Ереме́ё 26:2 - Библия - Пэ Балтитко Романи чиб (Романэс) 2019

² “Адя́кэ ракирэ́ла Рай Дэвэ́л: ‘Тэрдёв пэ грэ́да (дво́ро) Кхангирья́кири Ра́скирэ-Дэвлэ́скири и пхэн сарэ́ форьенгэ Юдэя́тыр, со явэ́на тэ дэн паты́в дрэ Кхангири́ Ра́скирэ-Дэвлэ́скири, сарэ́ лава́, со Мэ припхэнава ту́кэ тэ пхэнэ́с лэ́нгэ: На гарав ани е́кх лав.

Biblija - Pe Baltitko Romani čib (Romanes) 2019

² “Adiáke rakiréla Raj Devél: ‘Terdjov pe gréda (dvóro) Khangirjákiri Ráskire-Devléskiri i phen saré for'jenge Judejátyr, so javéna te den patýv dre Khangirí Ráskire-Devléskiri, saré lavá, so Me priphenava túke te phenés lénge: Na garav ani jékh lav.

Ереме́ё 26:2 Referans Kwoze

Яви́р Зако́но 4:2

тэ на причхувэ́н кэ дова́, со мэ ракирдём тумэ́нгэ, и тэ на отлэн долэ́стыр; ракхэ́н Ра́скирэ-Дэвлэ́скирэ, тумарэ́ Дэвлэ́скирэ припхэныбэна́, савэ́ мэ да́ва тумэ́нгэ.

Apostolengiri Butý 20:27

пал-дова́ со мэ нисо́ на промэкцём тэ роспхэнав тумэ́нгэ пал Дэвлэ́скири во́ля.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Ереме́ё 19:14

Тэ́ньци явдя́ Ереме́ё Тофетостыр, карик лэс бичхадя́ Рай Дэвэ́л тэ ангилпхэнэл, и ёв тэрдия́ пэ грэ́да (дво́ро), саво́ сыс дро Ра́скирэ-Дэвлэ́скиро Кхэр, и ёв пхэндя́ сарэ́ манушэ́нгэ:

Ереме́ё 1:17

Палдава́, яв скэдыно́ и ушты́, и пхэн лэ́нгэ саро́, со Мэ припхэнава ту́кэ. На замэр дара́тыр лэ́нгирэ муендыр, соб (кай) Мэ тэ на запхагирав тыро́ ду́хо (фа́но) анги́л лэ́ндэ.

Apostolengiri Butý 20:20

и сыр мэ на промэкцём нисо́ тэ пхэна́в лав пал Исусо́стэ тумэ́нгэ, со тумэ́нгэ явэ́ла трэй, и ракирдём анги́л сарэ́ндэ и псирдём пир кхэра́,

Apostolengiri Butý 5:42

И со дывэ́с дрэ Кхангири́ и пир кхэра́, ёнэ на мэкэнас тэ сыклякирэ́н и тэ роспхэнэ́н бахтало́ лав пал Исусо́стэ Христосо́стэ.

Joannostir 18:20

Ису́со отпхэнэ́лас лэ́скэ: “Мэ ракирдём маму́й (прямэс) анги́л сарэ́ндэ; Мэ ўса́ды (сак) сыклякирдём дрэ синагога и дрэ Кхангири́, одо́й, кай сарэ́ Юды скэдэ́напэ, и Мэ чораханэ́с нисо́ на ракирдём;

Езэкилё 3:10

И пхэндя́ Ёв ма́нгэ: “Манушэ́скиро чхава! Сарэ́ Мирэ́ лава́, савэ́ Мэ ява́ва тэ ракира́в ту́кэ, прилэ́ тырэ́ илэ́са и вышу́н трэ канэнца.

Ереме́ё 36:10

тэ́ньчи о Варухо гиндя зоралэ́с (дэ́лас упрэ́) лылварьятыр лава́ Еремеёскирэ дро Кхэр Ра́скирэ-Дэвлэ́скиро дрэ комора Гемарияскири (унуко Шафаноскиро), саво́ сыс лыла́-чхиныбнаскиро (лылэнгиро чхиныбнари / писцо) пэ упратуны грэ́да, сыр тэ джа́н андрэ́ нэви́ по́рта дро Кхэр Ра́скирэ-Дэвлэ́скиро , зоралэ́с сарэ́ манушэ́нгэ.

Ереме́ё 23:28

О проро́ко, савэ́стэ исын суно́, мэк ёв тэ роспхэнэл суно́, нэ кодова́, савэ́стэ исын Миро лав, мэк ёв тэ роспхэнэл Миро лав чачунэ́с. Саво́ исын кхэтаныпэн машки́р пхус и зя́рка?” – ракирэ́ла Рай Дэвэ́л.

Ереме́ё 7:2

“Тэрдёв дрэ по́рта анги́л Ра́скирэ-Дэвлэ́скиро Кхэр (Кхангири́), и пхэн зоралэ́с анги́л манушэ́ндэ дава́ лав и пхэн: “Шунэ́н Ра́скирэ-Дэвлэ́скиро лав сарэ́ тумэ́, кон исын Юдэя́тыр, савэ́ заджа́на пирда́л дая́ по́рта тэ отдэ́н паты́в Ра́скэ-Дэвлэ́скэ.

