ, и, акэ, дуй корзи́ны (кхудэ́) инжыроса чхудэ́ анги́л Ра́скирэ-Дэвлэ́скири Кхангири́. Дава́ сыс пало́ (после) дова́, кело Навуходоносо́ро, кра́ли Вавилоно́скиро, залыджия́ дро пле́но Ерусалимо́стыр Иехонияс, чхавэ́с Иохакимоскирэс, крали́с Юдэякирэс, и Юдэякирэн тхагарье́н, и спецэн дрэ вастытка бутя́ каштэса (кхэра́-кэрибнаскирэн), и пэталэнгирэн (ковале́н), и ёв яндя́ лэн дро Вавило́но.

Ереме́ё 21:7

И пало́ (после) дава́, – ракира́ва Мэ, Рай Дэвэ́л, – Мэ отда́ва Сэдэкияс, Юдэя́кирэ крали́с, и лэ́скирэ дынарье́н, и яви́р манушэ́н кадалэ́ форо́стыр, савэ́ ячэ́напэ джидэ́ франсэндыр, куртала́тыр и бокхалыпнастыр дрэ Навуходоноскирэ васта́, Вавилоно́скирэ крали́стэ, дрэ тумарэ́-вэргэ́нгирэ васта́, и дрэ кодолэнгирэ васта́, савэ́ родэ́на тумаро́ джиибэ́н. И ёв мулякирэ́ла тумэн курталакирэ ягороса. Ёв на явэ́ла тэ тангинэ́л (тэ жалинэл) тумэн, тэ тангинэ́л, и ёв на явэ́ла лачхэ́-илытко кэ тумэ́.”

Ереме́ё 22:25

и Мэ отда́ва тут дрэ одолэнгирэ васта́, савэ́ камэ́на тэ замарэ́н тут, и дрэ кодолэскирэ васта́, конэскирэ мо́стыр ту дарэса – васта́ Навуходоносороскирэ, крали́стэ Вавилоно́стыр, и – васта́ Халдеенгирэ.

Ереме́ё 49:30

“Нашэ́н, прастан дурэды́р адатхы́р, гарадён хор, мануша́лэ, кон дживэ́ла кэ Асоро,’” – ракирэ́ла Рай Дэвэ́л. ‘О Навуходоносо́ро, кра́ли Вавилоно́скиро, чхудя́ пэ годы́ тэ пэрэ́л пэ тумэ́ндэ, и ёв придуминдя плано проти тумэ́ндэ.

Езэкилё 29:12

И Мэ кэра́ва Египто́скири пхув чхучэ́ пхувья́са машки́р обчордэ пхувья́, ла́кирэ фо́рья, машки́р фо́рья, каты́р гинэ́ мануша́, явэ́на чхучэ́ штардэша́ бэрш; Мэ рострадава Египтянэн пир народы, роспхурдава лэн пир пхувья́.”

Дание́лё 4:12

[15] ячкирэн лэ́скиро пенё (копичи) пэ ко́рни (рукха́) дрэ пхув, мэк ёнэ тэ ячэ́нпэ дрэ пенты саструнэ́ и харкунэ́ машкира́л чар пэ фэ́лда тэ обморэнпэ болыбна́скирэ пахлыняса (росаса), и мурдалэ́нца мэк тэ явэ́л лэ́скири паш дрэ пхувья́кири чар.

Дание́лё 4:22

[25] традэ́на криг тут манушэ́ндыр, и джиибэ́н тыро́ явэ́ла фэлдытконэ мурдалэ́нца; чаравэна тут чарьяса, сыр гурувэ́с, ту явэ́са мордо болыбнытконэ пахлыняса (росаса), и эфта́ часы джа́на дурэды́р упра́л ту́тэ, кэ/ жы́ко дова́, сыр ту ґалёса, со Са́мо Вучэды́р хулаинэла упра́л кралипэ́н манушэ́нгиро и дэ́ла лэс, кон Лэ́скэ трэй.

4 Kralip 25:28

И ракирдя́ лачхэ́с лэ́са, и чхудя́ троно лэ́скиро вучэды́р кралье́нгирэ тронэндыр, савэ́ сыс лэ́стэ дро Вавило́но.

2 Паралипоменоно 36:23

“Адя́кэ ракирэ́ла о Кира, Персиякиро кра́ли: ‘Сарэ́ кралипэна́ пэ пхув дыя́ ма́нгэ Рай Дэвэ́л, болыбна́скиро Дэвэ́л; и Ёв припхэндя́ ма́нгэ тэ кэра́в Лэ́скэ Кхэр дро Ерусалимо, со исын дрэ Юдэ́я. Кон исын тумэ́ндыр-сарэ́ Лэ́скирэ манушэ́ндыр, мэк тэ явэ́л лэ́скиро Рай Дэвэ́л, Дэвэ́л лэ́са, и мэк ёв одори́к тэ джал.’”

Езэкилё 30:24

А Вавилоно́скирэ-крали́скирэ псикэ́ кэра́ва Мэ зоралэ́ псикэса, Мэ да́ва лэ́скэ дрэ васт Мири́ курта́ла. Фараоно́скирэ псикэ́ роспхагирава, ёв исын насвало́, ёв явэ́ла тэ ровэл анги́л Лэ́стэ.