Ереме́ё 26:6 - Библия - Пэ Балтитко Романи чиб (Романэс) 2019

⁶ тэды Мэ кэра́ва далэ́ Кхангирья́тыр яви́р Сило́мо (Шыло), и Мэ кэра́ва адя́кэ, со пэ лэ́стэ явэ́на тэ кэрэ́н прокошыбэна (арманя) сарэ́ Наюды́тка на́цыи пэ пхув.’”

Biblija - Pe Baltitko Romani čib (Romanes) 2019

⁶ tedy Me keráva dalé Khangirjátyr javír Silómo (Šylo), i Me keráva adiáke, so pe léste javéna te kerén prokošybena (armania) saré Najudýtka nácyi pe phuv.’”

Ереме́ё 26:6 Referans Kwoze

Ереме́ё 24:9

И Мэ здава лэн, соб (кай) лэн тэ традэ́н одори́к и палэ пир сарэ́ кралипэна́ пэ пхув пэ биба́хт, соб (кай) тэ обракирэн лэн сы́рбы припхэныбэ́н, соб (кай) тэ высан лэн сыр прокошыбэ́н (арман) пир сарэ́ штэ́ты, кэ савэ́ Мэ традыём лэн.

4 Kralip 22:19

Адя́кэ, сыр поковлыя ило́ тыро́, и ту тэлякирдян пэс анги́л Растэ-Дэвлэ́стэ, сыр шундя́н дова́, со Мэ пхэндём пэ дава́ штэ́то и пэ лэ́скирэ манушэ́ндэ, со ёнэ явэ́на дара́са и прокошыбнаса, и ту роскустян и́ди пэ́скирэ, и рондян анги́л Ма́ндэ, тэды и Мэ шундём тут, – ракирэ́ла Рай Дэвэ́л.

Ереме́ё 25:18

кэ Ерусалимо и кэ сарэ́ фо́рья Юдэя́тыр, лэ́нгирэ кралье́н и лэ́нгирэ тхагарьен, соб (кай) тэ кэра́в лэ́ндыр чхучо́ штэ́то, соб (кай) пэ лэ́ндэ тэ дивинэнпэ трашаса [дара́тыр-р.с.], тэ сипинэн, Мэ кэра́ва лэ́нгирэ лавэ́стыр кошыбэ́н (арман), сыр дава́ исын аж и кэ дава́ дывэ́с;

Isajos 65:15

И ячкирэна тумаро́ лав, соб (кай) тэ прокошэн лэс Мирэ́ выкэдынэ́ мануша́; и замарла тут Рай Дэвэ́л, а Пэ́скирэ писхарье́н кхарэ́ла явирэ лавэ́са.

Малахия 4:6

И ёв рискирэ́ла дадэ́нгиро ило́ кэ чхавэ́, чхавэ́нгиро ило́ кэ дада́, соб (кай) Мэ, сыр ява́ва, тэ на обчхував пхув прокошыбнаса.

Дание́лё 9:11

И саро́ Израилё пхагирдя́ Зако́но Тыро́, и отрисия, соб (кай) тэ на кандэл зан Тыри́; и палдава́ вытхадыя пэ амэ́ндэ прокошыбэ́н и совла́х, савэ́ исын зачхиндлэ́ дро Мойза́скиро Зако́но, Дэвлыканэ дынарискиро, пал-дова́ со амэ кэрдя́м грэ́хо анги́л Ту́тэ.

Ереме́ё 44:22

И Рай Дэвэ́л буты́р на дэ́лас ра́да тэ вырикирэл дава́ пир доя́ биба́хт, со тумэ́ кэрдэ́ и пир джунгалэ́ (брыдка) рэ́нды, со тумэ́ кэрдэ́. Палдава́ тумари́ пхув исын чхучи́, ди́во трашаса, прокошыбэ́н (арман), би манушэ́нгири, сыр дава́ исын кэ ададывэ́с.”

Ереме́ё 42:18

Палдавэ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л’: ‘Сыр мири́ холы́ и миро холякирибэ́н чхувэ́лапэ пэ манушэ́ндэ Ерусалимо́стыр, адя́кэ-паць вычхувэлапэ Мири́ холы́ пэ тумэ́ндэ, ке́ли тумэ́ джа́на андрэ́ Еги́пто; пэ тумэ́ндэ явэ́ла прокошыбэ́н (арман), бари дар [чхучипэн-ю.о.], кошыбэ́н, бипатыв; и тумэ́ буты́р на дыкхэ́на дава́ штэ́то’”

Ереме́ё 29:22

И пал лэ́ндэ лэ́нгирэ лава́ явэ́на сыр прокошыбэ́н (арман) машки́р сарэ́ Юдэя́кирэ пленнонэндэ дро Вавило́но, сыр ёнэ явэ́на тэ ракирэ́н: ‘Мэк тэ кэрэ́л адя́кэ ту́кэ Рай Дэвэ́л сыр Сэдэкияскэ и Ахавоскэ, савэ́н Вавилоно́скиро кра́ли пэкця пэ яг;

Isajos 43:28

Палдова́ Мэ раша́нгирэ барыдырэндыр пэ свэ́нто штэ́то залыём лэ́нгири буты́, и отдыём пэ хасибэ́н Яково́с, и отдыём Израилё, соб (кай) лэс тэ магирэ́н.

Isúso 18:1

Саро́ Израилёскирэ чхавэ́нгиро скэдыибэ́н скэдыяпэ дро Сило́мо, и чхудэ́ одо́й скэдыибна́скири ша́тра (ски́ния), пал-дова́ со пхув сыс залыны лэ́нца.

Заха́рия 5:3

Ёв пхэндя́ ма́нгэ: “Дава́ исын прокошыбэ́н (арман), саво́ ячэ́ла пэ риг сарэ́ пхувья́кири; пал-дова́ кажно (сва́ко), кон чорэла, явэ́ла хасякирдо, сыр исын чхиндло́ пэ екх риг, и кажно, кон дэ́ла хоханы совэ́л, хасякирдо явэ́ла, сыр исын чхиндло́ пэ яви́р риг.”

Ереме́ё 29:18

И Мэ ява́ва тэ традав лэн куртала́са, бокхаса, и мэрибнытконэ франсэнца, и Мэ отда́ва лэн, соб (кай) тэ традэ́н лэн одори́к и палэ пэ би́да дрэ сарэ́ кралипэна́ пэ пхув, – соб (кай) тэ выпхэнэн прокошыбэна (тэ арманякирэн лэн), тэ дивинэнпэ трашаса пэ лэ́ндэ, тэ сипинэн, и тэ обракирэн холя́са лэн мануша́ Наюдытконэ́ нацые́ндыр, кэ савэ́ Мэ традава лэн:

Roiben 2:15

Сарэ́, кон джа́ла пашы́л, пэкавэна пир васта́ пэ ту́тэ; ёнэ сипинэна и кунинэна шэрэнца пэ Ерусалимо́скирэ чхатэ: “Ци дава́ исын фо́ро, со кхардяпэ Гожымакиро пхэрдыпэн, сарэ́ – пхувья́кири ра́дыма?”

Roiben 2:16

Сарэ́ тырэ́ вэ́рги псирадэ пэ́скирэ муя́ пэ ту́тэ: ёнэ сипинэна и ёнэ скрежынэна пэ́скирэ дандэнца. Ёнэ ракирэ́на: “Амэ хасякирдям дава́ фо́ро! Акэ, исын дывэ́с, со амэ ужакирдям, амэ латхям дова́, амэ дыкхцям дава́.”