Яви́р Зако́но 12:32

Саро́, со мэ ракира́ва тумэ́нгэ, причхувэ́н зор тэ кэрэ́н; ту на причху́в кэ дова́ и на отлэ долэ́стыр.

Sykadyipén 22:19

И ко́ли вари-кон отлэла вари-со далэ́ лылварья́кирэ пхэныбна́стыр, со явэ́ла анги́л, тэды Дэвэ́л отлэла лэ́скиро штэ́то джиибна́скирэ каштэ́стыр (дрэвостыр) дро свэ́нто фо́ро, пал со исын чхиндло́ дро дава́ лылварья́киро сви́тко.

Apostolengiri Butý 5:25

Нэ вари-саво́ ману́ш явдя́ и пхэндя́ лэ́нгэ: “Ѓа́да, одолэ́ мануша́, савэ́н тумэ́ чхудэ́ дро штарибэ́н, исын тэрдэ́ дрэ Кхангири́ и сыклякирэ́на манушэ́н.”

Joannostir 8:2

И пэ зло́ко Ёв явдя́ дрэ Кхангири́, и сарэ́ мануша́ гинэ́ кэ Ёв; и Ёв бэсця́ и сыклякирдя́ лэн.

Luka 19:47

И Ёв сыклякирдя́ лэн со дывэ́с; раша́нгирэ барыдыра́ и лылвари́тка и годэпхурэ́ думиндлэ, сыр тэ хасякирэ́н Лэс,

Ереме́ё 42:4

И пхэндя́ лэ́нгэ проро́ко Ереме́ё адя́кэ: “Мэ шундём. Акэ, мэ ява́ва тэ мангавпэ Ра́скэ-Дэвлэ́скэ, тумарэ́ Дэвлэ́скэ пир тумарэ́ лава́: и соб (кай) тэ на явэ́л, со Рай Дэвэ́л отпхэнэ́ла тумэ́нгэ, дова́ мэ пхэна́ва анги́л сарэ́ндэ тумэ́нгэ: мэ нисо́ на гаравава тумэ́ндыр.”

Яви́р Зако́но 12:5

Нэ пэ штэ́то, саво́ выкэдэ́ла Рай Дэвэ́л, Дэвэ́л тумаро́, сарэ́ тумарэ́ родыцэндыр, соб (кай) тэ явэ́л Лэ́скиро Лав одо́й, родэ́н Лэс одо́й и явэ́н одори́к,

Ереме́ё 7:27

И палдава́ ту, Ереме́ё, пхэнэ́са сарэ́ далэ́ лава́ лэ́нгэ, нэ ёнэ на явэ́на тэ кандэ́н тут. Ту явэ́са тэ кхарэс лэн, нэ ёнэ на отпхэнэна ту́кэ.

Езэкилё 33:7

Тут, манушэ́скиро чхава, Мэ чхудём ракхибнаскирэса Израилёскирэ кхэрэ́скэ, ту явэ́са тэ шунэ́с лав Мирэ́ уштэндыр, тэ явэ́са тэ сыклякирэс лэн Ма́ндыр.

Езэкилё 40:4

И пхэндя́ ма́нгэ адава́ ману́ш: “‘Чхаво́ манушэ́скиро! Дыкх пэ́скрэ якхэ́нца и шун пэ́скрэ канэнца, и прилэ́ илэ́са саро́, со Мэ ява́ва тэ сыкавав ту́кэ, пал-дова́ со тут яндлэ́ ваш одова́, соб (кай) мэ тэ сыкавав ту́кэ дава́ саро́, со ту дыкхэ́са, пхэн зоралэ́с Израилёскирэ кхэрэ́скэ.”

Isúso 8:35

Сарэ́стыр, со Мо́йза ракирдя́ Исусо́скэ, на сыс ние́кх лав, саво́ Ису́со на прогиндя анги́л саро́ Израилёскиро скэдыибэ́н и джувлендэ, и чхавэ́ндэ, и манушэ́ндэ, савэ́ явнэ́ явирэ рига́тыр, и дживэ́на машки́р лэ́ндэ.

Ереме́ё 1:7

Нэ Рай Дэвэ́л пхэндя́ ма́нгэ: “На ра́кир: ‘Мэ сом бия́то’; – пал-дова́ со ту джа́са кэ сарэ́, кэ кон Мэ бичхава́ва тут, и со Мэ припхэнава ту́кэ, дова́ ту пхэнэ́са.

Ереме́ё 25:2

Дава́ лав проро́ко Ереме́ё пхэндя́ сарэ́ манушэ́нгэ Юдэя́тыр и сарэ́ манушэ́нгэ Ерусалимо́стыр, ракири́:

Ереме́ё 28:5

Тэ́ньци проро́ко о Ереме́ё ракирэ́лас кэ проро́ко Анания анги́л рашандэ, и анги́л сарэ́ манушэ́ндэ, савэ́ сыс тэрдэ́ дрэ Кхангири́ Ра́скирэ-Дэвлэ́скири.