Ереме́ё 26:9 - Библия - Пэ Балтитко Романи чиб (Романэс) 2019

⁹ Со́скэ ту ангилпхэнэса Ра́скирэ-Дэвлэ́скирэ лавэ́стыр, ракири́: ‘Дава́ кхэр явэ́ла сы́рбы Сило́мо (Шыло), и дава́ фо́ро явэ́ла чхучо́, би манушэ́нгиро?’” И сарэ́ мануша́ скэдынэ́пэ проти Еремеёстэ дрэ Кхангири́ Ра́скирэ-Дэвлэ́скири.

Biblija - Pe Baltitko Romani čib (Romanes) 2019

⁹ Sóske tu angilphenesa Ráskire-Devléskire lavéstyr, rakirí: ‘Davá kher javéla sýrby Silómo (Šylo), i davá fóro javéla čhučó, bi manušéngiro?’” I saré manušá skedynépe proti Jeriemiejoste dre Khangirí Ráskire-Devléskiri.

Ереме́ё 26:9 Referans Kwoze

Apostolengiri Butý 22:22

Кэ дава́ лав мануша́ шундлэ́ Павли́с, нэ сыр ёв адя́кэ пхэндя́, ёнэ лынэ́ тэ годлэн: “Лэс трэй тэ злыджас свэто́стыр, адасавэскэ нашты́ тэ дживэ́л.”

Apostolengiri Butý 21:30

Дрэ фо́ро ґаздыя́пэ бизладо и скэдынэ́пэ бут мануша́; и ёнэ ухтылдэ́ Павли́с, тырдынэ яври́ Кхангирья́тыр, и дрэ дова́-паць часо чхакирдэ вудара́.

Apostolengiri Butý 13:50

Нэ Юды, подракирдэ дэвлытконэ́ и барвалэ́ родо́стыр джувле́н и форо́скирэ барыдырэ́н, и ґаздынэ́ манушэ́н проти Павлистэ и Варнавастэ, и традынэ криг лэн пэ́скирэ рига́тыр.

Apostolengiri Butý 6:14

амэ, хай, шундя́м, сыр ёв ракирдя́, со Ису́со Назаретостыр роспхагирэла Кхангири́ и парувэла присыкляибэн, саво́ амэ́нгэ дыя́ Мо́йза.”

Apostolengiri Butý 5:28

“Ци на шылалэс амэ припхэндям тумэ́нгэ тэ на сыклякирэ́н пал Адалэ́-Манушэ́скиро лав? Нэ тумэ́ усае́кх розлыджинэ сыклякирибэ́н пир саро́ Ерусалимо, и кэ саро́ тумэ́ камэ́на тэ чхувэ́н пэ амэ́ндэ банг пал Адалэ́-Манушэ́скиро рат.”

Joannostir 8:59

Тэды ёнэ ухтылдэ́ бара́, соб (кай) тэ марэ́н Лэс; нэ Ису́со счхакирдяпэ и гия́ яври́ Кхангирья́тыр, гия́ машки́р лэ́ндэ, и гия́ дурэды́р.

Joannostir 8:20

Кадалэ́ лава́ Ису́со ракирдя́ пашы́л Кхангирья́кири пиралы́ (тыкнори́), ке́ли Ёв сыклякирдя́ дрэ Кхангири́; и нико́н Лэс на чиладя́, пал-дова́ со Лэ́скиро часо на явдя́.

Marko 15:11

Нэ раша́нгирэ барыдыра́ подракирдэ манушэ́н тэ мангэ́н Пилатостыр тэ отмэкэ́л лэ́нгэ фэды́р Варавас.

Матфеё 27:20

Нэ раша́нгирэ барыдыра́ и годэпхурэ́ патякирдэ манушэ́н, соб (кай) тэ мангэ́н Варавас, нэ тэ мулякирэ́н Исусо́с.

Матфеё 21:23

И ке́ли Ёв загия́ андрэ́ Кхангири́, раша́нгирэ барыдыра́ и годэпхурэ́ подгинэ́ кэ Ёв, ке́ли Ёв сыклякирэлас и пхучнэ́ Лэ́стыр: “Савэ правоса Ту кэрэ́са саро́ дава́? И кон дыя́ Ту́кэ дасаво право?”

