Ереме́ё 26:8 - Библия - Пэ Балтитко Романи чиб (Романэс) 2019

⁸ И яця́ адя́кэ: ке́ли Ереме́ё кончындя (пирияця́) тэ ракирэ́л саро́, со Рай Дэвэ́л припхэндя́ лэ́скэ тэ пхэнэ́л сарэ́ манушэ́нгэ, тэды рашая́, и проро́ки, и сарэ́ яви́р мануша́ ухтылдэ́ лэс, ракири́: “Ту, чачэс, мэрэ́са [банго́ тэ мэрэс-р.с.]!

Biblija - Pe Baltitko Romani čib (Romanes) 2019

⁸ I jaciá adiáke: kiéli Jeriemiéjo končyndia (pirijaciá) te rakirél saró, so Raj Devél priphendiá léske te phenél saré manušénge, tedy rašaja, i proróki, i saré javír manušá uhtyldé les, rakirí: “Tu, čačes, merésa [bangó te meres-r.s.]!

Ереме́ё 26:8 Referans Kwoze

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Apostolengiri Butý 5:33

Нэ ке́ли ёнэ шундлэ́ дава́ саро́, лэн лэлас бари холы́ и ёнэ камэнас тэ замарэ́н Апостолэн.

Матфеё 22:6

и сыс адасавэ́, савэ́ ухтылдэ́ лэ́скирэ дынарье́н, ладжакирдэ́ лэн и мулякирдэ́,.

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Ереме́ё 2:30

Ивья́ (напра́снэс) мулякирдём Мэ тумарэ́ чхаворэ́н, ёнэ на прилынэ́ дова́, пал со мэ пирисыклякирдём лэн. Тумэ́ кокорэ́ зачингирдэ куртала́са пэ́скирэ пророкэ́н, сы́рбы шчэр (ле́во), со похала саро́.

2 Паралипоменоно 36:16

Нэ ёнэ сандлэпэ напатывалэс (здикиндлэпэ) Дэвлэ́скирэ бичхаибнаскирэндыр, и на шундлэ́ Лэ́нгирэ лава́, и кошнэпэ пэ Лэ́скирэ пророкэ́ндэ, пака згия Ра́скирэ-Дэвлэ́скири холы́ пэ Лэ́скирэ манушэ́ндэ адя́кэ, со на сыс лэ́скэ зракхибэ́н.

Sykadyipén 18:24

И дрэ Вавилония латхнэ́ рат пророкэнгиро и свэнтонэ́-Дэвлэ́скирэ манушэ́ндыр и сарэ́ манушэ́ндыр, конэ́с мулякирдэ́ пэ пхув.

Матфеё 27:20

Нэ раша́нгирэ барыдыра́ и годэпхурэ́ патякирдэ манушэ́н, соб (кай) тэ мангэ́н Варавас, нэ тэ мулякирэ́н Исусо́с.

Ереме́ё 18:23

И Ту, Раё Дэ́вла, джинэ́са саро́ лэ́нгиро зракирибэ́н, соб (кай) тэ мулякирэ́н ман. На отмэк лэ́нгэ лэ́нгиро чорипэ́н, на кхос криг лэ́нгиро грэ́хо Тырэ́ якхэ́ндыр, нэ мэк ёнэ тэ пэрэ́н анги́л Ту́тэ, роскэдэпэ лэ́нца, сыр Ту холясоса пэ лэ́ндэ.’”

Ереме́ё 32:3

О Сэдэки́я, кра́ли Юдэя́киро, пхандя лэс дро штарибэ́н, ракири́: “Со́скэ ту ангилпхэнэса и ракирэ́са: ‘Адя́кэ ракирэ́ла Рай Дэвэ́л: ‘А́кэ, Мэ отда́ва дава́ фо́ро дро васт крали́скиро Вавилоно́скиро, и ёв лэ́ла лэс’;

Ереме́ё 43:1

И сыс адя́кэ: ке́ли Ереме́ё пирияця́ (кончындя) тэ ракирэ́л анги́л сарэ́ манушэ́ндэ сарэ́ лава́ Ра́скирэ-Дэвлэ́скирэ, лэ́нгирэ Дэвлэ́скирэ, савэ́нца Рай Дэвэ́л, лэ́нгиро Дэвэ́л, бичхадя́ лэс кэ ёнэ – сарэ́ далэ́ лава́,

Amoso 7:10

Тэ́ньци о Ама́сия, раша́й Вефилятыр, бичхадя́ лав Иеровоамоскэ, крали́скэ Израилёскэ, пхэни́: “О Амосо зракирдяпэ пэ ту́тэ машки́р кхэр Израилёскиро: пхув нашты́ тэ шунэ́л сарэ́ лэ́скирэ лава́.

Ереме́ё 1:19

И ёнэ явэ́на тэ марэ́нпэ ту́са, нэ ёнэ на пиризорькирэна тут, пал-дова́ со Мэ сом ту́са, – пхэндя́ Рай Дэвэ́л, – соб (кай) тэ ракхав тут.”