Mihiejo 2:6

“На ангилпхэнэн, проро́ки, – тумэ́ ракирэ́на кодолэ́нгэ, савэ́ ангилпхэнэна, на ангилпхэнэн лэ́нгэ, соб (кай) ладжаипэ́н тэ на ячэ́лпэ [тэ на латхэл тумэн-р.с.].

Amoso 5:10

Тумэ́ нашты́ тэ дыкхэ́н пэ кодолэстэ, кон сыкавэ́ла банг тумэ́нгэ пашы́л по́рта и тумэ́ дыкхэ́на вучипна́са пэ кодолэстэ, кон ракирэ́ла чачипэ́н.

Ереме́ё 9:11

Мэ кэра́ва Ерусалимо́стыр руи́ны, штэ́то, дро саво́ дживэ́на шакалы. Мэ кэра́ва Юдэя́кирэ форье́ндыр чхучо́ штэ́то, со нико́н на дживэ́ла.

Isajos 29:21

Ци кон запэнтынэла манушэ́с дрэ лава́, ци ухтылэ́ла манушэ́с, саво́ мангэ́ла сэ́ндо пашы́л по́рта, кон на прилэ́ла чачунэ́ манушэ́с.

2 Паралипоменоно 25:16

Ке́ли ёв ракирдя́ лэ́скэ, о кра́ли отпхэндя́: “Нау́што крали́скирэ юнкароса (советникоса) чхудэ́ тут? Пирияч, соб (кай) тэ на мулякирэ́н тут.” И пирияця́ проро́ко, пхэни́: “Джинав, со скэдыяпэ Дэвэ́л тэ хасякирэ́л тут, пал-дова́ со ту кэрдя́н дава́ и на шунэса миро радиныбэн.”

Apostolengiri Butý 3:11

Нэ палдова́, со лангало, саво́ высастия, на отджалас Пэтристыр Ианоса, сарэ́ мануша́ прастандынэпэ одори́к кэ ёнэ, пэ дова́ штэ́то, саво́ кхарэ́на Соломоно́скиро трэ́мо.

Apostolengiri Butý 5:12

Апо́столы кэрдэ́ бут знаме́нии (ґертыка́) и ди́вы пэ́скирэ вастэ́нца машки́р манушэ́ндэ; и сарэ́ скэдэнаспэ кхэтанэ́ дро Соломоно́скиро трэ́мо,

Isúso 18:1

Саро́ Израилёскирэ чхавэ́нгиро скэдыибэ́н скэдыяпэ дро Сило́мо, и чхудэ́ одо́й скэдыибна́скири ша́тра (ски́ния), пал-дова́ со пхув сыс залыны лэ́нца.

Ереме́ё 32:3

О Сэдэки́я, кра́ли Юдэя́киро, пхандя лэс дро штарибэ́н, ракири́: “Со́скэ ту ангилпхэнэса и ракирэ́са: ‘Адя́кэ ракирэ́ла Рай Дэвэ́л: ‘А́кэ, Мэ отда́ва дава́ фо́ро дро васт крали́скиро Вавилоно́скиро, и ёв лэ́ла лэс’;

Ереме́ё 33:10

Адя́кэ ракирэ́ла Рай Дэвэ́л: “Ададывэ́с нэвэ́стыр явэ́ла тэ шунэлпэ пэ дава́ штэ́то, пал саво́ тумэ́ ракирэ́на: ‘Дава́ штэ́то исын чхучо́, ни мануша́, ни кхэри́тка мурдала́’ – дрэ Юдэя́кирэ фо́рья, пэ Ерусалимо́скирэ пэ вули́цы (га́сы) исын чхучо́, ни мануша́, ни саво́ джиибна́скиро, ни кхэри́тко мурда́л,

Ереме́ё 36:29

И ту пхэн Иоакимоскэ, крали́скэ пэ Юдэ́я, – ‘адя́кэ ракирэ́ла Рай Дэвэ́л: ‘Ту хачкирдян дава́ сви́тко, пхэни́: ‘Со́скэ ту чхиндян пэ лэ́стэ, со о кра́ли Вавилоно́скиро, чачэс, явэ́ла и хасякирэ́ла дая́ пхув, и ёв кэрэ́ла адя́кэ, со на явэ́ла ни ману́ш, ни мурда́л (жывотно) одо́й.’”

Roiben 4:13

саро́ дава́ пал форо́скирэ пророкэ́ндэ и пал лэ́нгиро – раша́нгиро чорипэ́н, кон прочхудэ чачунэ́ – манушэ́нгиро рат машки́р дава́ фо́ро.